الأحد، يناير 07، 2007

عنكم.. والـcomments

في البداية هو إحساس لكي تشعر به يجب أن تكون ممن يصلهم تقرير بالتعليقات التي يتركها البعض علي مدونتك.. بمجرد أن يترك أحدهم تعليقا يصلك علي بريدك الإليكتروني رسالة بها كل المعلومات عن التعليق..

تنتفض علي صوت يخترق أذنك من خلال الـhead phone ويتراقص أمامك الـyahoo mail alert يخبرك بان لديك تعليق جديد علي إحدى تدويناتك.. فتدخل سريعا علي مدونتك لكي تقرأ التعليق.. ينتابك السرور ولأن أحدهم "عبرك بتعليق".. أحدهم قد شاركك لحظة فرح.. أو ساندك في لحظة حزن.. وكم أكثر تلك الأخيرة..

بمرور الوقت تجد نفسك تعلقت وجدانيا بالتعليقات ومن يتركوها.. تصبح مترقبا لبعض التعليقات من بعض الناس بعينهم.. تصحو لتشعل سيجارة وتجلس بجانب ألـyahoo mail alert تنتظرهم.. وبمجرد أن يصل أحدهم تبتسم وتجري علي مدونتك لكي ترى ماذا ترك هذا الصديق الذي لا تعرفه..

بعد المزيد من الوقت يصبح الصديق أكثر قربا.. وكما هي العادة كلما زادت العلاقة زاد الألم.. تجلس أنت وحيدا أمام شاشة الكمبيوتر في إحدى المرات.. يدخل أحد الأصدقاء ويترك تعليقا.. فيظهر أمامك الـalert إياه تمد يدك بلا وعي تصافح الصديق فترتطم ببرودة الشاشة البلورية..

تقرأ التعليق.. تشكر من وضعه علي مشاركتك تلك اللحظة.. عندما تكون لحظة خاصة تتمنى لو أنك تستطيع الوصول له .. أن تشكره بنفسك.. تذهب إلي بريدك الإليكتروني تبحث عن بريده فلا تجده.. يرتسم هذا الوجه L فوق وجهك فأنت لا تستطيع أن تشكره شخصيا..

مرة وراء الأخرى يزداد ضيقك عندما ترى صديق حميم يترك تعليقا وراء الأخر علي ما فاته من تدوينات وتعجز أنت عن شكره والأطمئنان علي سبب غيابه فتقرر أن تلغي الـalert أساسا من مدونتك.. ولكنك في النهاية تتراجع.. فربما يفعلها يوما وتجد بريده الإليكتروني.. وتشكره

هناك 14 تعليقًا:

مصـ( الخير )ـعب يقول...

الحمدلله إننا بنتقابل في المكتب فبتعرف تسلم علي براحتك :)

و أنا شامم ريحة حاجة عارفها في "عبرك بتعليق" أنا شفت الجملة دي فين؟!! شفتها فين؟!! أيوة افتكرت ... يلا خلاص مش مهم...

المهم، كل تدوينة وأنت بتعليقات

وكفاية كده لأني بأسقط ومش شايف قدامي

مد ايدك صافحني!

Amira Hassan يقول...

امممممممممممممممممم
انا عارفة الاحساس ده
احسا انك تحس ان في حد بيشاركك اي احساس ليك
او ان حد خصك برساله

نفس الاحساس لما يرن صوت المسدج على موبايلك

if i know wat i mean y3ny

مصـ( الخير )ـعب يقول...

إلا قل لي صحيح..
هو أنا من الناس اللي بتستنى تعليقاتهم؟!!!
:P

ده أولا...

ثانيا أنا عندي الـalerts بتيجي على الـgmail
فبأشوفها بـgoogle talk مش بالأyahoo mail alert

تعليقات الناس عندي كده مقبولة يا سيدنا الشيخ؟!!

=))

we2am يقول...

واللي مش بيشوفك طيب..يعمل ايه ده؟
:((
اهم حاجة عندي المشاركة..ايا كانت..و ان اللي بسبلو كومنت..يكون مقدر ده تماما.
ولكنك في النهاية تتراجع.. فربما يفعلها يوما وتجد بريده الإليكتروني.. وتشكره
مش ممكن..انا وصلي حاجات صعبة اوي..من الكلام البسيط ده :)))

محمد السيد يقول...

طيب بعد الكلام ده أقول إيه ؟؟

يعني أدور علي طريقةأسيب بها رسالة ومتجيش تزعجك علي yahoo mail alert
؟؟

ولا معلفش يعني ولا أعمل إيه ؟؟

حتي التعليقات مستكترينها علينا ؟؟؟

ده إيه العالم دي ؟؟؟

محمد السيد يقول...

نسيت أسألك ....
زي مصعب صحيح ..؟؟

إلا قل لي صحيح..
هو أنا من الناس اللي بتستنى تعليقاتهم؟!!!


يلا سلام

دعاء عادل يقول...

انا سلمت عليك النهارده 3 مرات تقريبا وادينى يا سيدى داخله اسلم لرابع مره فى نفس اليوم
وعندك حق الواحد بيتعلق بكل حد بيسب له تعليق ومع الوقت بيحس فعلا انهم اصحابه حتى لو كان عمره ما قابلتم
تصبح على خير بقى

rokaaa يقول...

انت انسان جميل ومدونتك جذابة وجميله
حلو احساسك ناحية التعليقات وكلنا هذا الرجل

بنت امي الغالية يقول...

انا باحب الناس اللي بتعلق عندي قوي وحسيت اني باحبهم قوي لما كتبت اني متضايقة وفرحوني وكان نفسي اكتب عنهم تدوينه عن ردودهم وتعليقاتهم عندك حق ياهواري الفكرة دي حلوة ان حد يسال عنك او بمعنى اصح يعبرك

emz يقول...

كانىن انا اللى بتكلم يا ربى
كتير اوى ناس بتعلق عندى بدخل اشوف ايميلهم عشان اشكرهم بس مش بيحطوه..
احساس جميل :)

dead man يقول...

مصعب باشا
لازم تسيحلي كده علنا .. شفتها في مدونتك يا سيدي.. ارتحت
:D
-----------
amira hassan
aked u know what u mean,
وخصوصا لما تكوني نخصصة نغمة محددة لحد معين في الرسايل
------------
مصعب الخير
بالنسبة للسؤال الأولاني فانتا عارف تعليقاتك ايه بالنسبة لي

أما عن السؤال الثاني فحلال حلال حلال.. قالها ثلاثا ثم بكى
------------
we2am
المشاركة دي أهم حاجة.. ويهمنا أنك تكوني مبسوطة
------------
محمد السيد
متقول لنفسك يا أخي.. الله.. لازم أزعق
:D
حبيبي والله
------------
محمد السيد
زي ما قلت لمصعب برضه انتا عارف تعليقاتك ايه بالنسبة لي
-------------
دعاء عادل
أصدقاء غاليين والله.. وانتى من أهله
-------------
rokaaa
متشكربن مووووت .. وأهلا بيك في قبورنا المحدودة
-----------
بنت أمها الغالية
ربنا يخلي كل أيامك الجاية فرحة
------------
emz
ربنا يخليكي.. ومعلش ممكن في يوم تلاقي الميل بتعهم.. وتشكريهم

shaimaa يقول...

عجبنى اوى سرد احساسك بالتعليقات فى المدونات

انا بقيت بحس بكده برضه

سعيدة بدخول مدونتك
:)

saso يقول...

انا لما بقيت كده اتخضيت قد كده بقي مهم عندي رأي ناس معينة، وانا باكتب سطر معين بافكر ان التهريج هنا هيوصلهم والحزن في السطر ده هيمسهم..لحد مابطلت افتح البلوج أصلا وبعدين فكرت وايه يعني مادة طبيعي مفيش احسن من ناس بتحب كلامك وبس من غير اي سبب حتي لو انا مش شايفة كلامي يتحب بس هما شايفين
كل بوست وانت احسن من اللي قبلة
:)

مُزمُز يقول...

نفس الإحساس اللي بيحصللي

لحظات انتظار تعليق معين والنشوة اللي بتطيرك لما ييجي

جميل بجد البوست ده ولمسني جدا عشان حقيقي أوي
مدونتك كلها جميلة
تحياتي