الأربعاء، أكتوبر ٣١، ٢٠٠٧

بتنفس

كان الموت يبدو وكأنه قد أتخذ من هنا كهفا له .. يذهب صباحا ليمارس عمله وعندما يعود مرهقا أخر اليوم ربما يمد يده ويقبض بعضا من الراقدين هنا ليكمل العدد المطلوب.. كان بإمكاني أن أراه في كل ركن مهمل من المكان..


كل قطعة قطن تحمل بقعا من الدم.. في وجه أصفر من أثر العلاج، ووجه أصفر من أثر الحزن.. ووجه أصفر يتصنع الأسى..

بإمكاني أن أشمه في روائح الدواء.. والملاءات المتعرقة مرضا..

خرجت من هناك مقررا أني أفضل الموت المؤكد علي أمل العلاج في مكان مثل هذا يوما ما.. وعلي الرغم من معهد ناصر مشروعا عملاقا.. وعلي الرغم من وفاة جدتي في شقيقه المعهد القومي منذذ سنوات عديدة.. إلا أني خرجت من هناك عدوا.. أشعلت سيجارة وقلت

أنا بتنفس حرية.. لا تقطع عنى الهوا

هناك ١٤ تعليقًا:

خلود صلاح يقول...

مش عارفة اقول ايه ..
بس..المهم انك تتنفس فى الاخر بس

elkamhawi يقول...

ووجه أصفر من أثر الحزن.. ووجه أصفر يتصنع الأسى..

محمد السيد..مش حاسكت يقول...

"أنا بتنفس حرية.. لا تقطع عنى الهوا"

ياسيدنا حرام بقي. ... مش كده ..

هو الواحد كل ما يحب ييجي يلاقي كده .....


عشت لي .....
سعيد .. وفرحان .. و مبسوط ... ومفرحني ....

وياسيدي ... ماتبقاش تروح تاني ...

حبيبي انت ياهواري ...

تــسنيـم يقول...

انت بتجيب الصور دي منيييين يا أحمد


:$

غير معرف يقول...

الف سلامة ياهواري بس وربنا يارب على ماي حكم على احد المرض حتى لايموت برؤية علامات الموت في موجه الآخرين

Salma Amer يقول...

من فقد الأمل فقد الحياة
المشكلة ان الاماكن دي تخلي اي حد يفقد الأمل من المشاهد اللي حوالية
ربنا يشفي كل مريض

البرديــــــة المصرية يقول...

معهد ناصر حلو أوى
دا ميه ميه
دا ممتاز
دا رهيب

الحمد لله انك ما رحتش الميرى ( الجامعة ) فى اسكندرية
داخل المستشفيات عالم آخر بحق

Lens Geek يقول...

تتنفس حريه...

ربنا يديمها عليك نعمه و يحفظها من الزوال

Lens Geek يقول...

تتنفس حريه...

ربنا يديمها عليك نعمه و يحفظها من الزوال

الحلم العربي يقول...

الحمد لله
علشان تعرف انك مش
dead man
و لا حاجة

دمت بالعافية و السعادة و ربنا ما يحكمش على حد بالمرض ابدا و لا بالرقود في هذه المعاهد في انتظار الموت

سلام

فى القلب يقول...

أدام الله عليك تنفسك و أدام حريتك و دمت لنا أنت يا ديد مان

shirry يقول...

الف سلامة عليك
وكويس انك عايش وبتتنفس
مش عارف اقول ايه تاني
الف سلامة

dead man يقول...

خلود صلاح

مش لازم تقولي حاجة .. خليها علي الله

:)
------------------

elkamhawi

كل وجوه يا عم علاء .. وجوه متصنعة يا حبي.. عارفة الفرق بين النائحة الثكلى والنائحة المستأجرة؟
---------------------

محمد السيد..مش حاسكت

حبيبي انت والله

ومتقلقش .. مش ناوي اروح تاني
------------------------

تسـنيم

ادام الله لنا الانترنت نت حرا مستقلا يا جميل..
الموضوع كله في الكلمات اللى بتدوري بيها .. اعرفى انتى عايزة ايه وحدديه في كلمات.. هتلاقيه

--------------------

قلوب حائرة

الله يسلمك.. ومتعرفيش بجد الموت في وجوه الاخرين ده وحش ازاى

---------------------

Salma Amer

فعلا .. من غير الأمل مفيش حياة.. حلوة منك

------------------------

البرديــــــة المصرية

والله يا باشا ما جبنا في سيرة ناصر بوحش
:)

ربنا يعافي الناس كلها ويرحمنا من اللى دخلوا الناس ناصر والميري

------------------

Cerebrosus world

ياللى انتى حبك حرية .. في العشق اه ولا شيء ممنوع

ده نوع من الحرية مطلوب يا جميل

فاهم انت الباقي

:))
-----------------
الحلم العربي

ده اللى انا بقوله .. لو حكمت بالرقود هناك .. لأ أموت بره وانا بحريتي احسن .. ما هنا ميت وهنا ميت

--------------------

فى القلب

وأدامك لينا يا جميل

------------------
shirry

الله يسلمك .. والحمد لله الواحد لسه بيتنفس

حلم الحرية يقول...

شهيق
زفير
شهيق
زفير

تست

الجهاز التنفسي شغال؟

طب الحمد لله ..كده رغم كل شئ نقدر نطمن




دمت حرا
ومتنفسا للحرية