الأحد، يناير 07، 2007

رقصة.. slow

وأنا راجع النهاردة من بره حصلت حاجة غريبة.. الهواء كان شديد.. والشارع فاضي مفيهوش حتى قطة، وأن مبسوط بصراحة أصل أنا والبرد أصحاب، صوت الهواء والبرد عمل في وداني صوت حسيت معاه أنه صوت البحر.. صوت البحر في ميامي في إسكندرية.. وافتكرت لما كنت هناك أخر مرة..

ومرة واحدة لقيت نفسي بافتكر حاجة بفكر فيها من مدة.. حلم كده مفيش أى حاجة من عناصره موجودة أصلا غير أنا والبحر.. وCelene Dion.

حلم مشوش ضبابي بس أنا بحبه أوي.. بحلم أكون علي البحر أنا وواحدة بحبها وبتحبني أوي.. وفي الخلفية تغني Celene Dion أغنية to love you more وهي بين ذراعي نرقص slow .. أنا لاأعرف كيف أرقصه ولكني حتما سأرقص معها.. فكيف يمكن أن أرفض أن تكون في حضني وأنا في حضنها أنظر إلي البحر في عينها..

أنا لا أعرف كيف أرقص slow وهي تعرف أني لا أعرف ومع ذلك سترقص معي.. لأنها تحبني.. ولأني أحبها.. أنا لا أرى وجهها في الحلم لأني لا أعرفها بعد.. ومن يهتم بوجهها.. فقط اهتم بقلبها.. قلبها الذي يراقصني..

هناك 25 تعليقًا:

Amira Hassan يقول...

ياااااااااااااااااارب تلاقي البنوته دي عشان تحط صورتها على الماسنجر
انت فاهمني طبعا
نيهاهاهاها

we2am يقول...

هو ايه حكاية السلو دانس مع البشر؟ :D
حلم جميل اوي..وعناصره رهيبة..بس اوحش حاجة البنت اللي من غير ملامح..ياتري هتلاقيها؟وامتي ؟وفين؟
اوعي تضيعها لو لقيتها بس :)))

مصـ( الخير )ـعب يقول...

ياااااه أنا بأحلم نفس الحلم من فترة طويلة

الفرق إني مش عاوز celene شغالة في الخلفية

صوت البحر وبس

بس هي فين اللي تستحق ده منك يا أحمد؟!!

غير معرف يقول...

الى الاخ الحالم
على فكرة انتا شاعرى على الاخر ودة حلم جميل بيحلم بيه كل شاب فى مصر ودة لو دل هيدل على انك رمنسى جداً ولو حبيت بتحب بجد من كل قلبك على فكرة انا لقيت الانسانه دى كانت زملتى فى الدراسه انسانة متدينة ومتعلمه (بكلوريوس علوم حاسبات)كانت زملتى فى الدراسه وطبعا علشان ظروف مصر الجميله لانك بتلاقى شغل بسرعة والشقق مش لقيه حد يسكن فيها علشان كدة قررت انى اسافر وموجود حالياً فى الامارات وطبعاً الغربه مفيش احسان منها لا بتحس بمرارة ولا نفسك تصعب عليك وتلاقى نفسك عمال تعيط من غير اى حاجة بجد مصر غليا علينا جداً وعيد سعيد عليكم من غير مبارك

عبوووووووود يقول...

ربنا يرزقك باللي ترقص معاك slow

Red Rose يقول...

أحيانا الصورة التي في خيالنا عن الحلم القادم تبقة أجمل جدا و لها طعم مختلف

بنت امي الغالية يقول...

ياسلام ياسلام الهواري يحلم يابختها ياعمنا يابختها اللي هترقص معاك على البحر كمان
يارب تلاقيها بسرعة يارب اما بقى موضوع انك مبتعرفش ترقص فده عادي ساعتها هتعرف ترقص

دعاء عادل يقول...

حلم حلو اوى يا احمد
وانشاء الله تلاقيها
وترقص معاها على البحر زى ما بتحلم لكن الاهم ان يكون لها السبق
وتقدر تولع اللمبه
بعد كل الفتره دى
ربنا يوفقك

smraa alnil يقول...

حلمك موجود بس بيدور عليك علي تمشية بحر
وسما زرقا وهمس طيور رقيق
موجود مع نسمة جاية تهمسلك تقولك هي قربت تيجي
موجود مع غمضة عين منك وابتسامة هتلاقيها
بس الموضوع محتاج شوية صبر منك
خليك علي قين ان حبيبتك الراقصة الخيالية بتدور عليك ومستنياك زي مانت بتدور عليها ومستنيها


تصدق اني انا برضه مش بعرف ارقص سلو
بس عندي امل بان الفارس المنتظر دة هو اللي هيعلمني

وصدقت لما قلت انك بمجرد انك هتلاقيها مش هتهتم باي شئ غير قلبها
لان اكيد هو دة اللي هينبض باسمك
لانها بجد مش هتلاقي حب زيك ابدا
بجد كلام روعه

dead man يقول...

Amira Hassan
وتفتكري اني لو لقيتها هحط صورتها علي الماسينجر وأسيح.. أبدا صورتها هتبقى في عينيا وقلبي..
نياهاهاهاه
---------
we2am
ربنا يخليكي.. اتمني أني مضيعهاش فعلا لو لقيتها
------------
مصاعيبوز

أكيد موجودة بس بتتقل ومستخبية مع اللى هترقص معاك
-----------
Anonymous
ربنا يخليك وياخد مبارك.. وترجع بالسلامة علشانك دموعك غالية علينا

---------
عبوووووود

ربنا يخليك.. وأهلا بيك في مقابرنا العزيزة وان شاء الله تكررها تاني
---------
red rose

دي تقريبا حقيقة الواحد بيخاف منها بس هنعمل ايه.. حتى الحلم لما يجي حلو بنخاف منه..

نورت المدونة
-----------
بنت أمها الغالية
ربنا يخليك يا رافع معنوياتي دايما.. وساعتها يا ستي ممكن نتعلم أنا وهي سوا
---------
دعاء عادل

ربنا يخليكي.. هي تيجي بس وأنا أوله اللمبة من نفسي:)
----------
smraa alnil
ربنا يخليكي بجد.. دايما بتبسط بتعليقاتك بحس أنها حاسة بيا.. وبا سني نلاقيهم بس وبعدين نروح نتعلم الرقص كلنا سوا

frozen love يقول...

انت عارف الحلم ده كم واحد بيحلموا يابني....بس هو قد ايه جميل

حلو الاغنية اللي اخترتها للرقصة..وحلو انك مش فارق معاك غيلر قلبهاا

shaimaa يقول...

ummmm...tyb 2b2a shof 7ta 3la elb7r 3'er eli ana hb2a br2os feha b2a 2w a2olk nb2a n7ded mo3eed mo7'tlfa:)

7lw 2wii voice celine dion ka background le elr2sa w 3la fkra enta mesh m7tag tat3lm tr2os slow
it'll comes naturally ama tl2eha isa w tr2oso swa 3la elb7r ...yarab yaraaaaab tl2e eli tr2os m3ha slow w eli kol ama tshofha t7lm b7lm gded r2e2 like this 1

Mony The Angel يقول...

:)
kont lsa bafakar feeky wallahy ya shaimaa, kont lsa hakteb "t3aaly ya shaimaa" a2oom ala2eeky alcomment ally foo2y direct kda :)
post to7fa awe ya man (mn 3'eer dead :))
hope u find her and dance with her slow, matensaash bas sa3etha tb2a ted3elna 3shan da3awatna de :)

كراكيب نـهـى مـحمود يقول...

ناعم وحلو جدااااااا

esraa يقول...

علي فكره هي كمان بتدور عليك,
بس مش عارفه تلاقيك فين أو ازاي؟

حنيـــــــن يقول...

ياااااه على الشتا والبرد والمشاعر اللى بتتحرك وتشتعل

امنيه او حلم ربما يتحقق فى يوم

elkamhawi يقول...

احساس حلو
احساس رائع
بس المهم انها تكون تستاهل ده كلة
ويارب تلاقيها
وعلى فكرة فيها حاجة بديلة ممكن برده تقعد على البحر وCelene Dion
تغنى برده وتبقى معاه اللى كانت فى الصورة عندى فى الماسنجر
اية رايك ساعتها بقى ترقص سلو ترقص ماكرينا مش هتبقى فارقة

bagabigo يقول...

بجد مبسوطة اوى انك رجعت تكتب بجد مش هتقدر تتخيل قد ايه كنت مبسوطة لما لقيتك كتبت تانى و عن حبيبتك دور عليها اكيد هتلاقيها لأنها هى كمان بتدور عليك

sabrina يقول...

وأن بقول اني لما شفت الصوره حبتهاعلي طول
اتاريها ل
celion dion
ماشي يا عم ماشيه معاك

أميرة ويلز يقول...

هى ايه حكاية الرقص سلو ع البحر بالذات ليه هافف عليكوا والدنيا تلج كدة فى مدونة شيماء نفس الامنية بنفس تفاصيلها ولو اختلفت قليلا

الاحلام من النوعية دى جميلة ورائعة تعنى صفاء القلب ورقى الروح والعقل

تحياتى ليك

nour يقول...

احمد
انا مبسوطة اوى اوى من البوست الرقيق الجميل ده:)))
اول ما خلصت قرايه لقيت ابتسامه كبيرة اوى على وشى يا عم يا بختهاااا
بجد يا بختهاا
كل ده و انت ليه بتحلم بيها
امال لما تشوفها هتعمل ايه
انا هبدأاحسدها بقى من دلوقت:)))

LAMIA MAHMOUD يقول...

الحلم بجد حلو اوي

يارب تلاقيها ويبقى الحلم بصورة .. بس ابقى ساعتها ورينا الصورة احنا كمان

أحمد يكتب كما لم يكتب من قبل يقول...

ده حلم ولا فيلم؟
بس انا واثق ان المخرج مبدع

dead man يقول...

frozen love
ربنا يخليك.. بس تفتكر كام واحد حقق الحلم ده
--------
shaimaa
يا ستي ساعتها مش هتفرق.. هنبقى نزبطها
--------
Mony The Angel
بس كده.. من عيني :D
------------
كراكيب نـهـى مـحمود

ربنا يخليكي (F)
--------------
esraa

يا ستي قوليلي بس انتى هي فين وانا جري علي هناك..
-----------
حنيـــــــن
دعواتك معانا.. وأهلا بيكي في مقابرنا المحدودة
-------------
elkamhawi
عم علاء.. كده ساعتها هنشغل العنب للرائع بعرور
-----------
bagabigo
ربنا يخليكي بجد.. مش عارف أقولك ايه..
(f)
------------
sabrina
ماشية فين بس .. دي واقفة عطلانة خالص
-----------
أميرة ويلز
ربنا يخليكي علي الكلام الكبير ده..
-----------
nour
ربنا يخليكي.. مبسوط انى رسمت ابتسامة علي وشك.. (f)
ووالله انا ما عارف هعل ايه .. بس أكيد هحبها..
---------
LAMIA MAHMOUD
أوعدك يا ستي أنك هتبقى أول واحدة تشوف الصورة
----------
أحمد يكتب كما لم يكتب من قبل

ربنا يخليك يا باشا
(f)

OMA يقول...

alaaah el elraw2an da bas ya 3aam

slow w 3la el ba7r w kaman to love u more !!

enta raye2 begad..ya rab tela2eha w tet3mlo el ra2s ma3 ba3d

3agbi el post awi...