الثلاثاء، أكتوبر ١٦، ٢٠٠٧

ما اتفقنا عليه بالأمس

عندما أفاق من غفوته بدت له تلك النائمة إلي جواره بشعرها الأسود المنثور علي الوسادة كشراع سفينة قرصان متجها نحو المجهول تلفه غمائم بيضاء تميز السماء في فجر أيلول، فلم يستطيع أن يتمالك يده من أن تمتد لتلامس وجنتها ثم تمر علي شعرها مسترقا لحظات لن تشعر هي بها..

قام من فراشه متأنيا كيلا يصدر السرير الفيرفورجيه صوتا يتسبب في إيقاظها ، أو أن يسحب معه الغطاء فيعرض جلدها العاري للفحة هواء قد تضرها، وشرع في ارتداء ملابسه مصطحبا علبة سجائره إلي الفوتيه الموضوع في مواجهة السرير متيحا لنفسه فرصة حفظ كل ملامحها..

لا يدري كم ظل جالسا لا يتحرك سوى رافعا يده أو خافضها من اثر السيجارة، إلا انه ظل هكذا لساعات ملأت الغرفة دخانا وصمتا لم يقطعه سوى رنين المنبه في ميعاد استيقاظه.. والذي تعد الفائدة الوحيدة منه هي تذكيره بأنه لم ينم بعد وان أزف الرحيل، أغلق المنبه سريعا قبل أن يوقظها وتوجه إلي المطبخ كى يعد إفطارا من فنجانين من القهوة مصحوبا بكوب عصير..

أيقظها برفق ليخبرها أن ميعاد ذهابه إلي العمل قد حان، وأصر علي أن تشرب كوب العصير قبل القهوة بينما عاد هو إلي الفوتيه ليتناول قهوته مكملا وصلة التدخين مراقبا إياها وهى ترتدي ملابسها وتضع مكياج يوم جديد..

اقترب منها بعدما أخبرته أنها مستعدة للنزول.. أخرج مبلغا من المال ليضعه في حقيبتها قائلا لها "هذا هو المبلغ الذي اتفقنا عليه بالأمس".. ترتبك وتبدأ في طقطقة مفاصل أصابعها بعصبية قائلة "بس أنت.. يعني.. معملتش حاجة".. يبتسم لها ثم يقبل جبينها قائلا .. أنا مكنتش عايز أعمل حاجة، انتى اللى عملتي، أنا بس كنت محتاج حد ياخدنى في حضنه لحد ما أنام.


هناك ٢٤ تعليقًا:

bagabigo يقول...

أنا مكنتش عايز أعمل حاجة، انتى اللى عملتي، أنا بس كنت محتاج حد ياخدنى في حضنه لحد ما أنام
تفتكر وصلنا للدرجة دى بنشترى حتى لحظة حنان
هايله يا احمد بجد حبتها اوى

مُصْعَب إِبْرَاهِيم يقول...
أزال المؤلف هذا التعليق.
دوللي يقول...

صعب ان الواحد يشتري لحظة او احساسا بالحنان مع انه اي حد بيعطي هذا الاحنا بدون اي مجهود او ثمن يعني اللي بيجسس حد بحنانه مش بيدفع حاجة او بيبذل مجهود رغم كده الانسان ساعات بيطر انه يشريها بفلوس او بمقابل
بوست حلو اوي كعادتك يا هواري

Salma Amer يقول...

أول احساس جالي لما اقريت البوست أني اشفقت عليه قوي من احساس الوحدة اللي خلاه يحاول يشتري ونس بالفلوس
الانسان مهما كبر بيحس بلاحظات ضعف بيبقى مش محتاج في الدنيا غير حد يطبب عليه و حد يضمه ويحسسه انه مش لوحدة في الدنيا

MarwaAshraf يقول...

أنا بردوا جالي نفس إحساس سلمى وحسيت بإشفاق على الراجل ده وفي نفس الوقت جالي احساس بالتحفز الشديد بعد لما انتهيت


على فكرة عاجبني تصنيف من وحي الشيطان أوي .. ده الشيطان طلع الوحي بتاعة جامد جدا
ــــــــــــــــــــــــ

by the way now i can say WELCOME BACK

:)

قضية عم أحمد Ahmed Case يقول...

ايه يا عم الحنان

خليك واقعي يا أحمد مين فينا بينام ومين مبنام بيلاقي جواره واحده بشعرها الأسود المنثور علي الوسادة كشراع سفينة قرصان متجها نحو المجهول تلفه غمائم بيضاء تميز السماء في فجر أيلول

ايه يا أنت مش من مصر ولى ايه ...

صباح الخير قوم يا حبيبي اتوضأ وصلى ركعتين يمكن ربنا يهديك

Unknown يقول...

أنا بس كنت محتاج حد ياخدنى في حضنه لحد ما أنام

وحعتني اووووووووووووي

بس فعلا جميله اووووووووووووي

خلود صلاح يقول...

:)
احمد
بجد من قلبى حمد الله على السلامة واوعى تبطل كتابة تانى
بوست هايل وانت عرفت رأيى فيه:)

Omar يقول...

شوف الراجل الواطي داير يدور على الحنان في كل حته شويه ونسي عنوان بيتنا ماشي يا لحمد طب هوه نسي مش تفكرو انت لا انا زعلان منكوا انتوا الاتنين موت
خاصمني بئه ):

الحلم العربي يقول...

من وحي الشيطان.......
لا تعليق

كل سنة وانت طيب (:

غير معرف يقول...

تعرف يا احمد بجد كاني كنت عايشة الموقف استخدامك للكلمات متوظف صح بس بجد تحفة قوي

شيرين يقول...

فنان يا هواري بجدددددددددددددد

هو بغض النظر عن ان الأخ ده كان أحسن له يلجأ لربنا، وأكيد كان هيلاقي حضن أكبر وأحن.. لكن بجد اتأثرت قوي من شعوره بالوحدة، واتأثرت أكثر من نبله مع فتاة الليل

عود أحمد يا هواري.. النت نور والله

تــسنيـم يقول...

متزعلش مني بس اللي دول مبيعرفوش ياخدو حد في حضنهم يا أحمد :$

لأنهن يرفضن أن يقحمن المشاعر مع عملهن
وأن تأخذك أنثى في حضنها حتى تغفو ما هو إلا فيض من المشاعر تكنه لك


:) فيلسوفة مش كده
...................................
هستنى البوست اللي وعدتني بيه في تعليقك اللي فات :)

dead man يقول...

bagabigo

كل شيء في الدنيا دى جايز .. ايييييييييه ولا دايم الا وجه الله
:)

شكرا يا جميل علي رفع المعنويات

----------------
مصـ( الخير )ـعب

مش فاهمك.. مكتوب تحت من وحي الشيطان يعني حاجة خيالية .. ابقى فهمنى علشان انا مش فاهم السؤال خابط في وشي ليه

-----------------

DoLLy

يا خابط معنوياتي في السما السابعة ..
------------------
Salma Amer

اتفق معاكي في ده تماما، مش مهما الواحد كبر فهو بيحتاج ده .. جبتى الخلاصة في سطرين
----------------
RAMA

وانا كمان بصراحة عاجبني التصنيف ده
:)
بس تحفز شديد ليه .. كفى الله الشر

thanx

dead man يقول...

احمد رفعت

:))

والله يا بورفعت معاك حق في حكاية مين بينام دي.. انما الباقي فاللى هيعرف ينام اكيد هيلاقي ده .. والله يابنى مفيش احلى من بلدنا.. واللى منهاااااااا

:))
--------------------
esraa

ألف سلامة من الوجع

وشكرا اوىىىىىىىىىىىى
:)
---------------------

خلود صلاح
انا عمري ما بطلت كتابة.. انا كنت بطلت انزل حاجات في البلوج بس
:)
شكرا يا جميل
-------------------
عمر

عنوان بيتنا زي ما كان بس انت نسيت العنوان

حبيبي والله
----------------
الحلم العربي

لا تعليق.. يا ترى دى حاجة حلوة ولا وحشة
:)
وكل سنة وانتى طيبة
---------------------

قلوب حائرة
ربنا يخليكي يارب.. ومتقطعيش التعليقات

-------------------

شيرين
يا ست الكبيرة بنقولك من وحي الشيطان
:))
منور بأهله يا باشا

----------------
تسـنيم

هقولك زي ما قلت لمصعب معلش .. انا مليش فيه .. منك لوحي الشيطان :)

بس انا اقدر اقولك ان مفيش حد معندوش مشاعر ولا مبيعرفش ياخد بالحضن .. وخصوصا اللى زي دول اللى مش لاقيين حد يديهم مشاعر أصلا

والبوست جاى حالا يا باشا

FadFadA يقول...

احمد
أظن أنه أخطأ في بحثه عما يفتقد
فهو لن يجده أبدا بهذا الأسلوب
فما يبحث عنه أمامه و لكن لا يراه
أو يراه و لكن لا ينتبه له
لو تأمل قليلا سيجده أقرب إليه من حبل الوريد

دمت متألقا
محمد

Hadota ... حدوتة يقول...

مش عارفة اوصفلك قد ايه القصة حلوة ... اسلوبك حلو جدا .. وطريقتك فى السرد بسيطة .. وتجسيد الوحدة وافتقاد الحنان فى قمة الجمال .. لدرجة انه حتى بيدور عليه فى احضان اى حد حتى لو كانت فتاة ليل
الاهم من كده احساس الضياع الىل ظاهر فى كذا حاجة زى شرب القهوةوالسجاير .. وفى نفس الوقت قلبه فيه نوع من الرأفة بالناس .. انه عاوز مش عاوز يصحيها وبيعمل لها فطار ويديها فلوس

انا مش عارفة ليه الكل داخل يقول عيب وحرام .. اصل دى قصة وهوا كاتب .. يعنى بينقل صورة من الواقع وبمنتهى الامانة .. وبكل تفاصيلها ولازم يبقى مصداقية

البوست قصة جميلة وعناصرها مترابطة وكمل جمال اسلوبك يا احمد

تسلم ايدك

3rby يقول...

الفكرة قريتها قبل كده بس انت اجمد بكتير

elkamhawi يقول...

حلوة موووووووووووووووووووووووووت
انا مكنتش عارف اعلق
بس بجد لمستنى قوى
تحياتى يا كبير واستمر
go on

Lens Geek يقول...

حسستني بنفسي انا عن نفسي حاسس بالضياع بس تفتكرالفلوس هتساعدني ؟

غير معرف يقول...

hats off...masha Allah

the description..you master details masha Allah

I recalled even in mind that portrait of Al Paccino in God father sitting in the dark and the shade at one side,, with ciggies and the smoke wrapping him looking at the nowhere!

the ending..quite surprising...SHOCKING is the right word! what a grim reality we're living in!

how a human being can crave for warmth in such a desperate way! May be he needed such a hug and warm better...and I suppose she too needed to feel that she was respected as a BEING and entity for once and for all!

CONGRATS! just love it!

محمد السيد..مش حاسكت يقول...

ياعم مش لاقي حاجةأكتبها ..........

يعني واحد زي حالاتي دلوقتي يقزل ايه؟ولا يعمل ايه؟

بالعند فيك بقي ... مش حاكتب حاجة ....


ويلا بقي عشان عايزين نرش مية ....


بس رووووووووووووووووووووووعة ...

نفسي أوي أنا كمان في حد ياخدني في حضنه ....

غير معرف يقول...

زى ما قلتلك ..

كتر الكتابة والمرور باحاسيس وتجارب مختلفة

خلى كتاباتك زى الوردة اللى كل يوم تفتح اكتر

يمكن الفكرة قالها غيرك من قبل لكن مافيش قلم زى غيره ولا الم طبعا

اكتر مرة تعبجنى الكلمات اوى للدرجة يمكن اكتر من الفكرة نفسها

اما بقى بالنسبة للفكرة مش عارفة فيه ناس زعلانة ليه .. طب لما الواحد مش يشحت حنان امال هيشحت ايه
((

كنت عايزة اقولك حاجة على تدوينة .....
كلمها يااحمد

dead man يقول...

FadFadA

يا حبيبي دى قصة خيالية تماما.. اقول لمين ؟
-----------------

Hadota .

ربنا يخليكي يا فندم وترفعي معنوياتى دايما
-----------------

3rby

يكرم أصلك يا غالي
:)
----------------

elkamhawi

هجو اون يا كبير .. امال هروح فين يعني

:))
--------------------

Cerebrosus world
لو حاسس بالضياع أكيد الفلوس هتساعدك .. اشتري خريطة .. او اشترك في خدمة gps

:)
-------------------
Epitaph

Al Paccino مرة واحدة .. و God father
الكلام ده كبير أوى علينا حضرتك

-----------------

محمد السيد..مش حاسكت

يا بنى البلد كلها نفسها حد ياخدها بالحضن

:))

-------------------

ديمة

يافندم انتى اللى وردة .. ده من ذوقك والله

صحيح.. الواحد يشحت ايه؟