الأحد، يناير 07، 2007

عام جديد.. يروه سعيد

حسنا انتهى عام وبدأ عام جديد.. ومثل كل عام يتمنى الجميع الأفضل في العام الجديد.. البعض يفعلها لأنه متفائل أو يحب التفاؤل.. والبعض يفعلها لأنه لديه مؤشرات ايجابية علي أن العام القادم سيكون أفضل بالنسبة له... ولهذا لم أكتب أنا عن العام الجديد لآني لست من المعتقدي في أفضلية ما هو آت.. ولم أشأ أن أعكر مزاج من يأملون في عام قادم أفضل..

مع بداية كل عام تتحفنا الصحف والمجلات والشاشات الصغيرة بصورة كل عام .. صورة مسوم فيها امرأتان واحدة عجوز شمطاء تمثل العام المنصرم تعطينا ظهرها وتنصرف.. والأخرى "مكنة" تمثل العام القادم تحاول أن تعطيك أجمل ما لديها من ابتسامات.. بالنسبة لي الصورة معكوسة تماما.. فالـ"مكنة" ذهبت.. والشمطاء قادمة..

كل المؤشرات علي العام الجديد سلبية.. لن يكون أفضل من العام المنصرم علي أقل تقدير.. ربما أسوأ لكن من يدري..

شيء واحد قد يبدو جيدا في العام الجديد.. هو أن بعض أحبائي يروه سعيد.. وأنا أتمناه كذلك لهم.. أتمناهم أسعد وأجمل ومحققين لأمالهم.. لكل هؤلاء.. ولغيرهم أتمناه عاما سعيدا.. عليهم..

هناك 10 تعليقات:

مصـ( الخير )ـعب يقول...

حاسس بيك أوي

عارف؟!! لما كنت صغير و تجيلي لعبة جديدة كنت بأفرح شوية، لكن كلها خمس دقايق وأحن للعبة القديمة تاني.. وأكتر لعبة كنت بأحبها أقدم لعبة

وكده طول حياتي
رمضان قبل اللي فات أحسن من اللي فات، واللي قبله أحلى منهم هم الاتنين وهكذا

ده حتى الحاجات الصغيرة أوي بأحس فيها بكده.. القلم الروترينج القديم لما كنت بأشتريه كنت بأحبه أوي أوي.. اتغير وبقى زبالة وبطلت أجيب روترينج أصلا

فاكر لما اتكلمنا عن الأرابيسك بتاع زمان وبتاع دلوقتي؟!

أيام الطفولة كانت أحلى وأحلى.. كل يوم تزيد مسئولياتك ويزيد القرف من حواليك.. كل يوم تتقتل البراءة أكتر فيك.. وتحس إنك أوحش من الأول.. و بتتعب أكتر، بتتوه أكتر.. ولحظاتك الحلوة بتقل وتقل تقل

مفيش حاجة مهما كانت حلوة من برة هتعوضك عن الشرخ اللي جواك اللي كل ما الزمن يمر هو يزيد.. وده عمر الزمن ما عرف يداويه.. ولا النسيان يقدر.. يمكن أنت مش فاكر سببه أصلا.. بس كل يوم بيزيد

زي الحتة اللي أنت بتحبها يا أحمد:
"أهي دنيا وعايشينها وبس"

we2am يقول...

يااه..نفس الاحساس ده جالي..2006 مش حلوة اوي كده..و الجاية شكلها مش احلي..
بس عموما..نا انسانة متفائلة زي مانت راسي..وبحاول دايما يكون بكره احلي من النهارده..
يالا..كل سنة وانت طيب و معانا هنا..
:))))

we2am يقول...

يااه..نفس الاحساس ده جالي..2006 مش حلوة اوي كده..و الجاية شكلها مش احلي..
بس عموما..نا انسانة متفائلة زي مانت راسي..وبحاول دايما يكون بكره احلي من النهارده..
يالا..كل سنة وانت طيب و معانا هنا..
:))))

we2am يقول...

يااه..نفس الاحساس ده جالي..2006 مش حلوة اوي كده..و الجاية شكلها مش احلي..
بس عموما..نا انسانة متفائلة زي مانت راسي..وبحاول دايما يكون بكره احلي من النهارده..
يالا..كل سنة وانت طيب و معانا هنا..
:))))

Amira Hassan يقول...

كلام في سرك 2006 كانت وشها حلو اوي عليا ..وعشان كده مقلقه من 2007 بس ده ميمعنش اني عندي زوربي-على راي وئام- احلام نفسي احققه

اميرة هشام يقول...

ليه كدة بس ياجماعة بتقولوا كدة

كل سنة فيها الحلو والوحش

واجمل اللحظات هي التي لم نعشها بعد

عشان كدة طول مافي حياة

طول مافي لحظات حلوة هاتيجي علينا

وفي النص كدة هتقابلنا لحظات صعبة

واللحظات الصعبة والمريرة دي هتبقي
مفيدة اوي عشان هتخلينا نحس بجمال وحلاوة اللحظات الجميلة اللي هتعدي علينا

بنت امي الغالية يقول...

انا مش عارفه اقول لك ايه والله انا كان نفسي اكتب عن الست دي ومش عارفه مكتبتش ليه حاجة في قلبي كده مش عارفاها يمكن لاني مش متفاءلة زيك يلا خير ادينا هنشوف

دعاء عادل يقول...

بس المشكله ان الاتنين مرعبين السنه القديمه والجديده
وربنا معنا بقى
بس حاول تلاقى
حاجه احلى واكيد هاتلاقى
مش مهم السنين عامله ازاى المهم احنا هانتعامل معاها ازاى

dead man يقول...

الرفيق الجنرال مصعبوف

ربنا يخليك يا حبيب قلبي.. ان شاء السنة تبقى أحلى عليك من اللى فاتت..

وعلي فكرة اسمها "أهي دنيا عاشيشن فيها وبس".
:D
-----------
we2am
ان شاء الله السنة اللى احنا بقينا فيها دي تبقى أحلى عليكي .. وكل سنة وانتي طيبة
-----------
amira hassan
أن شاء الله في 2007 يتكمل حلم 2006، وكل أحلامك الجديدة تتحقق يا رب

-----------
أميرة هشام
عادي بيقولوا كده علشان ده تخوف انساني طبيعي من المجهول.. والسنة اللى جاية لسه مجهولة..

أما بقى حكاية أجمل الأيام هي التي لم نعشها بعد دي فأنا الكلام ده قالهولي عزيزي الوغد مرة وانا رديت عليه..

الوغد معقش هنا بس أنا بتمنهاله سعيدة..
---------
بنت أمها الغالية..

ان شاؤء الله خير يا دودو متقلقيش
---------

dead man يقول...

دعاء عادل
بتخيل منطقة رمادية كده بين السنتين أقعد فيها..

وانا بقيت حاسس أنه لا مهم السنين هتمشيى عاملة ازاي ولا مهم احنا هنتعامل معاها ازاي.. مش مهم