الأحد، فبراير ٠٤، ٢٠٠٧

حلم ليلة شتاء

أصحو مبكرا علي غير العادة متجها للعمل وعلي غير العادة، اتجه لأركب المترو.. اقطع التذكرة بعد عناء مع موظف الشباك الذي أصر علي أن الفكة مش مسئوليته "علي الصبح" بينما أصر أنا علي أنه "آمال إنتا بتعمل إيه بالظبط".. ننهى ترهاتنا بأن أقرر الانتظار أمام الشباك حتى تتجمع لديه الفكة.. فلا رغبة لدي اليوم في الصراع..

أدلف إلى العربة الأخيرة.. ملتقي شباب الجامعات الأول.. كل يوم يتجمعون في أخر عربة من أجل بداية يوم جديد.. يتجهون إلى الجامعة، أو إلى أى مكان أخر.. لا يهم .. المهم أنهم معا.. كما أنه لا يهم لأننا اليوم في أجازة منتصف العام.. فأنا لا أركب العربة الأخيرة في أيام الدراسة علي أية حال..

قبل أن أجلس أخلع عني الجاكت الذي يثقل كاهلي ويمنع قلبي من استنشاق برودة الجو.. دعك من أن العربة بعد قليل ستكون كإحدى غرف الغاز التي طالما ردد اليهود أن الألمان أحرقوهم فيها فأنا ل أتورع عن فتح الشباك المجاور لإحساس بذلك البرد الذي يحمل لك رائحة البحر من الإسكندرية إلى مكانك في القاهرة..

بعد أن جلست لمحتها أمامي.. كانت معها.. تبينت ملامحها جيدا.. ظللت أحدق فيها علي غير عادتي.. أما عادتي الأخرى في أحلام اليقظة فقد مارستها بشدة.. أنطلق خيالي بعيدا إلى الأسكندرية حيث فقد أرهقت الرياح من حمل رائحة البحر إلينا.. فأخذتها واتجهنا إلى هناك.. في تلك الشرفة المطلة علي البحر نجلس أنا وهي فقط.. يتلامس جلدنا تحت غطاء واحد.. فهذا عن التوحد..

نرتشف من مج نسكافيه واحد.. هي رشفة وأنا رشفة.. حتى أشعلنا سيجارة واحدة.. فهذا عن الانصهار.. أقربها من شفتي.. فهذا عن الذوبان..

"حمد لله علي السلامة" كان هذا صوت سائق المترو محدثا السائق الأخر يأتيني من السماعات الداخلية يقطع علي حلم ليلة شتاء.. فأتخذ قرار وبمجرد أن أخرج من المترو أتجه إلى أقرب مكان لأشتري قطعة شيكولاتة مثل التي رأيتها لكي أكمل حلمي معها.

هناك ١٤ تعليقًا:

LAMIA MAHMOUD يقول...

مش عارفة اقولك اية غير انها بعته عبقرية

emz يقول...

و بتقول عايز تبطل كتابة
D:

nour يقول...

الله يخرب بيت الرومانسية
انت جامد اوى يا احمد
ممكن اركب الميترو معاك طيب؟
على فكرة انا كنت لسه فى اسكندرية و الدنيا كانت تلج و مطر بالهبل
و افتكرتك لما نزلن البحر فى عز البرد الساعه اتناشر بالليل
قلت اشطة بقى و قلعت الكوتشى و شمرت البنطلون و اتكلت على الله و نزلت البحر بس كان تحفه
جامد و الله اجمد حاجة فى اليوم
بس جالى برد:)))

ياء يقول...

حلم مثالى فى الجون يعنى
فيه كل اركان الحلم الجميل

شتا - نسكافيه - مترو وفى الاخر شوكولاته

مش فاضل غير انك تلاقى ست الحسن والجمال ويصبح الحلم حقيقه

ونقول توته توته اتحققت الحدوته

كراكيب نـهـى مـحمود يقول...

ِشيكولاته
مممم
تمام كده هيه من الحاجات القليله في الدنيا اللي ممكن نستدعى احساسها وههي مش معانا
هيه اللي بتعرف تتوحد وتذوب معانا ولما نغمض عنينا نوصل معاها للتلاشي في عالم اللذة
تحياتي بوست جميل

The Eagles يقول...

احمد
ازيك يا مان عامل ايييييييه؟
اتمنى ان تتذكرنى
انا ايهاب اللى كنت معاك فى الكليو وكنت فى الدفعة اللى قبلك بسنتين وقابلتك من فترة فى الشغل عندك يا ريت تفتكرنى
انا اول مرة اعرف ان دة البلوج بتاعك من البلوج بتاع علاء القمحاوى
المهم انت عامل ايه ايه اخبار طبعا محتاج اشوفك واسلم عليك وياريت الميل بتاعك
عايزين نتقابل قريبا لو كنت فاضى



والسلام..........

مُصْعَب إِبْرَاهِيم يقول...

والله العظيم كنت عارف إنها بعتة..
بس ما كنتش متخيل إنها شوكولاتة :)

بس البنت اللي كانت بتاكل الشوكولاتة كان ايه نظامها؟ :p

Amira Hassan يقول...

لا تجبلي شيكولاته لا بلاش يا ولا
ماشي هنمشيها شيكولاتة مع اني مش مقتنعه لأن الاحساس عالي اكتر من اللازم

و وصف الحوار بينك و بين بتاع التذاكر تحفة
التدوينة دي جدييييييييييييييدااااااااااه

We2am يقول...

mmm..
mmmmm..
and mmm..
wad7 en feh hena 7bt 7agat m3rfhash..rbna ywf2k isa m3a 7ett el choclate ;)

shimaa يقول...

hummm w elwsf da kolo 3la elcoclate b2a..mesh 3rf ..mesh moktn3a..okay nmsheha choclate..ma enta kda kda btklm 3n 7aga 7lwa 2keed;)..yala n3ml 3obt w a2olk have a nice time wiz ur choclate

elkamhawi يقول...

اية يا باشا انتا بتشتغلنا
بس بجد اشتغال تحفة
اشتغالنا كمان وكمان

dead man يقول...

LAMIA MAHMOUD
حبيبتي .. يو ار ماي تشوكلت

dead man يقول...

emz
كنت عايز ابطل .. بس خلاص بأه
:p
---------
nour
أخجلتم تواضعنا
:D
المترو من حق الجميع..

------------
ياء
وادينا لقيناها يا باشا..

واحشني علي فكرة
--------------
كراكيب نـهـى مـحمود
شيكولاتي أجمل حاجة في الدنيا
:)
-----------

The Eagles
كيفك يا واد صحيح.. علي الله تكون مليح

الميل بتاعي موجود في البروفايل يا برنز
--------------
مصـ( الخير )ـعب

شششششش عيب يا بني .. تطخ فيها دلوقتي دي
--------------
Amira Hassan
اى خدمة.. زورونا تجدو ما يسركم
:)
-----------
we2am
واديكي عرفتي
:P
------------
shaimaa
WISH ME NICE TIME
-------------
elkamhawi

لول.. من عيني يا باشا هشتغلك

أميرة من غير قصر ولا بستان.. ولا الشاطر حسن كمان يقول...

عجبتنى جدا
بجد يا معلم احساسك عالى