السبت، يونيو ٠٩، ٢٠٠٧

...........

"اجروا يلا روحوا عند أمكوا.. اللي هيجي هنى تاني هحرقة وبعدين هموته".. هكذا صرخ هو في ولدين وبنت أكبرهم ثمانى سنوات وأصغرهن 5 سنوات.. انتفضوا ذعرا لمعرفة العواقب فهذه ليست أول مرة..

"ارجعوا لأبوكوا تاني احنا مالناش دعوة بيكوا".. هكذا صاح الخال فيهم من وراء الباب- والخال فيما يقال والد- وبين بكاء الأطفال وصراخ الخال لم يجدوا شيئا سوى العودة إلى الشارع..

وفي الشارع وبين خوف المجهول ورعب المعلوم قرروا أن يبيتوا ليلتهم في تلك الحديقة المجاورة لمحطة الأتوبيس وليقضى الله أمرا كان مفعولا....

هذا ما اتفقت عليه كل الأطراف .. لأنه وبعد حوالي 17 عاما لم يبق هناك من يقين سوى حول البدايات.. فأحدهما يقول أنهم ذهبوا في النهاية وقبل أن ينقضى الليل إلى مركز الشرطة وسلموا أنفسهم..

والأخر لا يتذكر أى نهاية سوى أنه كان نائما في طرف وأخوه في طرف أخر وبينهما الأخت.. وأنه عندما ظهرت له تلك الكائنات لم يفعل شيئا سوى أن يبتسم .. لحنانهم..

أما هي فتقول أن الأخ الأكبر – لم يكن بالضرورة يراقبك- قد نام في المنتصف متعلالا بالبرد وأن أحدا ما هو من أعادهم إلى المنزل..

أما الأب وأشباهه فيقولوا أنها كانت حرب علي شقة وكان الأطفال.. كما أي شئ أخر .. سلاح في الحرب..

والآن وبعد 17 عاما "يلا اخرجوا انتو وامكو من الشقة بتاعتي"..

هناك ٢٨ تعليقًا:

أحمد الدريني يقول...

ياااااااااااااااااااااااه
صعب أوي
الله يسامحك
ملحت جرحا ظننته اندمل

مُصْعَب إِبْرَاهِيم يقول...

سبعة عشر عاما
زمن كاف جدا

يكفي جيلا أن يتغير
بحيرة ماء عذب أن تتعكر
لكن لا تكفي أبدا
أن تغفر قلبا.. تحجر

ربنا يعينهم ..
أوي
أبطال القصة

ام مليكة يقول...

ممممممممممممممممممم
مش عارفه اكتب ايه انت جرحتني قوي وكاني كنت هناك في الجنينة وقتها بس عارف ساعات الفراق بيبقى احسن اختيار ربنا يعدي الدنيا على خير ويهدي كل الناس المهم العيال اللي كانوا صغيرين دلوقتي كبروا ويقدروا يعيشوا حياتهم ويغيروا العالم مش بيتهم وبس

دوللي يقول...

يا احمد حرام عليك هي الحكاية مش ناقصة خالص والله
ساعات بتيجي في اوقات مش هي خالص

Amira Hassan يقول...

مش عارفه اقولك ايه

الكلام صعب اوي مش عارفه اعلق

marwa salah يقول...

بجد ابكتنى ربنا يصبرهم ويزيد الحب بينهم، وغالبا المواقف الصعبة هى اللى بتزود روابط الحب والاخوة، ويمكن تكون نهاية القصة افضل من اخوات كتير بيتربوا فى بيت واحد ومبيعرفوش بعض بعد كدا غم ان ابهاتهم كانوا موفرين ليهم الاستقرار.

FadFadA يقول...

هم قد عرفوا أنهم غرباء عن أهليهم
و هذا صعب
أما أن يعيش الانسان غريبا بين أهله
هذا أصعب

سؤال عابر
لماذا كل كتاباتك لها لغة واحدة مسيطرة , لغة من الشجن و الحزن ؟
أنا أراها رائعة , فأنا أعلم أن هناك من يبحث عن كلمات ليكتبها , و هناك من تبحث عنه الكلمات ليكتبها
و أظنك من النوع الثاني , أليس كذلك ؟
و بالتالي أنت تكتب ما بداخلك , و لهذا أعيد السؤال : لماذا هذا الحزن و الشجن ؟

أعتذر على التطفل , و لكني - صدقا - معجب بكتاباتك , و أتمنى لك السعادة

محمد

dead man يقول...

دريني

فليسامحنا الله
--------------

مصعبوف
17 عاما تكفى لأن تختفى الحقائق
17 عاما تكفى حتى لا تعرف من أنت
17 عاما تكفى أن تجعلك .. مثل أحد أبطال القصة
---------------
بنت أمها الغالية

ادعيلهم
-----------------
بنوتة بتكتب خواطرها

طبعا ثاعدة انتى دلوقتى ومشغلة هى ناقصاك انت كمان
:D
-----------------
AMIRA HASSAN
متقوليش حاجة والله .. هكذا كان قضاء الله
--------------
MARWA SALAH
ادعيلهم بجد
---------------
fadfada محمد

صدقا وحقا أنا لا أعرف .. أحدهم قال لى أنى معقد ذات مرة.. وانا قلت لأحدهم أنى مريض نفسيا ذات مرة... وبين قولي وقوله تكثر الأقاويل

شيرين يقول...

صعب قوي التعليق على كلامك.. لكن بما انك مصر اني أعلق هقول لك حاجة واحدة..

اللي أبطال القصة كانوا محتاجينه من 17 سنة، مبقوش محتاجينه انهارده، وهو بعد أقل من 17 سنة بكتييييير هيبقى محتاجلهم قوي، لكن هما ساعتها هيكونوا أكرم منه ومش هيتخلوا عنه زي ما اتخلى عنهم

Cheer up ya Hawariz

dead man يقول...

شيرين
ست المديرة بحالها هنا.. يا مرحبا يا مرحبا
مش تقولي انك عملتى بلوج علشان نظيط ونهيص ونقول للمسيو عبد الله يدخل يقول كلمتين
:D

I try to do my best

قضية عم أحمد Ahmed Case يقول...

مأساة مأساة

المظلوم فيها ذنبه انه اتولد في الزمن ده وفي المكان ده ومع الناس ديه .

قصتك تحزنني كثيراً هواري .

المشكلة مش في 17 سنة واللي حصل بعدها المشكلة في العمر اللي عايشه البطل وهو مظلوم بلا سبب.

فصيتك حزينة يا هواري .

البطل لا املك الا ان اقول له لا تعليق ايها البطل

dead man يقول...

أبو رفعت
البطل ليس بطل .. فهو لا يملك شيم الأبطال .. ولا تصرفات الأبطال.. ولا نهايات الأبطال.. فلا يقين سوي للبداية

farfasha يقول...

انا عامله فكره جديده وعايزاك تشاركنى فيها
ياريت تقولى رايك في الفكره ويارب تكون اول استفتاحي

farfasha يقول...

انا عامله فكره جديده وعايزاك تشاركنى فيها
ياريت تقولى رايك في الفكره ويارب تكون اول استفتاحي

farfasha يقول...

انا عامله فكره جديده وعايزاك تشاركنى فيها
ياريت تقولى رايك في الفكره ويارب تكون اول استفتاحي

LAMIA MAHMOUD يقول...

يمكن انا اول واحدة قريت واخر واحدة اعلق بس عشان انا مش عارفة اقول حاجة

smraa alnil يقول...

احمد


مش عارفة اقولك ايه بجد
جايز القصة دي فكرتني بقصة مشابها لابطال انا اعرفهم كويس اوي

بس دل ما ما كانوا تلاتة كانوا اتنين اخ واخت
وام مسكينة غلبانة
جايز وجه ااختلاف ان هما مش ناموا في الجنينة
لكن كانوا بيتمنوها
لان مش كان في بيت عايز يساعهم

بس عارف بعد مرور نفس العمر بتاع ابطال القصة
وسيبك من التغيرات النفسية اللي اتعرضوا ليها
والعقد اللي مروا بيها
وكيمة الحزن المدفونة
والابتسامة المستخبية واللي وراها شجن وجرح كبير مش يلموا غير الزمن

بس قدروا يقفوا علي رجليهم
ويثبتوا ان هما موجودين
وفي طريقهم ان هما يكون لهم بيت يلموا فيه حزنهم وجروحهم
ان شاء الله كل شئ هيبقي خير
فقط مطلوب منهم القوة والصمود
وصدقني هدعيلهم

elkamhawi يقول...

صعبة قوى
مش عارف اقول اية بردة

محمد السيد..مش حاسكت يقول...

هواري ....

لما بأدخل عندك بأحس إني عايز أسمع أو أقرا كتاب الشيخ القرني "لا تحزن" ...

مش عارف ليه حاسس كمان إنك محتاج تقراه أو تسمعه ...

المرة دي بأتكلم جد ... تيجي يومين اسكندرية وأوعدك متشوفش فيهم وش حد ....

وفرصة تقعد لوحدك ؟؟؟؟

مش لاقي تعليق و كلام ... بس اللي من 17 سنة مكنش ممكن ... دلوقتي ممكن أوي ..

وزمان مكنش في حد واقف جنب الناس دي ... دلوقتي عارفين يقفوا وكمان لاقيين اللي يقف معاهم ....

dead man يقول...

farfasha
افوق بس شوية واجى اسارك علطول
--------------
حبيبتي
من غير ما تقولي
-------------

smraa alnil
ربما يحتاجون الدعاء.. وربما سأموا منه.. ربما سيصمدون .. وربما سأموا الصمود..

فهناك أقدار لا ترد .. ولكنهم فقط يحاولون
-------------
elkamhawi
انتى يابنى كل ما تيجي هنا تقولي مش عارف اقول حاجة

قولي حاجة.. اى حاجة ..
:)
---------------
محمد السيد
اقرأ الأسكندرية منى السلام

حلم الحرية يقول...

تعرف انا عشان اكتب تعليق
كتبت كام جملة ومسحتها

حقيقي مش لاقية الكلمات ومش عارفة اعبر


حزينة كلماتك ..

بحزن ابطال القصة

ماساوية

بعمق ماساتهم

يملاها شجن وحزن بقدر قسوة ظروف واحداث القصة

مش لاقية اي تعليق غير
دعواتي ليهم


كلمة اخيرة قبل ما امشي
علي فكرة مينفعش كده
حاول تطلع من جو الكتابة ده
جرب تكتب عن حاجة فيها فرحة
جرب حتي لو منجحتش بس بجد لازم تجرب
جرعة الحزن والشجن كده كتير اوي رغم اننا بنقرا بس
مش عارفة بقي اللي بيكتب الكلمات اخبار الجرعة عنده ايه

Dananeer يقول...

اتمنى يوم يتغلبوا على حزنهم بابتسامه رضا
الاحزان و الحاجات اللى بنمر بيها مهما كانت صعبه
و مهما مقدرناش ننساها او ننسى قسوتها
هى اللى بسببها بنبقى احنا دلوقتى بكل حاجه فينا
بقوتنا و اى حاجه حلوه جوانا

عارف يا احمد
فيه حد كان دايما يقولى
بالعكس لما تتوجعى او تقابلى فشل
صدقينى حتحاولى بكل اللى جواكى متتوجعيش و لا تعرضى غيرك لوجع
مش حتكرر قسوه غيرك
و حتتعلم من فشلهم
المهم تتطلع منه و تلاقى نفسك فى يوم حاسسس برضا

اسفه لو رغيت
انا عارفه ان الحزن و الوجع مش محتاجين كلام و رغى
و اتمنى يكونوا اقوى

Just Me يقول...

ال 17 سنة دول اكيد فرقوا كتير
بس عمرهم ا هيبقوا وقت كافى عشان الواحد ينسى ..

تــسنيـم يقول...

صعبة جدااااااا


أحيانا نكتب بالمشرط لنطهر جرح يرفض أن يندمل

dead man يقول...

واحدة بتحب البلد دي

الجرعة عال العال وكله موجود
:)

شكرا ليكي

--------------
Dananeer

احيانا الرغي والكلام الكثير بيساعدوا اوى صدقيني.. بس بطريقة معينة

وهم دلوقتي أقوي وبيقولوك شكرا
---------------

Just Me

معاكي حق اوى
-----------------
تسـنيم

نحن نكتب لنقتل أشخاصا

أحلام مستغانمي .. ذاكرة الجسد..

أو هكذا قالت
:)

Mony The Angel يقول...

sa3ba aweeeee ya a7mad
sa3ba b 3'abaaaaa2

dead man يقول...

Mony The Angel

wahakza tamdy el 7ayah

sadma fe latma fe 2tma
we fe west el lel 3ady men may7besh fatma
:))

Ganna Adel يقول...

هو انا مكتوب عليا تقريبا كل ما افكر اسيب كومنت افضل قدام البوست نص ساعة بفكر و ف الاخر ملقاش حاجة اقولها غير خد بالك من نفسك يا أحمد