الخميس، أغسطس 02، 2007

يا اسماعيلية يا اسماعيلية



أدلف إلي المكتب مبكرا علي غير عادتي ، قبل وصول أيا من العاملين أوقع حضور قبل موعدي بساعة كاملة .. افتح الماسينجر الذي أغلقته من ساعة في المنزل، يتجه الماوس نحو فولدر الأغاني ليدوي في أذنى صوت داليدا المحبب إلي نفسي تغني حلوة يا بلدي.. كلمة حلوةوكلمتين حلوة يا بلدي غنوة حلوة وغنوتين حلوة يا بلدي .. بينما أرتشف من مج النسكافيه اليومي الذي لا يمكن أن تشربه افضل من ذلك من يد عم صابر..

انظر في الماسينجر ولا أري احد- هل فعلا لا يوجد- تغير داليدا الأغنية إلي أحسن ناس وكم احب تلك الأغنية ولكن ذلك الاحساس المقبض الذي يطبق علي قلبي منذ الأمس لا يفارقني .. هل بدأ قبل دخولي المنزل ام مع ترتيبي لحقيبة السفر متوجها بعد ساعات قليلة في رحلة عمل لأيام قليلة في الاسماعيلية..

شعور مقيت يسيطر غلي قلبي تجاه تلك الرحلة ، علي الرغم من أني أحب السفر إلا أني فعلا قلبي مرهق من1 الأمس.. لاأدري ماذا من الممكن ان يحدث فالأشياء السيئة دائما تحدث ولم ينقبض قلبي يوما، والأسوء أنتظره انا بفارغ الصبر.

تصل دليلدا والنيل بيضحك ويغني فاكرني وبيسأل عني.. أروحله ألاقيه مستني.. فأتذكر أني لم أتحدث إلي النيل منذ أيام وأنه وحشني.. ترى هل أستطيع أن أراه قبل أن أسافر.. تلح علي تلك الرغبة متوازية مع انقباض قلبي فتزيد الحلق غصة غير مبررة..
فهل يخيب أملي وتمر الأيام بخبر.. ام تلغي الرحلة في اللحظات الأخيرة

هناك 18 تعليقًا:

ديمة يقول...

لا والله/ امال فى القبر والغياهب السودا بتاعتك مش المفروض برضه الاخ قلبه ميت يفوت فى الحديد .. بهزر

كمان يعنى انت سمعت ست دالييدا وافتكرت النيل بتاع القاهرة الوحش ومش سمعتها وهى بتقول يااسناعيلية احب اشوفك المغربية .. انت تطول ياابنى تدخل بلدنا

انا بس عايزاك اول ما تروح تقول انك اهلاوى وهتعرف على طول قلبك مقبوض ليه

والنيل مش بيضحك فى القاهرة على فكرة ممكن يكون فى اسوان والصعيد

عموما ياابو حميد انا مبسوطة اوى انك جاى اسماعيلية .. كفاية انك هتيجى عندنا البيت .. "يلا هالبسك تهمة والناس تبعت تقولك البت دى بتدبسك ولا ايه"

انا اكتر مرة سافرت وكان قلبى مقبوض فيها وقعدت اعيك كان فى رحلة مرسى مطروح وطلعت احلى ما يكون

"بشروا ولا تنفروا".. " كما يقول الحبييب"

smraa alnil يقول...

انت ياعم المكتئب
فكها شوية بقي
وبطل تشاؤم

يا ساتر عليك
دي شكة دبوس

سافر وانبسط يا احمد وعيش حياتك بقي

بنت امي الغالية يقول...

ياعم ولا يهمك مقبوض ايه بس احنا حياتنا كلها حاجات بنعملها من غير ما نعرف ايه النتيجة يعني دوس وخلي الايام تعدي وسيبك من الاحاسيس الغريبة يمكن بس انت مش حابب الفكرة او فيه حاجة شغلاك بس السفر عموما حتى لو مش حابين نسافر حلو قوي وشيء بيغير حاجات كثير
بص هاقول لك على حاجة ظبط حالك على انك رايح تنبسط وسيبك من اي حاجة تانية
ان شاء الله خير

Mony The Angel يقول...

troo7 w terga3 belsalama ya a7mad (F)

غير معرف يقول...

ايه بقى
ايه الصدف دى
انا بكرة هاروح اسماعيليه فى اقتراح اقترحه بابا واحنا وراه اكيد
اخيرا يعنى هاروح البحر
وكنت قاعدة برده كدة اغنى اغنية داليدا والله
وكنت هاكتب بوست كمان
استسمحك ف سرقة العنوان يعنى من الاخر كدة :))))))))


يا سلام بقى لو شفتك بتتمشى ع الشط
ممكن اتصور معاك :))))))))))

ع فكرة الكومنتات عندك معقدة شوية :(

انا rana 3amra :)))

الحلم العربي يقول...

اذهب و اترك الهواجس تقتل نفسها
فدائما تأتى تلك الهواجس بلا شئ
الله ينجيك ...فقط اقرأ دعاء السفر و ثق في رحمة الله

تحياتي

david santos يقول...

The purchase of weapons for Mubarak to the Bush terrorist will be for making peace, or will be for taking the American terrorism for the Egipto?

The great people of the Egipto that is intent.

Of these two cannot come nothing of good.

David Santos (Portuguese)

Reemo يقول...

حاول تستمتع يا أحمد
يعنى مش كل يوم الواحد بينفرد بالبحر
رغم انى من نوعيه الناس اللى بتعتقد فى حاجات كتيره
من قبيل صوت الغراب وعينى اللى بترف وقلبى المقبوض
بس فى النهايه حاول تستمتع
:)))
just try to enjoy
regards

nirfana يقول...

الله يخيب ظنك وتمر الرحلة بخير وتكتشف فجأة أنك عايش p:

asef يقول...

ما تقلق يا احمد
اعتقد انها مجرد هواجس ان شاء الله
حتروح مع اول خطوة حتخرج بيها من المكتب
:D
وان شاء الله يبطل قلبك مقبوض
تحياتي

http://www.dabka.blogspot.com

FadFadA يقول...

عمنا صلاح جاهين بيقول
أوصيك يا إبني بالقمر و الزهور
أوصيك بليل الاسماعيلية المسحور
و ن جيت على بالك ... إشتري عقد فل
لأي سمرا ... و قبري إوعك تزور

طبعا هو لم يقل الاسماعيلية و إنما قال القاهرة بس التغيير مطلوب في حالتك
:)

إطمن يا أحمد و ارمي همومك على ربنا و توكل عليه , ده ربنا

ملحوظة : نفسي أكلمك بس بدخل على النت قليل جدا جدا بسبب ظروف الشغل بتاعي

محمد

DARK يقول...

مش عارفه البوست ده حسيت إن فى كلام كتير مانكتبش
بس عموما جميل وعجبتنى أوى
هل فعلا لا يوجد

تقبل مرورى

أحمد..يكتب كما لم يكتب من قبل يقول...

لقد عدت
فخبرني عنها كيف كانت
وكيف انت
واذا اردت ان تكون_ايا ما كانت هذه الكينونة_ فكن لي كما اهوي..أمطر علي الدفء والحلوي

محمد السيد..مش حاسكت يقول...

ودلوقتي غيه الكلام ؟؟؟

الي يشوفك يومها ...قول رايحين صحرا ولا حتة مفيهاش أكل ولا شرب ولا اي حاجة ....

يا ابني ده انتو كنتم شوية وتشتروا بطاطين وحاجات تناموا عليها...


سيبك انت ..

إلا صحيح .. .هي الإساعية دي فين علي القنال بالظبط ؟؟

فوق ولا تحت يعني ؟ فيها بحر ولا إيه؟؟؟؟


ماهو أكيد في ميه هناك ..........

قلوب حائرة يقول...

ربنا يسمحك افتح مدونة علىالصبح الي النكد والتشاؤم ده كله اكتب ازاي واشتغل ازاي بعد اللي عملته ده هحتاج لمج نسكافيه تاني من فضلك ابعته بسررررررعة تحياتي لكلماتك الفلسفية البحتة ياهواري

dead man يقول...

ديمة
ادينا ييا ستي دخلنا بلدكم المصون وطلعت حاجة اخر سكرة ..
وانا كنت ماشي يا بنتي في كل حتة بقول ان انا اهلاوي ولا حد قدر يفتح بقه.. انتو نسيتو الستة صفر ولا ايه.. ده غير أن كل اهلاوي لا يجوز المساس بيه.. جواز سفر احمر يا بنتي
:)
وميرسي كثييييييييييير علي العزومة وحفلة السمك اللى كانت معمولة دي والشكر ده مشترك من باسل ومحمد فاروق
وعلي فكرة النيل بيضحك في كل حتة
----------------------

smraa elnil
فينك من زمان بقالك مدة مبتزوريش المقابر.. حتى يا ستى علشات تتعظى
:))

واديني يا ستي اهو سافرت ورجعت واتبسطت واخر حلاوة
-----------------------
بنت أمي الغالية

وزي ما قالوا في السفر 7 فوائد
:)
---------------------------
mony the angel

rabena ye5lek ya gamel... adeney reg3t ahouh we zay el gen
:)
(f)
----------------------
نrana 3amara

يا جميل ده شرف لينا اننا نتصور جنب معاليكي.. ده غير ان من حق اى مواطن انه يتصور معايا..
:))

وبالنسبة للعنوان ده تراث من حقنا كلنا.. وفي مفاجأة بالنسبالى هنزلها قريب ان شاء الله .. الأغنية بتاعت يا اسماعيلية الحقيقية بصوت عم احمد علي أنغام السمسمية

وشكرا لاهتمامك انك تعلقي وهي صفحة التعليقات مهيسة
--------------------------
الحلم العربي..
للأسف الهواجس لا تقتل نفسها.. انها فقط تقتلنا
-------------------------
reemo
والله انا مش من نوعية اللى بتاخد بموضوع الغراب والبومة . بس عارفة.. ساعات الواحد قلبه بيتقبض كده.. بتبقى مستعدة تدفعي اى حاجة علشان متعمليش الحاجة اللى قلبك اتقبض عليها..

مش عارف الفكرة وصلتك ولالأ .. ده غير ان مكانش في بحر..
:(
كان مؤتمر تبع الشغل.. بس متقلقيش طلعت غلي في حمام السباحة كل يوم بالليل
regards
----------------------
nirfana

ده بيتوقف علي تعريف كلمة عايش
:)
------------------------
عصوف
عود أحمد لمقابرنا المحدودة .. دايما زيارتك بتس
عدنا ومتحرمناش منها
وكله تمام يا باشا متقلقش
------------------------
fadfada

حج محمد
احلي سلام لعمنا جاهين .. وعقد الفل موجود .. بس زيارة المقاير واجب برده.. على الأقل علشان نشوفك
:)
وبالنسبة للنت يا سيدي انا أونلاين أربعة وعشرين ساعة في اليوم قول انت بس اى حاجة
(F)
---------------------
dark
مش كل الكلام اللى يتحس يتكتب.. ولا كل الكلام يتقال..
وعن فعلا هل لا يوجد أحد هي دى مربط الفرس
كان في واحد صاحبي بيقول بيت شعر بتاع شاعر قديم مش فاكره أوى بس كان بيقول حاجة زي

أقتح عيني علي كثير .. ولا احد

هخليه يفكرني بيه
:)
ومرورك دايما بيشرفني
----------------------
دريني
لقد عدت والعود احمق
وهي كانت كما كانت
أما أنا فسأكون
وكن انت لي ضريحا وقديسا.. اوقد لنا شمعتين وعودا من البخور
------------------
محمد باشا السيد
احنا فعلا رحنا قعدنا في الصحرا.. لما أشوفك ابقى احكيلك

ومعلش اليوم اللى تيجي فيه القاهرة اكون انا مسافر .. تتعوض ان شاء الله
---------------------
قلوب حائرة

يا باشا ولا يهمك ابعتي انت بس العنوان والنسكافيه يبقى عندك في اسرع وقت ممكن..

ونحب نرحب بيكي في مقابرنا المحدودة وياريت متبقاش اخر زيارة
:)

محمد السيد..مش حاسكت يقول...

حمدا لله ع السلامة ...
هلا هلا...
اشتقنا ليكم ياما ...
هلا هلا...

=====================
والله ووحشونا الحبايب ... والله

=====================

ماشي يا أستاذ ....

وباشكرك علي أحلي حاجة بأحبها فعلا ...

العصير ....


نياايااهااهاهاهاهاهاهههههههه

غير معرف يقول...

اولا نورت اسماعيلية كلها ... ثانيا ابقى زورنا تانى ومتقطعش الجوابات
ثالثا اللى تخاف منه ميجيش احسن منه

رباب