الأحد، يناير 07، 2007

عن الناس نتحدث

سألني البعض اليوم عن ما يمثله "البني أدمين" في حياتي، بعد أن ضحكنا كثيرا علي أحد الإفيهات، وأجبت علي السؤال اكتشفت أن الكثير لا يعرفون كم هم مهمين في حياتي كـ"بني أدمين".. قد تعتقد أني مجنون إذا عرفت كم يمثل لي إنسان مبتسم من دواعي للسرور.. ربما هو سرور مؤقت.. ربما سرور لأنك ترى شيئا أنت تفتقده.. ولكنه يبقى في النهاية سرور..

لا تتخيل كمية السعادة التي تدخلها علي قلبي ابتسامتك.. وخاصة لو كان لي طرف في صناعتها.. لو كانت ابتسامة طفل صغير.. أما ضحكتك فهي تغني عن الدنيا وما فيها.. وأكثر منها غني ضحكة طفل صغير.. عندها أحس أن العالم أفضل وأطمئن علي مستقبل البشر..

لن تصدق أن الفتاة الوحيدة التي عاكستها في حياتي كان من أجل أن أرسم ابتسامة علي وجهها.. كنت في المعمورة بالإسكندرية.. الساعة الثانية ليلا علي البحر مباشرة عندما تعلو مؤشرات الشجن.. تمر من أمامي تلك الفتاة التي لا يتعدى عمرها الأربعة عشر عاما بإعاقة في يدها ودموع في عينها لأن صديقاتها كن في صحبة فتيان وهي لا.. كلمة صغيرة "والله عسل".. مسحت بيدها الأخرى دموعها ونظرت لي وابتسمت بخجل.. ربما زالت ابتسامتها بعد أن رحلت.. ولكنها أعطتني مساحة من السلام النفسي أمتد لأكثر من نصف ساعة.. وهذا عندي كثير..

أما عن الأطفال فلن أقول لك ماذا أفعل لكي أجعل أحدهم يضحك فهذا ضرب أخر من الجنون.. ولكن يجب أن تعرف أنه من الخطر عليك أن تجعل طفلا يبكي في وجودي هذا يجعلك مهددا بالانقراض وربما يجعلك أحد أسباب التزوير في الانتخابات عن طريق تصويتك وأنت في القبر..

هذا ملمح صغير مما يمثله الناس لي.. فإذا كنت عديم الفائدة في وجود "البني أدمين".. فماذا سأكون من غيرهم.. مخطئ من ظن أني أكره الناس.. مخطئ من ظن أني أكره الحياة.. أنا فقط أكره نفسي..

هناك 14 تعليقًا:

مصـ( الخير )ـعب يقول...

وبعد كل ده يقول لي "أنا بس بأكره نفسي"

اسمحلي أستعير أحد جملك في أحد تعليقاتك القديييييمة على مدونتي واللي لما قريتها "ابتسمت"

"علي الطلاق أنت عسل يا جدغ" :)

we2am يقول...

يا صباح الورد!! :)))
اقول ايه بس؟..لو علي كده.انا كل ماشوفك هابتسم..لا هاضحك..انت ماينفعش حد زعل اما يشوفك اصلا..البني ادمين طاقة برده..وانت اكبر من استيعابنا والله..
ايه ده؟..انت خليتني اعاكسك علي الملأ منك لله! :D :D

Amira Hassan يقول...

انا واثقة البنت دي هتفضل فاكراك طول عمرها و مش بعيد تكون بتحبك :)

انت حد حساس اوي

محمد السيد يقول...

المشكلة إنها جت في وقت مش عايز أضحك فيه ...

تحديدا مش قادر أضحك ....

عموما " البني آدمبن " يستاهلوا كل خير ويستاهلوا كل حاجة حلوة .. ويستاهلوا يكون معاهم واحد زيك يحكي عنهم وليهم ...

وزي ما مصعب قال ... بعد ده كله تقول لي باكره نفسي ...؟؟

محمد السيد يقول...

أقولك ....
الحل شكله ..إنه أروح علي المعمورة يمكن ألاقي لي واحدزيك كه .... يضحكني ويفرحني ...

ويشيل شوية من اللي موجود حدانا

Dananeer يقول...

مش عارفه اعلق فين و لا فين
المشكله انى اول مجيت اعلق ملقتش كلام

عموما شكرا على الاحاسيس الحلوه اللى مليت البطاريه بيها

اميرة هشام يقول...

بقي تحب الاطفال
وتعاقب من يجعلهم يبكون


ومتعرفش تحب نفسك

انا بقي مبحبش نفسي
وكمان مبحبش الاطفال دايما لما اشوفهم اتخانق معاهم

بس لو خيروني بين حب الاطفال وحب نفسي

هحب نفسي اسهل ياعم

اميرة هشام يقول...
أزال المؤلف هذا التعليق.
بنت امي الغالية يقول...

والنبي انت اللي عسل ياهواري انا مش عارفه ايه النظام مصعب وهواري كلكم بقيتوا ليكوا في البنات يمكن انا اللي مكنتش واخدة بالي يلا خير عموما يا ابو حميد سيبك انت كمان لما بتضحكك وشك بيتغير تماما وملامحك بتبقى متغيرة اضحك محدش واخد منها حاجة على راي ستى الغالية

دعاء عادل يقول...

يبقى خلاص يا عم هانقول لكل الناس اللى يعرفوك واللى لسه مش عارفينك
اول ما اى حد يشوفك يفضل يضحك
عشان تبقى مبسوط
لكن المشكله وقتها ها تتخنق من كل الناس وتكرهم لانهم اتحولوا لهبل كلهم
وربنا يديم عليك قلبك الجميل

محمد السيد يقول...

دلوقتي ممكن أعلق ...

ممممم

الصراحة مش لاقي حاجة أعلق بيها ...

عموما ...... ضحكتني ...

وزي الي قبلي "دعاء عادل" ما قالت لك .. الناس كلها حيبقوا هبل ..

هي ناقصة هبل؟ ؟

ضحكتك ... ربنا يديمها علينا نعمة ويحفظها من الزوال ...

3aSeF يقول...

يالله الاطفال ملايكة ع الارض وبالفعل الابتسامة نعمة ربانية بسيطة الفعل كبيرة التأثير .. انت طلعت حساس D: نادر ما نلاقي ناس بتحس بالناس بهال الشكل الرائع ,, لكن راااائع لانو "الي ما بحس بالناس ,,مش من الناس"

elkamhawi يقول...

قشطة يا كبير بس تلاقيك بتتعب قولى لحد ما تضحك طفل صغير
اقولك دخلة غرفة وانتا هتلاقيه عسل
سلام يا كبير

dead man يقول...

مصاعيبوز

زي ما قولتهالك قبل كده هقولها تاني.. علي الطلاق أنتا عسل يا جدع..

-----------
we2am
يا صباح الفل..
ربنا يخليكي مش عارف أقولك ايه بصراحة.. بس انتى عارفة الكلام ده كبير عليا أوي
------------
amira hassan
وممكن تكون نسيتني..
ربنا يخليكي
-----------
محمد السيد
أنا عارف أن مزادك مش رايق.. بس معلش هي دي الدنيا
----------
محمد السيد
ربنا يكرمك وتلاقي اللى يفرحك العمر كله
----------
dananeer
شكرا علي ايه بس.. شكرا ليكو انتو انكوا بتقروا الكلام ده أصلا
----------
أميرة هشام

متحبش نفسط طيب أوك دي حاجة بتاعتك.. انما متحبيش الأطفال........

حاجة بتاعتك برضه هقولك ايه يعني.. بس علشان خاطري متحبهمش ماشي.. بس متزعليهمش
-----------
بنت أمها الغالية

ربنا يخليكي.. وانتى عارفة البير وغطاه لا بنات ولا حاجة كاتنا النيلة في حظنا الهباب
-----------
دعاء عادل
أهم حاجة انها تكون ابتسامة من القلب.. وضحكة صافية.. وربنا يخليكي
----------
محمد السيد
ربنا يخليك يا جميل
----------
3asef
ربنا يخليك يا باشا.. وعلي فكرة في ناس بتحس بالناس بس مش من الناس..

وحشتنا تعليقاتك علي فكرة.. وشكرا ليك
-------------
elkamhawi

صباحه يا عمنا .. غرفة مرة واحدة لعيل صغير يا قلبك يااخي..