السبت، أكتوبر ٢٧، ٢٠٠٧

من زمان

من 4 سنوات:

هي: أما انت يا هواري فعلي الرغم من الهزار والضحك ده فانت من وا حزين.. في عنيك حزن مش بتاع امبارح ولا اول . لأ من زمان اوى

انا: ههههههههههه

يناير الماضي:

هي :متزعلش

انا:أنا مبزعلش.. مبعرفش أزعل من حد.. أنا بس باتجرح

من يومين :

هي: طيب لما انا مبتصلش .. مش تصل انت

أنا: السؤال ده انا اللى اساله.. مش لما ابطل اتصل تتصلي انتي

هناك ٩ تعليقات:

تــسنيـم يقول...

يوة أنا مبعرفش أزعل أنا بس بنجرح أووووووي

وطبيعي ان بعد الجرح أزعل من اللي سببلي هذا الألم

:(

غير معرف يقول...

:(

that's what I felt!

الحلم العربي يقول...

و انا كمان مش بزعل بنجرح بس ....و مش بقدر اقول للي جرحنى انت جرحتنى ....بخاف يزعل

انت عميق قوي و ده مش كويس علشانك ...حاول تطفو على السطح شويه يمكن تلاقى شئ كنت بتدور عليه من زماااااااااان

تحياتي

vision يقول...

كلمها انت طبعا واتصل بيها

قضية عم أحمد Ahmed Case يقول...

انت مش بتعرف تزعل ولى بتعرف تتجرح

dead man يقول...

تسـنيم

والله معاكي حق.. هي حاجة معقدة .. احنا مبنجرحش غير من الناس اللى بنحبهم.. علشان كده مبنزعلش... بس بعد كده منبقاش بنحبهم ونرجع نزعل ..

دايرة وبندور فيها

--------------------
Epitaph

تصدقي وانا كمان عملت كده
:)
----------------------

الحلم العربي

وحياتك لا في الأعماق نافع ولا علي السطح نافع .. الحل الوحيد في ايد رينا بأه

--------------------
camera_girl

واكلمها انا طبعا ليه.. هو مش المفروض الصداقة دى الناس بتسال علي بعض.. ولا المفروض ان الواحد يفضل يسال علي صحابه ولما تحصله حاجة ويبطل يسأل يلاقي اللى بيقوله أنت مبتسالش ومببتصلش ليه ..

يعني ايه الواحد يفضل هو اللى يسال علي الناس ومحدش يسال عليه.. ولما يبطل ويشوفوك صدفة يقولولك مبتسالش ليه.. مانا كنت طول عمري انا اللى بسال..

----------------
احمد رفعت

لا بعرف ازعل ولا بعرف اتجرح .. يا تري انا بعرف ايه

bluestone يقول...

مش كل اللي جوا القلب
بيعرف مايجرحوش ..
ازعل بس كفاية
الزعل مقدور عليه

dead man يقول...

bluestone

معاكي حق .. الزعل مقدور عليه

تحياتي

emz يقول...

(f)