حبة هرتلة
- السلام عليكم.. أستاذ ياسر؟
- مين حضرتك؟
- أنا أحمد الهواري
- أزيك يا أبو حميد.. اتفضل حط شنطتك واطلع الأتوبيس..
------------
- مالك يا ابني؟
- مفيش أصلي منمتش بالليل.. والندوات بتبدأ بعد الفطار الساعة 8.. مانتى عارفة أنا مبعرفش أنام بالليل؟
-----------
- أستاذ أحمد.. أستاذ أحمد..
- إيه.. هه.. إيه..
- في إيه يا أستاذ أحمد..
- مفيش أسف بس أنا ساعات بتفزع كده وأنا بصحى
- أسف بس حبيت أٌولك أنهم كلموك في التليفون..
- متشكر جدا واسف علي الموقف الرخم ده..
------------
- ما تقوم ترقص يا بني بدل مانتا عمال ترقص وانتا قاعد..
- بلاش.. لحسن لو قمت ممكن أعقدها وتبطل رقص.. وأكيد وراها كوم لحم بتجري وراه.. نياهههها
------------
- أستاذ أحمد برافو عليك.. ده انتا عقدتها.. خليتها ولا تسوى..
- ممممممممممم.. طيب
----------
- ايه بتبصوا علي ايه؟؟؟
- مممممم.. مفيش
- عادي يعني .. مجانين ونزلوا البحر الساعة 12 بالليل في عز طوبة.. عادي خالص.. نياهههههههه
--------------
- الله.. منظر البحر حلو أوي..
- عارفة أصل الامتداد اللامتناهي للجمال ده بيخلق جواكي نوع من الامتداد اللانهائي بالهدوء والراحة..
----------
- عارفة أنا اكتشفت أن الواحد ساعات بيحط نفسه ورا أسوار علشان ظروف في الحاضر.. بعدين بتبقى الأسوار دي من الماضي ومفيش مبرر لوجودها دلوقتي، بس برضه الواحد بيبقى خايف يعديها..
- طب إيه..
-----------
ولا كأنكو قريتوا حاجة.. حبة هرتلة.. بيحصل في أحسن المدونات..