الخميس، أغسطس ٠٩، ٢٠٠٧

أركب فلوكة انا وحبايبي

"الحكومة مش سايبة حد في حاله في أي حته يا باشا"..

هكذا قال صاحب "فرشة الشاي" علي كورنيش شارع البلاجات في الإسماعيلية، بعد قليل من ركوبنا معه "الفلوكة" الخاصة به.

في الإسماعيلية لا تستطيع أن تقاوم رغبتك في أكل المانجو والاستماع إلي السمسمية – التي قاربت علي الانقراض- وكذلك ركوب "الفلوكة"..

علي الكورنيش وجدت شابا أسمرا أكثر من المعتاد لأهل الإسماعيلية، يبيع الشاي وبعض المشروبات الساخنة مستخدما "وابور الجاز" وسور الكورنيش كطاولة.. قلت له أننا نريد أن نركب فلوكة ولا نعرف من أين، كانت الإجابة السريعة أنه يستطيع أن يقوم بهذه المهمة.

بعد الاتفاق السريع علي السعر، أحضر الفلوكة وكنا في الماء، أخبرته أننا نريد أن نعبر من تحت الكوبري، فأخبرنا أنه لا يقدر فـ"الحكومة مبترحمش حد.. ده غير البهدلة".. وانطلق في الحديث عن منع الصيادين من الدخول إلي الشاطئ إلي الحد الذي تسحب فيه رخص بعضهم!

سألته عن اسمه فقال "محمد المظلوم".. وعندما سألته عن المظلوم وهل هو لقب العائلة أم لقب شخصي، قال لي أنه لقب حصل عليه من الأصدقاء والجيران بعد أن حكم عليه في قضية "كيف" لمدة خمس سنوات وكان الجميع يعلم أنه مظلوم.. ومنذ أن خرج من السجن والكل يناديه بالمظلوم حتى أصبح لقبا ملازما له.

هاجر محمد مع والده من ساقية مكي بمحافظة الجيزة إلي الإسماعيلية منذ 30 عاما، واتخذ من الكورنيش بابا للرزق خاصة في الليل.. يقول المظلوم أن فرشة الشاي لم تكن هكذا.. كانت أكبر وأنظف مما ساعده علي "تربية زبون" .. فبعض المصطافين يأتون إليه بمجرد وصلهم إلي الإسماعيلية.. لكن الآن "الحال لا يسر عدو ولا حبيب".

محمد يعمل علي نصبة الشاي نهارا، ويؤجر الفلوكة وقت المغربية ويصطاد بها ليلا..

عن زبائنه يخبرنا أن بعضهم خاصة من الشباب يأتون إليه ويؤجرون الفلوكة ويجدفون في المياه "علشان يتكيفوا" – يشربوا مخدرات – بعيدا عن الشاطئ وأعين الأمن، ثم يعودون ليكملوا الليلة مع أصدقاءهم حتى الصباح علي الكورنيش، أما "الكيف" فيأتي من مكان في نهاية طريق البلاجات وقبل طريق القناة، لكنه يقول أنه لا ينصح غريبا بأن يدخل هناك وحده "علشان المنطقة خطرة".

وهناك أيضا العشاق وهم يفضلون إما أن يؤجروا الفلوكة وحدهم ومن لا يجيد منهم التجديف يكتفي باصطحاب أحد الصغار من أولاد المراكبية حتى ينعموا بالهدوء "وعلشان يبقوا براحتهم".

ويستمر قائلا أن من زبائنه "شاب جنتل من مصر بس شغال في شرم الشيخ ومتجوز واحدة من بره.. كل ما ييجي إسماعيلية يعدي عليا ويأجر فلوكة وياخدها معاه".

وعندها قطع حديثنا وصولنا إلي الشاطئ بعد انتهاء الوقت.. أسلم عليه وأعدا بزيارته مرة أخرى، فيقول بكل ثقة "ان شاء الله لما تيجي المرة اللي جاية هتشوف الفرش بتاعي علي أصوله".

هناك ١٣ تعليقًا:

أحمد الدريني يقول...

لماذا لا تخلو احاديثك من سيرة الكيف والحشيش والمخدرات؟
كل ماتروح مكان تدعبس عليه ويدعبس عليك..
انت عفريييييييييييييييت

محمد السيد..مش حاسكت يقول...
أزال أحد مشرفي المدونة هذا التعليق.
محمد السيد..مش حاسكت يقول...

أول حاجة ....

"الاتفاق السريع علي السعر "....
لا يا شيخ ...

إيه الرقة دي ....
اسمها بعد الفصال والشد والجذب وتعملوا نفسكم ماشيين والحاجات دي ...
ماشي ..؟

عشان إحنا بنعمل الحركات دي كتير علي البحر هنا ....

بلاش الكمات دي ... ماشي ؟؟

بس استني صحيح ؟؟؟

احنا عندنا هنا عملت مرة واحدة اللي بتقول عليه مع صحابي ... نص الناس تعبت وداخت ورجعت وكانت قصة وحدوتة ... ومكملناش اللفة .. وكنا فرجة ......

يا خوفي لو يكون ده اللي حصل بس انت بتخبي ...؟

وصباح الكيف يا ريس ...

FadFadA يقول...

أحمد
الحمد لله , من الواضح انك مبسوط في الاسماعيلية
يعني خاب ظنك ,وما حصلش اللي كنت خايف منه
ربنا يتمها على خير
ارجع بسرعة لينا لحسن النور قل وزاد في الاسماعيلية
:)
ربنا يوفقك
محمد

Mony The Angel يقول...

7amdel 3alsalama ya a7mad :)
hope u have enjoyed ur time there :)

تــسنيـم يقول...

المهم.. حمد الله على سلامتك


:)

الحلم العربي يقول...

حمدا لله على سلامتك أولا
ثانيا :ياما فيكي يا مصر مظالييييييييييم

ثالثا : ايه حكاية الكيف معاك صحيح ؟؟؟و بعدين انت كنت ناوي تروح نهاية طريق البلاجات و لا اييه ؟؟؟
هههههههههه
تحياتي

dead man يقول...

بو دريني

يحدث هذا أحيانا أحيانا لأنى من القاع وعن القاع أبحث.. ربما لو اكتفيت بالجلوس في قاعات الملتقي المكيفة والتزمت غرفتي الفندقية ما كان حدث
--------------------------

محمد السيد
أولا يا سيدي ما فصلناش ولا عملنا اى حاجة.. وربنا يبارك في البوكيت مونالي بتاعي الشركة .. ده غير ان اللي دفع باسل مش انا
:))
ثانيا متخافش علي أخوك .. مانت جيت وشوفتني في المراكب علي النيل عامل ازاى
:)
---------------------------

fadfada
صديقي محمد
انا في القاهرة بالفعل .. وانا مش عارف اللى كنت خايف منه حصل ولا لأ .. ممكن يكون حصل وانا عملت نفسي عبيط ومشفتوش او مسمعتوش او مقريتش عنه.. فالقاهرة تطارد ساكنيها يا عزيزي خارج الديار
وربنا يخليك علي الكلام الجميل وطمني عليك
------------------------------
mony the angel
Alah yeslemek yagamel

i did
:)
---------------------
تسنيم
الله يسلمك

:)
-----------------------
الحلم العربي
الله يسلمك
والمظاليم في مصر أكثر من الهم علي القلب

وبالنسبة لموضوع الكيف ده باه منتشر انتشار محدش يتخيله .. وهقولك اللي قلته لدريني .. كنت فضلت في المؤتمر مكنتش شفت ولا سمعت .. بس تقولي ايه باه ..

دور علي الناس في قلوب الناس هتلاقي الخير والخير في الناس

وعلي فكرة انا كنت بعدي في الطريق ده كل يوم وانا راجع القرية
:))))

DARK يقول...

حمد الله على السلامة
المهم تكون انبسطت
وياما فى مظاليم ربنا معاهم
انا حبيت أسلم

Halawa يقول...

صباحه فل
ده العادي ياباشا
ماتستغربش
بس كلامك عن الاسماعيلية
فكرتني بذكرايات جميلة فيها
قلت امسي
أول مرة مش الأخيرة


سلاااااااام

altwati يقول...

تدوينة جميلة
ذكرتي بصاحب مقهى في موقف الباص
بالإسماعيلية
خلف باص القاهرة مباشرة
كلما مررت من هناك جلست عنده
رجل رقيق جدا يعاملي بود كما لو كنت أخاه الأصغر
تحياتي

smraa alnil يقول...

مين فيكم اللي كيف مين
شكلك اتكيفت هناك
ربنا يسعدك بقي

المهم جبتلي ايه من اسماعلية

dead man يقول...

DARK
الحمد لله الانبساط كان موجود
وربنا يعين كل مظلوم، وربنا يسلمك يا جميل
--------------
Halawa
نرحب بيك في مقابرنا المحدودة ونتمنى انها متكونش الأخيرة .. في انتظارك تاني

------------
altwati

يبدو أن الطيبة سمة غالبة في بعض الأماكن.. أذكر مثلا اننا كنا في أسوان وكان البعض يعاملنا علي أساس أننا ضيوفهم أو أقاربهم..

نرحب بيك في مقابرنا ومتنسانساش
:)
------------
smraa alnil

والله يا بنتي ولا شميت ريحته حتى .. بس الحمد لله كانوا يومين حلوين

وجبتلك اللى أنتي تأمري بيه.. شوفي انتي عايزة ايه
:)