الأحد، ديسمبر ٠٩، ٢٠٠٧

هنا القاهرة



كان عقد الصلح مع الإسكندرية بدءا من هنا، يوم الخميس انتهاء أسبوع ممتلئ بالعمل، عيد ميلاد أحد الزملاء وكان القرار بالتوجه إلي مهرجان الشيكولاتة بساقية الصاوي.. وعلي الرغم من أن المهرجان هذا العام أقل من سابقه إلا أن الضحك والابتسام كانا موجودين مع التعثر في أناس هناك علي غير ميعاد.. تصوير وفقرة ستديو أحلى الأوقات.. في الانطلاق سريعا إلي وسط البلد.

محاولة الاختيار بين العمل وحضور حفلة اسكندريلا في نقابة الصحفيين، وكانت النتيجة لصالح اسكندريلا علي أن نعود إلي العمل ليلا، أصوات العود ووجوه بعض الأصدقاء وكوب من الشاي وسجائر و"جيفارا مات" ونهاية الحفلة والانتقال إلي أحد المقاهي ونسكافيه وشيشة معسل.. وكان ختام الليلة نزق ومجون مع علاء القمحاوي وكان ما ينقصنا وقتها جارية ووجوه بلحى طويلة في إضاءة خافته و"نأخذ من كل رجل قبييييييييييييييييييلة".

نوم متقطع صباح الجمعة علي أصوات الهواتف النقالة والأرضية حتى الظهر والاستيقاظ مع الصداع.. وداوني بالتي كانت هى الداء.. انطلاق إلي ميدان التحرير للقاء الرفيق الجنرال أحمد رفعت المهم أن يكون مكان التلاقي بعيدا عن "كنتاكي التحرير" J.. لهذا يبدو هارديز اختيارا جيدا.. متأخرين نصل وأحمد عاد للبيت وكان الحل عبر الهواء وشبكات المحمول المباركة ليعود مرة أخرى. ويتبقى السؤال.. إلي أين..

اختيارات تتراوح ما بين الإسماعيلية وحسن أبو علي، والفيوم، العين السخنة ومن وراءها السويس، وكان الاختيار أن يا خيل الإسكندرية اركبي، وعلي الطريق كانت محطة المصرية مصر الإمارات والحيرة بين الباتية والبيبسي والرغبة في الكابتشينو والسجائر .. وكان الجمع بينهم جميعا مع مصاصة مما جعل حدقتا عين القمحاوي تتسعا.. واكتشافه أنه نسى باقي نقوده زادهما حنقا..

وعلي الطريق الصحراوي كان إيمان البحر دوريش، ويا صحبجية إيه ياللاللي .. وانتهاء البيبسي وبداية الكابتشينو مع سيجارة ضد رغبة أحمد رفعت ومتعة الهواء المتطاير من حولك ومشاهدة الطريق أحد هواياتي المفضلة، وجنون التوقف علي الصحراوي للتصوير بجوار لافتة الكيلو 68.. ولا تسأل لماذا هى دون غيرها..

بوابة الإسكندرية وتكاثف الغيوم فوق السماء.. الملاحات ورائحتها.. وكان التلاقي مع البحر عند جامعة الإسكندرية وفقرة أخرى من ستديو أحلى الأوقات.. البرودة المحببة إلي نفسي .. ورفعت يطالبني بارتداء السويت شيرت ليخبره القمحاوى أن الجو جميل.. واختفت الشمس عن أعيننا ليرتفع ضوء السيجارة معلنا الرحيل..

وكان التوقف في الأنفوشي.. شوارع الناس والأسواق وأظلمت السماء إلا قليلا، فلم يبقى طاقة من نور في نهاية الشارع.. كبدة وكفتة "وهبة" الأسطورية.. محاولات مستميتة من رفعت لاقناعي بتناول سوبيا "طلعت".. أخبره أني لا أحب السوبيا.. فيقول أنه أيضا لا يحبها.. أشربها فأقرر أني سوف أشرب سوبيا بعد ذلك .. من عند طلعت فقط.

رفعت مرة أخرى ومحاولات اقناعي بتناول حلو من "كسكسي الجامبو" اخبره مرة أخرى أنى لا استسيغ الحلويات فضلا عن عدم استقرار معدتي معها وآلام الأسنان.. ومرة أخرى أرضخ وأتناول كسكس بالبليلة والمكسرات والقشطة .. تصرخ أسناني وأخبره أن أم علي الساخنة المستقرة في طاجن علاء بالتأكيد أفضل..

وكان البحر مرة أخرى.. القلعة وتكسر الأمواج علي الصخور المجاورة لها حيث أعشق الجلوس.. والبحث عن شيء مالح يكسر ألم الأسنان.. عربية بطاطا تبدو اختيارا سيئا في ظل غياب الملح من البائع الغير موجود أصلا.. ذرة مخزنة من الموسم الصيفى بائعها أيضا غير موجود، وخناقة مع بائع الترمس الذي يرفض إعطائنا قرطاس فارغ للقشر مطالبنا برمي القشر علي الأرض "زي الناس" تنتهي بانتصارنا.. والضحك أمام بائع الحمص في أخر الرصيف.. وفينك من بدري..

الجلوس أمام الأمواج المتكسرة علي الصخور مرة أخرى.. وأكواب الشاي.. جلسة تصالح مع الإسكندرية بأكملها بعد عدد من الزيارات المعكرة بيننا.. يبتسم البحر وأعيد أكتشف أن الاستمتاع بالسيجارة لأطول فترة بدلا من حرق أكبر عدد من السجائر هو ما أفضله.. وأضع العلبة بعيدا لاشتاق اليها..

تكتمل الصورة بالأمطار.. وانصاع لرفعت وارتدي السويت شيرت والرحيل مقترنا بوعد علي لقاء أخر.. بوابة الإسكندرية وكابتشينو مرة أخرى وسجائر بدلا من تلك التي قاربت علي النفاذ.. تودعنا الإسكندرية بأمطارها إلي أخر مدى تستطيعه.. ثم تصفوا لنا سماءها وترتسم ابتسامة النجوم مع صوت منير ولما النسيمن وإيمان البحر دوريش والأولة بيانوني سف المال والتانية آه من مدموازيل باسكال والتالتة أتاري القمار له حال، بينما كان فؤاد يتعجب أوقات يا دنيا معاكي بعيش وساعات مبفهمكيش..

عتاهية التوقف أمام لافتة الكيلو 68 علي باب القاهرة من أجل تصويرها لمجرد انها خطرت علي ذهن أحدنا ولطيفة تغني "لما يجيبوا سيرتك يحلو الكلام"، ومنير مرة أخرى و"ممكن".. وكانت النهاية مع علي الحجار .. هنا القاهرة أسى الوحدة في اللمة والنطورة..

هناك ٢٩ تعليقًا:

Mony The Angel يقول...

eh da
ana awel comment :?
7amdel 3alsalama ya a7mad
w yarab tkoon etbasat :)

yasmina يقول...

انا دايما كنت بدخل بلاقي انه مفيش شي مكتوب
الحمد لله المرة لقيتك كاتب كثير
كتابتك عجبتني
اسلوبك جيد كأنه قصصي لا يمل القارئ بل يشعر بالاستمتاع والرغبة بالقراءة اكثر

تحياتي لك دائما

حلم الحرية يقول...

حمد الله عالسلامة
وانا اقول اسكندرية كانت منورة ليه
اتاري عقد الصلح تم بينك وبينها
عقبال ما تتصالح مع القاهرة هيه كمان

وعقبال الزيارة الجاية لاسكندرية وتكون برضة زيارة ممتعة ومش معكرة

قبل ما امشي
البوستات المتفائلة هنا رغم انها قليله لكن باحس بصدقها اوي وبروح الفرحة والسعادة طالعة منها بحق وحقيق...
مستنيين زيها كتيير

Unknown يقول...

هييييييييييي

يعني اتبسطت بجد

(:

مبسوطه عشانك جدا

ويارب تكون كده دايما

دوللي يقول...

تعرف يا احمد اني بجد وانا بقراء البوست كنت حاسة اني معاكو يمكن فعلا علشان انا كنت عارفة انتم فين ويمكن علشان اعرفك اوي واعرف طبعا احمد رفعت بصفته خطيبي واعرف اد ايه انتم كنت مبسوطين
يارب دائما تمون في اسعد حالاتك زي المرة دي
ربنا يكرمك

أحمد الدريني يقول...

اذا التقي وغدان حضر الشيطان
فمابالك لو كانوا ثلاثة؟

شيماء الجيزى يقول...

يا بن الهوارى

يا بختك قوى

مش كنت تاخدنى معاكم
:d

Salma Amer يقول...

يا سلام يا سلام على الناس اللي بتطلع اسكندرية دي يوم الجمعة
يارب كل أيامك تبقى حلوة وجميلة كدة بس المرة الجاية نكون طالعين كلنا سوا ولا اية
مش اللمة احلى بردة ولا ليك رأي تاني
سلامز :)

Oma يقول...

7amdela3la el slaaama
3la fekra ana kont m3ak fe alex el ayam elly fatt
w nafs el details t2riban...except ref3t w akid elsgayr bta3tk :))
alx kant rahiiiiiiiiiba fe el matr
3ndk korda fazi3a enk t2lb el mood bta3i !!!!

Samia يقول...

yaah ya hawary ... ana w as7aby ro7na re7la moshabeha nfs el yoomeen dool bs el sana ely fatet , sayba ma3aya zekrayaat gamd awyy

lama la2etk katb post 3an re7la kda .. 2olt akeed hayshaga3ny eny aroo7 tany .. ba3d ma 2aretoh .. la2etny ma3ah ro7t fe3lan !!

2albt 3alaya el zekrayaat walahi :)

اميرة هشام يقول...

اللي ادانا يديكوا ياسيدي
ناس تسافر اسكندرية تتفسح وناس تروح تشتغل ومتعرفش تشوف حتي البحر

اللهم مالاحسد انا مش بحسد طبعا انا باقر بس

وش بيضحك ضحكة واسعة

قضية عم أحمد Ahmed Case يقول...

هواري
كنت فاكر ان الكاميرا بس اللى بتلقط الذكريات مكنتش عارف ان القلم ممكن يفوق اي نصوير ...

هواري كان يوم حلو اوي اوي

كانت طالباه اوي ...


بجد يا هواري خلتني اسافر تاني بالبوست ده ...

شكرا صديقى

هناء يقول...

مبروك على الصلح و على اول بوست غير مختصر...................

dead man يقول...

Mony The Angel

الله يسلمك يا جميل .. الحمد لله اتبسطت
------------------

yasmina
ربنا يخليكي علي الكلام الجميل ده .. ولو كده يا ستى نكتب علطول حاجات طويلة علشان نشوف تعليقاتك
:)

دمتي بود
---------------------

حلم الحرية

إسكندرية منورة باهلها وبحرها وكل حاجة حلوة فيها.. والقاهرة لظروف انى عايش فيها فبنتصالح ونتخانق كثير بس في الأخر احنا حبايب
:)

دعواتك
----------------

esraa

ربنا يخليكي يارب

وانا كمان اتبسطت لنى اتبسطت
:)

يارب وانتى كمان تكوني مبسوطة علطول
-------------------

داليا
دايما معانا يا باشا

ده احنا من غيرك ولا حاجة.. وناقصنا كام مليون حاجة

:)

ربنا يسعدك يارب
-----------------

بو دريني

كانا وغدان وكان الشيطان ثالثهما

:)
--------------------

شيماء الجيزى

تنورينا يا جميل في اقرب فرصة

--------------------
Salma Amer

اللمة أحلى طبعا
يلا يا باشا نظبط يوم واليكس للجميع

:)
------------------
OMA

بصي هى اسكندرية في كل حالاتها جميلة لدرجة الرعب .. بس في الشتا بتبقى اسطورة .. حاجة بتعدى الوهم والخيال

ويارب يكون مودك بيقلب للأحسن
------------------

Carnation
ربنا يخليكي علي الكلام الجميل .. ونتمني ان الذكريات تكون حلوة بحلاوة كلامك

-----------------

اميرة هشام

قل أعوذ برب الفلق
:p

ربنا يديمها علينا اسكندرية
:)
-----------------

أحمد رفعت

اليوم كانت طالباه بدرجة اكتر من اوى اوى .. والكاميرا كمان مهمة اوى .. علشان ابقى اقول لعيالك شوفوا ابوكوا كان عامل ازاي
:p

حبيبي والله يا واد يا رفعت
--------------

هناء
الله يبارك فيكي .. وان شاء الله نقلل من المختصر
:d

MarwaAshraf يقول...

أنا كنت هننننننناك

اليوم كان تحفة... كان رهيب... كان فظيع.... بجد لحد دلوقتي فاكرة كل تفصيله.. ربنا يسعدنا دايما بأيام من دي



حلو أوي البوست.. سردك أكثر من رائع

سلامات

غير معرف يقول...

ياااااهوراي ياجامد واناا اقول بابا بيحبك اوي كده ليه انت ومعب ورفعت وبراء والدي بحبكو جدااايوه ياعم ع فكره انا اسكندرانيه واخت احمد رفعت الصغيره حتى اسلئه وهوه يقوللك بس بصراحه احلى وقت فيكي يااسكندريه هو فصل الشتاء والدنيا بتمطر ولا دوله من دول اروبا (:

Camellia Hussein يقول...

اسكندرية!!!!!يااااااااااااااااااااااابختكوا

خلود صلاح يقول...

هيرو يا وغد
قابلتم البت الى ماشية تتمختر من سيدى بشر لابو العباس ولا لاء؟؟
اسكندرية يا بختك ..بحقد عليك على فكرة
ناس ليها اسكندرية وناس مالهاش غبر الكتاب والمحاضرة ولو قعدت ترتاح شوية فى بيتهم يبقى ليها الاكل والشقة
يااانى يا مفروسة
:))
اهم حاجة يارب تكون اتبسطت

smraa alnil يقول...

يا ابن الغنية ويا ابن المحظوظة

يا ريتني كنت معاهم عملوها الوحوش

جتنا نيلة

حمد الله علي سلامتك يا صاحبي

وحشتني

أميرة من غير قصر ولا بستان.. ولا الشاطر حسن كمان يقول...

بطل شرب سجاير بقى
صحتك هاتروح هدر :):):)

انا موجوده اهو بس الحياة بقى مش بتبعتلى اى احساس بالالهام ...ادعيلى:)

FadFadA يقول...

أحمد
حمدالله عالسلامة
طبعا مش لازم أقولك رأي في تدوينتك علشان ما تتغرش
على العموم انت سمعته مني كتير
بس عارف ... كتر الدخان اللي في كل تدويناتك بيتعب و بيقلل من وضوح الرؤية
ملحوظة : حاول تجرب سوبيا الرحماني , ممكن نجربها مع بعض
طمني عليك و على صحتك يا ريس

محمد

عمر محمود يقول...

عفواً
انا مش داخل اعمل إعلان والله
بس الوقت ضيق
فاضل على عرفة يوم
ناويين على إيه

8 ذى الحجة

الحلم العربي يقول...

اسكندرية كمان و كمان

ذو النون المصري يقول...

الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................

saso يقول...

كل سنة وانت طيب



ومبسوط
:)

Unknown يقول...

كل سنة وانت طيب

ويارب يكون عيد سعيد عليك

(:

فى القلب يقول...

أيه يا عم الفسحه التحفه دى

تخيل نفسك بتقراء الذكريات دى وأنت عمرك خمسيييييين سنه

وأستشعر المتعه

كل سنه وأنت طيب يا قمر

dead man يقول...

RAMA

هو اليوم اللى انتى بتتكلمى عليه كان رائع فعلا .. بس ده يوم تاني ..

بلاش قر ولا نق ..
عادي ناس كثير بروح اسكندرية كثير

:)
-------------------
شوشو
ربنا يخليكي ويخلي بابا.. بس ابقى فكريني اسالى رفعت :)

وكده بتعرضى نفسك لنوع شديد من انواع الحسد انك ساكنة في اسكندرية .. دارى علي شمعتك
:))
--------------
camellia

يا بختنا .. وعقبالك
-----------------

خلود صلاح
ايوه يا عالم علي المنظر

الحمد لله اتبسطت .. وشدي حيلك علشنا تخلصي من الكتب والمحاضرات .. وتتفرغي للشقة والأكل
:))
-----------------

انووووووووووووج

يا ستى الفلوس كثير طبعا بس النفس اللى تصرف زي مانتى عارفة
:)))))

فينك يا بنتي.. واحشانى جدا والله
اتبرع ولو بـ كول مى باك
-----------------------------

أميره..من غير قصر و لا بستان و لا الشاطر حسن كمان

ماهى كده كده هتروح .. خليها تروح في حاجة الواحد بيحبها

واكيد هدعيلك .. ياااااااااااارب
-------------------

FadFadA

حبيب قلبي .. جربتها قبل كده .. بس انا اصلا مليش في السكريات .. اللى كانت هناك دى مكانش فيها سوبيا تقريبا

:)))
------------------

الحلم العربي

يا اسكندرية بحرك عجايب

-----------------

saso

وانتى طيبة يارب والسنة اللى جاية تكوني محققة اغلب اللى بتتمنيه لنفسك
-------------
esraa

وانتى طيبة وسعيدة وراضية يارب
-------------
فى القلب

ده متوقف علي انا هوصل للخمسين ولا لأ

كل سنة وانتى طيبة واجمل من السنة اللى قبلها

غير معرف يقول...

ماحنا كدا كويسين ياعم فيه ايه ..

علي فكره انت ذكرتنا بالاسكندرية ..

حننقن ..مدونت حلووه اعجبتني