الأربعاء، سبتمبر ٢٦، ٢٠٠٧

عملوها الوحوش

عدت هنا لكي أشكر اثنين من أعز الناس إلي قلبي علي لحظات من السعادة والفرحة الغامرة التي أعطوني إياها علي مدار فترة وجودهم في حياتي.. وأعطوني منها جرعة مكثفة في الأيام القليلة الماضية .. منذ أخبروني بأنهم فعلوها..
وازاء هذا الخبر السعيد لم امتلك الا أن اعود إلي هنا وأشكرهما علي ما فات، وأخبرهم أنى مازالت أنتظر الكثير منهما
:)

وعلي الرغم من أني كنت متخذا القرار بنشر هذا الكلام يوم الأحد بانتهاء مراسم الاحتفال بخطوبتهما بتوقيتي الخاص، لآنها انتهت فعليا يوم الجمعة ، إلا أن شيئا ما حدث أخرني قليلا .. أو كثيرا
:) لكي تقدر الفرحة التة غمرتني في هذا اليوم والأيام التي قبله، والأيام التى تليه لابد أن تعرف عمن أتحدث.. ولكن ستواجهني مشكلة، فأنا لا أجيد الحديث عن الأشخاص، ربما لاجادتي النقد عن الشكر.. لذلك قد يكون من الملاءم أن أحكى موقفا مر بي لكل منهما.. ولأن السيدات أولا.. ولسبب أخر في نفسي سابدأ بداليا

داليا لم تكن علاقتي بها تتعدي أن اعطيها ظهري لو تصادف مرورنا في الممر الضيق من والى البوفيه - مثلها مثل اى حد اخر في الشركة - إلي أن جاءت رحلة الدريم بارك التى غيرت معالم علاقاتي في الشركة.. لنعود منها رفاق كفاح النسكافبه والكابتشينو والصداع الدائم والبنادول الاكسترا.. اهم ميزة في دالبا أنها معاها عربية دايو نوبيرا.. والأهم أن العربية دايما ماليانة بخيرات الله من الهولز الفراولة أو التوت مع اللبنان الترايدنت وقليل من التوفي والشيكولاتة :)

لأ بجد .. دالبا انسانة اكثر من رائعة والموقف اللى مش هنساه لداليا انى مرة رحت الشغل بدري علي غير العادة ومع مج النسكافيه الصباحى جت داليا من مكتبها وقعدنا المفروض نرغي شوية.. وانا كنت مخنوق يومها يزيادة .. شوية وبدأت عيني تدمع ..وبكل قلة ذوق قمت سايبها بتتكلم ومادد ايدي علي المكتب واخد علبة السجاير والولاعة ومن غير ولا كلمة وهى بتتكلم خرجت بره علشان اشرب سيجارة .. وكانت المفاجأة انى رجعت لقيت داليا قاعدة مكانها ومخرجتش من المكتب الا لما اطمنت انى شربت السيجارة وهديت شوية ورجعت تاني .. وولا قالتلي بأه مالك ولا بتعيط ليه ولا الكلام ده .. قعدت شوية لحد ما اطمنت انى بقيت احسن شوية وخرجت..


داليا.. اتمنى انك تتجوزي احمد وربنا يهنيكو ببعض وتعيشوا في سعادة دائمة

داليا .. اتمنى ان صداقتي بيكي انتى واحمد تتواصل بالدرجة اللى تسمحلي انى اجى في يوم اقولك خلاص .. انا فهمت ابنك او بنتك كان مضايق من ايه والحوار خلص

أما عن أحمد رفعت فمش هتكلم عن العربية اللانسر والموبايل البزنس والفيزا اللى كلهم تحت امر اى حد
:) دلوقتى اقدر اقولك انا خليتك بعد داليا ليه.. علشان للأسف مش هينفع اقول علي اى موقف من المواقف اللى انت عملتها معايا لأنى بكده هظلم باقي المواقف.. بس انا هقولك انك الوحيد اللى نجح في انه يخلني اشكر الأرق وعدم النوم عشان اجمل حاجة في الدنيا انا شفتها لو كنت نايم مكنتش شفتها

ده غير ان يوم الأحد .. بكل بساطة لقيتني بدخل عليك المكتب بقولك علي اللى حصل .. وكنت متأكد انك هتسيب كل الناس اللى جاية تباركلك وتنزل معايا تشوف المصيبة دى.. وكنت مطمن اوى وانت معايا .. احساس كده ان كل حاجة هتتحل..

احمد.. ألف مبروك الخطوبة .. ومليون مبروك انها داليا .. وخلي بالك منها


احمد.. اتمنى ان تدوم صداقتنا بالقدر الذي يسمح لي بأن ارى وجهك وانا علي فراش الموت

هناك ٢٦ تعليقًا:

اميرة هشام يقول...

احم احم

انا كنت داخلة ومتعودة عالخلفية السودا اللي من غير كلام

بس دخلت لقيت فرحة وكلام كتير

وتدوينة موجهة لاتنين جمال اوي

ربنا يوفقهم ويسعدهم يارب

اه صحيح هو ممكن لبقية جمهور المدونة يعلق هنا علي التدوينة الخاصة بااحمد وداليا

ويقولك حمدالله عالسلامة

نورت مدونتك من جديد

ولا مش ممكن والتعليق ممنوع
:)))))

غير معرف يقول...

welcome back

w Rabena yebarkelohon ya Rab! masha Allah

w Rabena yedeem this friendship of yours and bless it :))

w 3o2balak :)

فى القلب يقول...

ما أروع تهنأتك يا ديد مان
كلها مشاعر صادقه حساسه ربنا يسعدك يا رب

لو مش فاكرنى فيلم العروسه التى تقتل كل من يصرخ
بهاء طاهر
الحب فى المنفى
نقطه النور
مكتبه مدبولى

Halawa يقول...

مبروك عليكم جميعا
قريت البوست كمان اللي عند رفعت

ربنا يحميكم ويخليكم لبعض

كل سنة وانت طيب وعود حمييييييييييييد

قضية عم أحمد Ahmed Case يقول...
أزال المؤلف هذا التعليق.
غير معرف يقول...

وارى وارى حبيبى الغالى
أحلى حاجة فى فرح أحمد ودالياأن ظهرت فيه مشاعر وكم حب مكنش هيظهر من غير المناسبة ده
وانا بدعى ربنا معاك
ان ربنا يتملهم فرحتهم ويسعدهم فى الدنيا والاخرة

وعاوز أفرح فيك قريب إن شاء الله
وربنا يزوقك بحد يسعد قلبك
عادل طوبه

Omar يقول...

اهئ اهئ اهئ اهئ
قطعت قلبي يا احمد
ايه الكلام المؤثر ده
وايه الصوره الجامده دي
بتفكرني بواحد صاحبي كان حاطط الشعلات دي وبمجرد دخول العريس والعروسه قعد يجري يولع فيهم هوه واصحابي
صاحبي ده اول حرف من اسمه أحمد
عقبالك يا حبيبي اما تيجي عندنا البيت وانا فايق
باي بئه

dead man يقول...

اميرة هشام

من ناحية جمال اوى .. فهما جمال اوى اوى ..

ومن ناحية حمد لله علي السلامة انا مش عارف لسه انا هكتب تاني دلوقتى ولا لأ

وميرسيييييييييييي

----------------------
Epitaph

thanx
we ana bad3elhoum me3ake rabena yetamemlehoum 3la 5er

we 3o2balek enty
:)
-----------------------
فى القلب

أهلا أهلا أهلا ..

أنساك .. ده كلام .. امال انا هقتل مين علي فيلم رعب الأطفال اللى خلتيونا ندخله ده

:)
مستني اشوفك تاني
وهو احتمال يكون عود أحمق.. أحمق الهواري
:))

------------------

أبو رفعت

ايه يا عصام .. بتعيط ليه.. مكنتش عشييين جنيه

:))
طالما اغلي حاجة عندك .. يبقى لازم تحافظ عليها..
:)
------------------
عدووووووووووول

أنت الأول يا جميل .. الأولويةللسن
:))
----------------
غمر

بس ايه رايك في الحريق
:)
عقبالك يا واد

مُصْعَب إِبْرَاهِيم يقول...

أنا جربت دموع الفرحة قبل كده..
بس وأنا بأقرا التدوينة امتشفت إني كان لسة فاضل كتير أجربه

عقبالك يا رب يا هواري..
ربنا يسعد قلبك .. أوي

ويتمملهم بكل خير يا رب

الحلم العربي يقول...

فرحتنا فرحتين
فرحة لخطوبة احمد و داليا
و فرحة لرجوعك لعالم التدوين
بجد البوست الأخير بتاعك كان مؤثر بالنسبة لي
و اعترف انى فكرت اعمل زيك للحظات خاصة الفترة اللى فاتت لأنى حسيت ان المدونة صحيح شفتني من بعض الامراض النفسية اللى كانت عندي لكن زودتلى امراض نفسية تانية

لكن بردو ماعنديش جرأتك في القرار ...و كمان بحب عالم التدوين و بحب المدونين بجد

ممكن ترجع تانى بقى يا افندم

عقبالك يارب زيهم و نعمل لك حفلة خطوبة محترمة على الشبكة الالكترونية
تحياتي لمشاعرك النبيلة

غير معرف يقول...

ياااااااه
اخيرا امتلا الفراغ الاسود الوحش دة

ياااااااااااااااه كويس كدة اوى
:)))))))))))))

كل عودة وانت طيب :)

RANA 3AMRA

تــسنيـم يقول...

أما أنا فأشكرهما بسبب عودتم مرة أخرى

عود أحمد يا سي أحمد وربنا يديم أفراحك ويديم أصحابك اللي من النوعية دي

DoMaLaYs يقول...

يا رب تعيش حياة سعيده يا مان

elkamhawi يقول...

مبروك عالبوست يا عم
ارجع ولعها بقى
وهضطر اقول مبروك لاحمد رفعت تاااااااااانى

شيماء الجيزى يقول...

يعنى انا مكنتش اتصور كمية الحب دى
بجد
انت رائع
وارجوك يعنى
ترجع

مبروك لاحمد للمرة الالف وخمسمية خمسة وعشرين

ارحمنا بقى
خطوبتك طولت اوى يابنى
:d

انا لو منك استغل التهانى دى واتجوز فى حموتها
:d

تحياتى

شيرين يقول...

بجد أنا ماسكة نفسي عن البكاء بالعافية.. بجد انت رائع قوي قوي قوي.. ربنا يديم عليك قلبك الطيب قوي.. ويديم علينا صداقتك الغالية قوي

دوللي يقول...

هواري
اةلا اسفه على التاخير في الرد
بس دا بجد علشان مش عرفة ارد
عموما مافيش كلام ممكن يتقال هنا وهرد عليك لما اشوفك
بس مهم اوي انك تعرف اني سعيدة جدا انه ليا اخ وصديق عزيز زيك

غير معرف يقول...

انت عارف انى مش بحب اعلق اوى .. بس هوارى وداليا واحمد كده الموضوع كبير

عموما انا باضم صوتى لصوت الرفيق هواريز واطالب من الكنبة اللى ورا فى كنبة احمد انه يحافظ على حب داليا اوى.

بالنسبة للاستاذة داليا انا ماركبتش معاها ولا مرة وهى مش محتاجة توصية

اما هوارة بقى هاقولك على حاجتين مهمين

انا من يومين دخلت على المدونة واكتشفت انى من زمان مش قريتلك وكتابتك كانت وحشانى

الامر الثانى انى كنت عايزة ادخل على اى موضوع واقولك ان بابا بطل سجاااااااير

عقبالك يارب .. واحضر لك يوم حلو زى بتاع احمد وداليا ونبهدلك الدنيا نار ودخان وحاجات كتير

dead man يقول...

الرفيق الجنرال مصعبوف

يتقولها في وشي كده .. طيب اهو انت اللى عقبالك ومليون عقبالك كمان.. بس هه

ورينا يسعدك يا جميل .. ويتممبهم علي خير

-----------------
الحلم العربي

والله القرار كمان كان صعب عليا اوى .. لاني بعيدا عن انى بحب عالم التدوين والمدونين الا زودي عليهم انا في اوقات كثير جدا مبيبقاش ليا غيرهم ..

ومش عارف اقولك كلامك اثر فيا اد ايه .. ربنا يخليكي وعقبالك لو كنتى لسه ..
:)

تحياتي لشخصك المحترم
----------------------
RANA 3AMRA

ماهو المشكلة ان الفراغ الأسود بيتملى بكلام أسود .. حاجة كده زي ما حولتى من تاريخ لكيمستري..

ربنا يكون في عونكوا
:))
---------------------

تسـنيم

علي قد ما أصدقائي اللى من النوعية دى كانوا السبب في انى اكتب تاني غصب عنى.. الا أن في أصدقاء تانيين المفروض اشكرهم لأنهم اللى حسسوني انى فارق ولو بنسبة بسيطة انى اكتب تاني.. اصدقاء مشفتعمش في حياتي... اصدقاء زيك

-----------------
DoMaLaYs

ربنا يكرمك يا مان
:)
--------------
elkamhawi

لول حبيب قلبي .. ..

الله يبارك فيك يا حبيبي.. وهتولع با صاحبي ..
:p
-------------------
شيماء الجيزى

اقري كلامك وانتى تعرفي مين اللى رائع.. يا استاذة انا اتثبت من كلامك وردك علي التعليق بتاعي عندك.. ربنا يجبر بخاطرك يا رب

واضم صوتى صوتك واطالب بانهم يتجوزوا بسرعة

تحياتي
-------------------

شيرين

ست المديرة .. يا سلام يا سلام .. انتى دخلوا عليكي الكلمتين دول .. مانتى عارفاني .. ربنا يديم عليا صداقتكو
--------------------

DoLLy

أهلا يا عروسة .. انتى جاية بعد تفريق الكحك تقوليلي معلش متأخرة.. ماشي.. مردودة
:p

وايه حكاية لما اشوفك دى.. انا كل ما اكلم حد فيكو يقولى لما اشوفك

وصدقيني .. علي الرغم من أني أحمد الهواري.. إلا أن انا أسعد بكثييييييييير

:)
-------------------
ديمة

يا استاذة كون ان كتابتي توحشك ده شرف لينا كبييييييييييييير اوى .. وهيصيبني بغرور كبير اويييييييييييي .. اما بالنسبة لبابا فانا عندى قناعة خاصة كده ان محدش بيبطل سجاير لمدة طويلة

حتى كان في فيلم اسمه sin city
البطل فيه جاى بيشرب سيجارة
.. قال لنفسه انت مش كنت بطلت.. بعدبن قام رادد عليه وقال ان الانسان عمره ما بيبطل تدخين
:)
بس ان شاء الله هو يبطل


ويا فندم تعليقك بيبسطنى .. ويجعل يومك قبل يومي.. الخطوبة مش حاجة تاني
:)
واولع فيكي زي ما ولعت في داليا كده
:))

صاحب البوابــة يقول...

تعودت ان ادخل مدونتك لانتظر رجوعك

لكن تلك المرة لم استطع ان انتظر فرحتي

:)

عوداً احمد

يا احمد الهواري

اخوك مصطفى الحسيني

خلود صلاح يقول...

ياااااااااااه يا هيرو
اخيرا كتبت تانى
يارب يارب يوفقهم ويتمملهم على خير
وببعتلهم سلام كبير اوى انهم هما السبب الى خلوك ترجع للكتابة تانى
بليز بلاش الغيبة الطويلة دى تانى :)

ما علينا يقول...

جميل جدا ان يكون في حياتك
ناس تحبهم ويحبوك كدا
ربنا يكتر من امثالهم في محيطك
ويتم لهم على خير ان شاء الله
الف مبروك لهم ولك

وعودا حميدا
حتى وان كان مؤقتا

اد ايه المضمون اللي جواك
جميل


كل سنة وانت طيب
وربنا ان شاء الله
يرزقك الرحمة والمغفرة والعتق من النار

غير معرف يقول...

بص يا احمد لا املك غير قول " ربنا يحميكم ويديم الروح دي ما بنكم يارب لانها روح بجد احيانا ناس بتعيش وتموت علشان تلاقي زيها " تحياتي ليكم ورنا يديم عليكم المعروف

سوكــا يقول...

هي متأخرة بس نقول ايه في الكسل

بس اهو نلحق نعلق قبل ما الدنيا تتقفل تاني

اولا حمدالله بالسلامة ويارب ماتقفل المدونة تاني

ثانيا بجد كلام حلو اووووووووووي ربنا يخلكوا لبعض ويديم الروح دي ما بينكم
والف الف مبروك لاحمد وداليا

ثالثا اللي صور الصورة دي عبقري بجد عجباني اوووي

أميرة من غير قصر ولا بستان.. ولا الشاطر حسن كمان يقول...

الصوره حلوه اووووووووووووى
و الف الف مبرروك

jersey shore episodes يقول...

Good share thanks