الأحد، ديسمبر 17، 2006

عائدا إلي القبر

كان هناك يمشي بين الناس.. موزعا ابتساماته علي كب من يقابله.. ولكن الكل كان متجهما في وجه.. إلا القليل منهم.. فمنهم من رد الابتسامة.. ومنهم من قابلها بضحكة أجمل منها.. ولكنه كان دائما يلتفت ليجد وراءه من يرد علي الضحكة بأخرى.. لم يحزن فكان يكفيه لأن يرى تلك البسمة.. وتلك الضحكة..

كان يحمل في يده باقة من الزهور يحاول أن يعطي كل من يمر وردة منها.. لكنهم لم يمدوا أبدا أيديهم.. فكان يعلقها في عروات ملابسهم.. والشعر دائما كان اختيار متاح..

في لحظة ما أصابه ما يصيبه دوما فقرر العودة إلي حيث ينتمي.. بخطوات مثقلة كان يمشي.. يوزع أخر ابتساماته.. وأخر ورداته.. علي باب قبره ألقى نظرة أخيرة ورائه.. فتح القبر ودلف إلي الداخل وأغلق الباب من ورائه..

في صمت جلس كعادته.. حزينا كعادته.. ملعونا كعادته والأهم.. ميتا كعادته.. أحس بالضيق أكثر وبغضة الحلق تشتد عندما أحس بتلك الدمعة تحاول الفرار من عينه فمد يديه إلي ما كان يوما قلبه فأنتزعه وسد به ذلك الثقب الذي أعتاد أن يتلصص من علي العالم منذ قديم الأزل.. أثر السكوت واختار الصمت.. أدمعت عيناه مرة أخرى.. فكفكف دمعه بأوراقه التي قرر أنه لن يكتب فيها مرة أخرى منتظرا النهاية.. مشعلا سيجارة..

هناك 19 تعليقًا:

we2am يقول...

انا ارفض هذه النهاية..و ارفض ان يعود الي قبره...انه لنا قبل ان يكون لنفسه..اتمني ان يفكر في مصير الوردات..و الابتسامات..لم يكن يعني شيئا من بعيد..و لكنه عندما اقترب..يعني الكثير..
:'(

مصـ( الخير )ـعب يقول...

:(

"Every man has his secret sorrows which the world knows not; and often times we call a man cold when he is only sad."

معلش يا أحمد، أنا نفسي أساعدك بأي حاجة، بس مش عارف

أحمد أنا نفسي ترجع تاني، ارمي كل ده وانسى... ابدأ من جديد

أنا عارف إنك محتاج راحة شوية، وهدوء أكتر، بس ما تخليش لحظة تعدي إلا وأنت بتسترجع نفسك، بتستجمع الحاجات الحلوة اللي فيك وبتبدأ تاني

صدقني، الدنيا دي مالهاش لازمة، بس الرجال لا يعوضون أبدا

وأنت منهم

Hapy يقول...

هممممممم
فليعود لقبره
ليكتشف شيء واحد
انه مازال حيا
انه لا ينتمي لهناك
مجبر على الحياة
فان كانت هذه حيا فليحيا كما يريد
بدون ان يستلبه احد وجوده بأي شكل
life 4 my own 2 live it my own way
escape - metallica
its my life - bonjovi
_______________________
والاسى قبل فرقة الروح عجز
والاسى لا يكون بعد الفراق
__________________________________
حقيقة اخرى مغازلة الموت بالاكتئاب
مغازلة الانتحار برغبات الموت
قصر ديل و جبن
يا تموت يا تعيش
الاحتمال التالت االبين بين
الناس الاشباه
دول
مالهمش معنى
زيهم كده زي ورد النيل كمالة عدد
يقول عنهم نبتشه
" ما انتم حشائش الارض الا معبر سيسير عليه الانسان المتفوق نحو الجبال الأعالي "
دور جواك ؟؟؟
انت مين فيهم
حشيش ولا انسان متفوق؟؟

أحمد..يكتب كما لم يكتب من قبل يقول...

بوصف ان تعليقي مرضيش يتنشر..أنا كتبته عند مصاعيبو...
أ"مح ان ده يتخلي عن عناده التقني ليا في مقبرة جنابك لفسيحة ويرضي ينزل عندك...
أنا مستني أقابلك...بعيد عن المقبرة،بعيد اوي..
اوي اوي اوي....
هواري...
كن لي كما أهوي..
أمطر علي ّ الدفء والحلوي..

Dananeer يقول...

ساعات بنحتاج ننكمش و نلملم شظايا روحنا بعيد
ده بيساعدنا قبل ما نقوم و نقدر نقف
مش مهم يرجع لقبره قد ما المهم يخرج منه فى الوقت المناسب و ميفضلش فيه

اتمنى يرجع من تانى يوزع ورداته و يستقبل ابتسامات و هو واقف و اول المبتسميين

smraa alnil يقول...

عارف لما تحس بالحزن اوي وانك مكسور
تترمي علي الارضاو علي سريرك وانت متقوقع زي جنين محتاج يدخل لملجئه من تاني
ولما تغمض عينك وتلاقي نفسك خايف اكتر تقوقع اكتر
حاضن رجلك وراسك عند ركبك
خايف تبكي
حابب عزلتك
دة قبري وقبرك

بس انت اللي بتختار وقت تقوقعك وموتك ومكان قبرك
يبقي لازم تختار وقت وقوفك ورفضك
خليه يخرج من قبره ضارب الدنيا الف صرمة وصرمة
خليه يختار امتي يوزع ابتسامته ويختار مين اللي يديله وردته


علي فكرة اسمع كلام البت هابي دي صاحبتي وبت دماغ

بنت امي الغالية يقول...

بص انا مش هاقول لك عشان خاطرنا وخليك هنا والبلد دي احسن من غيرها ولا الكلام ده انا هاقول لك خد راحة استجم, عيش يومين هنا
غير نمط حياتك وفكر من اول وجديد ولا كانك كنت عايش هنا قبل كده
بس لازم تعرف ان ناس كثير بتحبك وعايزاك تفضل عايش معاها ولو ياسيدي ع الورد انت عارف ممكن اجيب لك كل يوم ورده تلاقيها على مكتبك قبل ما تبدا يومك
يلا خد اجازة

واحد من الناس يقول...

ايه يا عم احمد... صلى على النبى كدة وروق.
انا بحترم حزنك دة جدا وفاهمه..بس خايف للتعود عليه.
واضح ان طريقة الحزن عندنا متشابهة...فيها قبور بننزلها بختيارنا وفيها الصورة الاشهر للحزن وهى التقوقع على السرير بالظبط زى ماقالت سمرا النيل وفيها كمان نظرية الانكماش زى ماقالت دنانير وفيها برضو انك تعيش دور حشيش الارض زى ما نيتشه قال لهابى...المهم ان احنا بعد ما(نستمتع) بفترة الحزن دى ونلملم روحنا ونحضن نفسنا شوية ونمشى بعيد زى ما شرين بتقول ..المهم اننا نرجع تانى لحياتنا الككئيبة دى تانى لان اكيد دورنا اكبر من كدة والاكيد اكيد انه لسه ماخلص.
احمد ربنا ان فى ناس بتحبك كدة ..وكفى بها نعمة.. والله انا حبتك ... عارف يا ابو جميد لما احب اشوف نفسى وانا حزين (لما الحلة تجيلى) ادخل على مدونتك ولما احب شوف نفسى وانا رومانسى وبحب على نفسى ادخل على مدونة ماشى بدون قدم بتاعة شيماء
واسمع بقى..لو مخرجتش من قبرك فظرف 89 سنة هابلغ عنك البلدية يشلوك انت وقبرك.. ولا اقولك انا هاصعد الموقف وابلغ قسم مكافحة القبور التابع لامن الدولة.
:::صحفى بيسأل حسنى مبارك:وامتى حضرتك هاتلقى خطاب الوداع... رد عليه حسنى:ليه هو الشعب رايح فين؟ :::

nour يقول...

على فكرة احنا مش هنخليك ترجع القبر ده تانى ..و لو هترجع هننزل كلنا معاك..و نعمل ابراطورية تحت زى فيلم عمر 2000
انا مش عارفة ايه اللى ممكن يكون حصلك فى حياتك بالقسوة دى..بس اوعى تقول اوراقك اللى مش هتكتب فيها تانى دى..هتكتب طبعا..كمان مش ممكن تكون شلت قلبك من ضلوعك مكنتش عينيك هتدمع..مكنتش هتكتب اصلا..انت اللى زيك خسارة فى البلد

dead man يقول...

we2am
النهاية دائما ليست من صنع أيدينا، وغالبا نحن صنيعتها.. أما عن الورد والابتسامات فغالبا سيأتي من يوزعهم.. ويرحل
----------
مصاعيبوز
أعتقد أن أنا رديت عليك عندك.. وشكرا علي البوست الجميل
----------
hapy
شكرا علي مشاعرك الجميلة.. واعتقد ان الناس مش بس حشيش وأو متفوقين.. في ناس في النص كثير.. في ناس محدش صنفهم أصلا.. في ناس أحنا منعرفش عنهم حاجة.. الناس دي محتاجة نفكر فيهم حبة
------------
أبو دريني حبيب قلبي
شكرا مرتين.. مرة علي كل تعليق.. وشكرا أصلا لأنك موجود

وأنا لك كما تهوى.. وانتظر مني الدفء والحوى
:)
-----------
dananeer
شكرا علي كلامك الجميل.. اتمني أنه يسمع كلامك.. ادعيله
------------
smraa alnil
أهلا بيكي في أول زيارة للمدونة
حاضن راسي عند ركبتي بس مش خايف أبكي لأني للأسف ببكي كثير
------------
بنت بلد
سكرا علي احساسك.. وشكرا علي الورد اللى انتى جبيته قبل كده.. انا مش فاكر أنا قولتلك شكرا ساعتها ولا لأ.. بس شكرا
-----------
واحد من الناس
شكرا علي حبك يا باشا وده شرف لينا.. نتمنى منشوفكش حزين
--------------
nour
مش عارف أقولك ايه علي كلامك الحلو.. بس عارفة أنا اعتقد أنها لا خسارة ولا حاجة... تفتكري أنا لو مظهرتش تاني هيحصل ايه.. ولا حاجة.. ولا حد هيعرف..
شكرا علي كلامك الجميل

LAMIA MAHMOUD يقول...

مش عجباني النهاية .. وليه يرجع يدفن نفسه مع انه واضح انه مليان حياة

linda يقول...

كنت اعتقد بانني متشائمة لحدود المستحيل ولكن الان وجدت نفسي اكتر املا بجانب كلماتك

اخي جميعنا نعتقد باننا في قبر موحش اثناء الانكسار ولكن ريثما ننظر للحب الدي يطرق بابنا فجأة ننشرح وننسى المقبرة للابد

فتفائل علك تجد بعض الراحة

Hero Ik يقول...

حالك أفضل من حالي فقل الحمد لله ..
لست بميت وليس بحي

karakib يقول...

ولع سيجارتك و روق ...و يصبح علينا أن نكتشف حقائق هذا الكون الملعون بأنفسنا ... و رويدا رويدا أيضا نكتشف أن كل ما نعرفه هو خاطيء و أننا لا ننتمي لهذا الكون ... تبدأ الصدمات و الحقائق تتوالي بلا رحمه علي عقولنا الصغيره لتملأها حزنا و معرفه .. أصبحت المعرفه مرتبطه بالحزن
تالت مره أكتب نفس التعليق
ده الحزن بقي فعلا وباء
ياقمقم يا حزين تحت بحر الضياع
حزين أنا زيك و أيه مستطاع
الحزن مبقالهوش جلال يا جدع
الحزن بقي .. زي البرد و الصداع
و عجبي

we2am يقول...

لا مش هيأتي..دي حياتي وانا عارفاها..اريد الوردات من يدك و الابتسامات من كلماتك..فقط..
:))

saso يقول...

طيب اللي ممكن يتقال هنا خلاص اتقال في الكومينتات كلها..اعتبرها انا قصة وانك مش فيها واقولك اني فاهماة ..لما يختار واحد انه يمسك الورد ويدي لغيرة لمحة دفا بيبقي اقوي من اللي حوالية وعاوزهم يبقوا زية..طبيعي انه يتعب وطبيعي انه لما يكتئب يبقي زيهم أو أكتر ..بس بيرجع تاني يكمل لعبتة اللي اختارها لانة اتعود لما يشوف الشمس يصحي يفكر في اللي حوالية

مسيرالضي لوحدة هيلمع
ومسير الضحك لوحدة هيطلع

dead man يقول...

lamia
مش كل النهايات بتعجبنا.. وعموما هو نفسه يرجع
---------

linda
أدينا مستنين اللي يطرق الباب
خطوة عزيزة
---------
hero
الحمد لله علي كل شيء

أهلا بيك في المدون حيا أو ميتا أو ما بينهما
-----------
karakib
والله يا باشا أنا ما لاقي حاجة أعملها غير أني أولع في سجاير لدرجة أن صدري قري يعملي محضر تلفيات في القسم
----------
we2am
ربنا يخليكي علي الكلمتين الحلوين وان شاء الله هيجي..
--------
saso
أنا مش عاشق ضلمة.. ولا زعلت الضي

محمد السيد يقول...

اللي يحب حد يقول له بحبك ..

بجد بجد ..يا باشا ..بحبك ..

وعشان متفكرش إنها تهجيصة ...
دي أولا وصية عن النبي ... إن الواحد لو حب حد . .. يروح يقول له ..

ثانيا ... من المرات القليلة اللي محسش بيها بالغربة في القاهرة كانوا اليومين دول ...

بحبك ..

سلامز

shaimaa يقول...

eh kol elshgn w el7ozn da :(

mesh h2olk 7awl t7'rg nfsk mn eli enta feeh 3shan hyb2a klam s7'eef w mosthalk bs h2olk plz lazem tatl3 mn el2br da 3shan 2keed fe nas bt7bk w 3yzak w he7znha gdn enk mtb2ash m3ahom