الاثنين، يوليو ١٦، ٢٠٠٧

عذرا زياد

هل أحببت طفلا من قبل.. طفلا ليس بابنك أو قريبك.. أحببته لمجرد أنه أكثر من طفل.. أحببت طفلا دون أن تدري لماذا وهو بادلك الحب دون أن تدرى أيضا لماذا..

لا تدري لماذا تقبل يديه كل دقيقة.. هل لان ملمسها يشبه ملمس يدا لم تعد ملكك.. لا تدري لماذا تقبل قدميه الصغيرتين كل صباح.. وتتساءل هل أنت تهوي تقبيل أقدام ليست ملكك..

زياد الذي لم يكمل الشهر السادس من عمره حالة مختلفة من الحب.. يراني أتيا فيتهلل.. اقترب من مهده فتتقافز أرجله ويديه في الهواء فرحا.. يناديني كي أحمله..

لا أدرى كيف تعلم طفلا صغيرا أن يعبس عندما أقول له "باي باي" وان يضحك عندما أقول له "هشرب سيجارة بره وجاى تاني".. تقول والدته أنه يبدو كالمكتئب يوم الأجازة.. وأنا اعرف أنه يكون سعيدا فحوله الكثيرون ممكن يحبوه..

غريب أمر زياد.. لا تدرى حقا كم هو غريب إلا عندما ترى نظرة عينيه عندما أضمه إلى صدري ويحس بعدم انتظام نبضاته بين الألم والندم.. حين يراني أبكي..

غريب أمر زياد حين يتركني أغنى له.. فهو يعلم أني لا أغني إلا عندما أكون طفلا.. فيتركني أغنى طفلا ويسمعني طفلا.. لا يتذمر عندما أغني له CELINE DION أو منير.. فعلي الرغم من أن أغاني الأوجاع لا تناسب سنه الصغير إلا أنه يتركني أغني.. فهو وحده يعلم كم أتألم وكيف أعيش.. ماذا أبصق وماذا أتقيء..

غريب أمر زياد.. فبدلا من يحس هو بالأمان معي طفل يمنحني هو الأمان والحنان.. فمن يتخيل أن طفلا يمنح الأمان.. عندما أبدأ في البكاء أضمه إلي صدري أكثر.. فيربت علي بكفيه الصغيرين يضعهما علي وجهي فأتجاوب معه وامسح ما انكفئ علي الوجع من دمع..

ما عرفته مع زياد لا أعتقد أنى سأعرفه مرة أخري.. ولذلك أتمني ان يذكرني عندما يكبر يوما ما.. ألا يكرهني يوما.. فأنا جيدا بما فيه الكفاية لكي أضيع أى حب حولي..

اليوم لم أستطع أن أحمله.. خفت أن يقع من يدي.. فبكيت..

عذرا زياد لقد وهن الذراع فلم يعد يقوي علي حملك..

وقبل أن أمضي.. ولأن الأطفال يرون الله..

من فضلك زياد لو رأيت الله أخبره أن يرحمني

هناك ١٧ تعليقًا:

Oma يقول...

ياعسل
باين خالص انو طعم
وفاهمه اوي احساسك ده
انا عندي بنات عمتي التوأم كده بردو
اكتر اتنين في الدنيا بحس معاهم بالامان واغنيلهم واحكيلهم واعيط معاهم
ولما اكون ساكته اوبدحكلهم دحكه كدابه فيها دمعه كده يفضلوا يزعقوا كده عشان اقوم واجري معاهم
اكتر اتنين بجد بحس معاهم بالامان
وكتير اوي بحتاجهم
ربنا مايحرمك منو ويديلك الصحه وتشيلو العمر كلو وصدقني مش هينساك حتى لو غاب
هتفضل جواه وهيفتكرتك تاني بسرعه لما يشوفك
ربنا مايحرمك منو يارب

Amyra يقول...

:)
الأطفال و الحيوانات و المجانين يختارون بالفطرة

فعندما تكون تلك الفطرة مليئة بأحاسيس الجميلة تمنح شعورا ليس له مثيله

يرحمنا جميعا

هاني جابر يقول...

الاطفال احباب الله
بس فيه حاجه خليك علي قد المسئوليه
واديله قدوة حسنة عشان يطلع زيها
علمه يقرا علمه يحب ربنا
علمه يصلي ده واجبك
هو بيحبك دلوقتي ولو معلمتهوش حيكرهك بعدين
ربنا يبارك فيه ويعز بيه

FadFadA يقول...

أحمد
لو زياد يستطيع الكلام و التعبير عن مشاعره , أعتقد أنه كان سيقول نفس الكلام و يوصف نفس المشاعر و الأحاسيس
بجد يا بختك بزياد و يا بخت زياد بيك و بفوزه بتلك المشاعر
محمد

elkamhawi يقول...

من فضلك زياد لو رأيت الله أخبره أن يرحمني

لو كنت أعلم يقول...

السر دايما في الطفولة

ياريتنا فضلنا أطفال

ولكن
قول للزمان ارجع يازمان

بس صورة زياد ماشاء الله زي السكر
سلملي عليه

dead man يقول...

OMA
عارفة .. الموضوع يختلف شوية وأجمل علشان هو مش قريبي.. يعني مثلا انا جربت احساس بنت اختى مع تسنيم.. مش عارف انتى قريتي البوست بتاعها ولا لأ

بس بجد ده حاجة مختلفة، وسلامك يوصل يا جميل
:)
--------------

Nada
الأطفال والمجانين إلي الجنة والحيوانات إلي فناء

طوبى للأنقياء قلوبهم
---------------
هاني جبر
والله انى اعلمه دى مش مهمتى انا اوي.. ربنا يخليلوا باباه ومامته

انا عليا احبه زي ماهو كده
ربنا يكرمك
---------------
الصديق محمد

واسمحلى انى اقولك كده بعد زياراتك المتكررة لقبرنا المتواضع

بجد والله زيارتك تسعدنا وعقبال ما نشوفلك زياد
(f)
-----------------
علاء باشا

فقط .. لآن الأطفال يرون الله
--------------

لو كنت أعلم

يمكن انا واحد من الناس اللى متتمناش ترجع أطفال
:)
في حاجاة عندي في الليبلز اسمها وكان هو صغير اقريها ممكن تعرفي ليه

وسلامك يوصل يا جميل

أميرة من غير قصر ولا بستان.. ولا الشاطر حسن كمان يقول...

ربنا يخليه ليك و لمامته و باباه :)

"فأنا جيدا بما فيه الكفاية لكي أضيع أى حب "

حاول اوى انك متضيعوش ابدا

dead man يقول...

أميرة من غير قصر

أحيانا لا يتعلق هذا بمحاولاتي بل بمن أنا

ما علينا يقول...

السلام عليكم

اول مرة ادخل مدونتك

صورة زياد شدتني
واعتذارك له شدني اكتر

وبعد القراءة
مش عارفة اقولك ايه

احساسك عميق جدا بزياد
بس انا مش مستغرباه
لاني جربته

وصدقني هايفضل يحبك حتى بعد ما يكبر
حتى لو انت ايه
ولو عندك القدرة انك تضيع اي حب

دول بالذات بيفضلوا يحبوك


احساسك بحبه جميل اوي
طبيعي
لما تلاقي كتلة من البراءة
بتحبك ومتعلقة بيك

بتحبك من غير قيود ولا شروط
من غير ما تدور في عيوبك او مميزاتك


البوست قووي جدا
حساس جدا جدا
وباشكر الصدفة اللي دخلتني هنا علشان
اقراه

dead man يقول...

ما علينا

ربنا يخليكي علي الكلام الجميل ده،
وانا كمان بشكر الصدفة
:)

تــسنيـم يقول...
أزال المؤلف هذا التعليق.
Mony The Angel يقول...

hwa alpost kolo y3a2ad bgad
bas a5er goz2 hwa ally maloosh 7al fe3lan
waga3ly alby...

i'm sure that God has something better in the store :))

Mony The Angel يقول...

It's bcz we have here a common pd lol
and my sister tasneem was seeing her blog
and 4got 2 sing out

so wen i left comment here
it was by her name

so, i deleted it
and signed out from her account
and commented again from mine :))

dead man يقول...

Mony The Angel

alf slama ya gamel men el waga3

we ana keda fe5mmto :)

غير معرف يقول...

حاسب كده يااحمد شوية

انا بحبك اوى يا زيزو وباشسيلك وبالغب معاك وانت عسل وسكر وكل الحاجات

اصل دى فرصة ياجماعة عشان اسجل لزيزو حبى ومشاعرى عشان اكيد ان شاء الله هيقرا الكلام ده

يلا يا حبيبى .. (..) على عمو هوارى

dead man يقول...

ديمة

الله.. هو اللى احنا بنعمله في الناس هيطلع عليما ولا ايه

:)))))