الأحد، أغسطس ١٢، ٢٠٠٧

صباح برائحة الياسمين

في البداية كنت أنوي أن استكمل كتابة عن أشياء حدثت في الإسماعيلية ولكن القدر كان يخبيء ترتيبات اخرى لهذا الصباح.. ترتيبات جديدة علي الكآبة التي تعلو هامتي وتتبعني أينما ذهبت .. فاليوم منحني القدر صباحا سعيدا علي غير المتوقع

أصحو من النوم فزعا بعد غفوة صغيرة لا أدري كم مر من الوقت كنت مستيقظا قبلها، يوم.. شهر سنة ألف عام.. ربما ألفين.. تبدو أختي قريبة مني لكى تطمأنني بعد الفزعة التقليدية كلما أصحوت من النوم- هل يكون هذا السبب في عدم نومي- وعلي الرغم من هذا أبدو نشطا علي غير العادة.. فبرغم كل شيء فإن نهارا من العمل في أول الأسبوع يبدو شيئا جيدا بعد قضاء يومين كاملين في نفس الغرفة منعدمة الإضاءة المغيمة بدخان السجائر.

تقف بجانبي حتي ألملم حاجياتي في حقيبة اللابتوب، تناولني كريم الشعر وزجاجة العطر قبل أن أنسى وأنزل "منعكش".. أسالها عن مكان موبايلي الجديد – الذي اشترته لي- فتعطيني إياه، اسألها عن مكان السماعة فتعطيني إياها، اتأكد من وجود كل شيء في مكانه السجائر والولاعة أولوية قصوى.. النقود.. المحفظة.. يبدو كل شيء موجودا ولكني أحمل دائما ذلك الشعور بأني نسيت شيئا لآني دائم النسيان.

انزل إلي الشارع في طريقي إلي العمل، اشغل الراديو – لأني نسيت الام بي ثري عند أحد الأصدقاء- الموجود في الموبايل علي محطة نجوم اف ام التي لم أستمع إليها منذ كثير، يبدو الجو لطيفا اليوم في الثامنة صباحا، يبدء البرنامج الصباحي بدعاء من الشيخ الشعراوي الذي أفتقد صوته منذ فترة طويلة - ربما منذ ملايين السنين- وأخر بصوت هشام عباس، يبدو الصباح أجمل يغريني باشعال سيجارة علي الرغم من الوعد الذي قطعته علي نفسي بالأمس بعدم شرب سيجارة علي الريق عندما أكتشفت أني لا صدري لم يعد قادرا علي انهاء السيجارة إلي أخرها ، وانه لم يعد قادرا سوى علي تدخين أربعين سيجارة يوميا .. وان رفع ذراعي الأيمن يسبب لى آلاما في صدري.

ارمي كل هذا وراء ظهري وأشعل السيجارة فالصباح أجمل من هذا بكثير ، أتجه إلي المترو مستمتعا بالخلفية الصوتية في أذني عن الحالة المرورية والطقس اليوم، أقف في الطابور لأقطع تذكرة، ولأول مرة أتسامح مع هذا الذي يقطع التذكرة من خارج الطابور فالصباح يزداد جمالا، أدلف إلي العربة متجاهلا الكرسي المقابل لتلك الجميلة المستعدة لإعطائك ساعة من الجمال بالنظر إلي جمالها، فالصباح رائع بالفعل ولندخرها ليوم أخر-.

يزداد رونق الصباح جمالا مع انسياب أغنية "كان في فراشة منقطة" إلي أذني، أضع الحقيبة علي ساقي صانعا منها منضدة بدائية وأخرج منها "الحب في المنفي" لبهاء طاهر والقلم وورقة ممارسا هوايتي في كتابة الجمل التي تلمسني أكثر من غيرها في الرواية في محاولة للتغلب علي ذاكرتي الضعيفة، وعلي الرغم من أني أعرف أن مصير هذه الورقة سيكون النسيان في مكان إلا أني اتجاهل هذا.. الصباح جميل حقا..

أستكمل قراءتي مستمتعا بكل حرف في الرواية، متجاهلا نظرات الاستعجاب المصحوبة بهمهمات من حولي عن شباب اليومين دول اللي مبيشيلش السماعة من ودنه وكمان رايق علي الصبح وشكله بيذاكر، بينما تنساب الألحان في أذني بدون تمييز للكلمات حتى أصل إلي محطتي.

مع خروجي ترتطم بأنفي رائحة الخبز الطازج من كيس بلاستيكي يحمله أحد المجندين فثير في نفسي رغبة في الإفطار تتلاشى مع تلاشي الرائحة بابتعاد المجند، أشعل سيجارة مستمعا لنفس المحطة تدوي أغنية "قد الحب بحبك" في أذني مع وصولي لمكان العمل فاتلكأ في الصعود متعللا بإنهاء السيجارة خوفا من انقطاع الإرسال في المصعد.

أدفع باب الشركة ليفاجئني عم أباصيري في المدخل بضحكته الجميلة قائلا "خير وشك بيضحك النهاردة"، أسلم عليه ثم أدلف إلي البوفيه من اجل زجاجة الماء، يصر عم صابر علي إعداد مج النسكافيه بدلا من القهوة منذ أن لاحظ انى توقفت عن الإفطار مع وعد بالقهوة بعد الانتهاء من النسكافيه والسيجارة.

أجلس إلي مكتبي أشعل عودا من البخور برائحة الياسمين، مشغلا فيروز مستمعا لبنت الشلبية واكتب عن هذا الصباح مستنشقا رائحة الياسمين.. فالصباح كان أجمل ما يكون.

هناك ٣٠ تعليقًا:

محمد السيد..مش حاسكت يقول...

إيه ياعم الجمال ده ....؟؟؟


والله العظيم من كلامك ...حسيت بحاجة حلوة كد مش عارف هي إيه؟؟

بس في روح حلوة .... شكله بجد صباح حلو ياعم ..

ده حتي أنا لغاية دلوقتي منمتش من بالليل ورغم كده فايق وكويس وكل حاجة ......

سيبك انت .....
كفاية قعدتك معايا .. أناعارف .. الكلام معايا بالدنيا ومافيها ..ربنا يخليني ليك يارب ....

Amyra يقول...

جميييل

جعلتنا نتتبع خطواتك

صباح الخير

ام مليكة يقول...

ايه ده ده مش انت ده قرينك يا زواوي خير اللهم اجعله خير ربنا يجعل كل ايامك ولياليك ياسمين وريحان وورد وحب

شيرين يقول...

رائع قوي يا هواري.. بجد فرحتني جدا.. كأن كل البهجة اللي حسيت بيها اتنقلتلي أول ما قريت كلامك.. عارف اليوم ده كان ناقصه ايه.. انك تقابل خالتك شيرين وتاخدولكو اتنين قهوة في رويال بيكري
:)
ربنا يسعدك دايما يا هواري.. يااااا رب

غير معرف يقول...

أحمد
يارب تفضل مبسوط كدة علي طول انا مش واخدة عليك وانت مبسوط وفرحان كدة علي طوووووووووووول مش هعلق بأسمي علشان النجمات مينفعش يظهروا في الاضواء

dead man يقول...

مش هيسكت

والله يا عم محمد حاجة غريبة ، الحمد لله الصباح زي الفل وحتى ما بعد الظهيرة وكله تمام..

وبعدين يا بني القعدة معاك مالهاش حل وحتى لو كانت علي الشبكة العنكبوتية

عايزينها تبقى علي الواقع بأه يابني

---------------------
nada

ربنا يخليك يا جميل

صباحك سكر
---------------------
بنت أمها الغالية
انا أو قريني مش مهم .. المهم أني مبسوط ومتمسك باليوم ده جدا وانه يكون يوم حلو

دعواتك
----------------
شيرين

كده قعدتي تقولي قهوة قهوة وفي الأخر تشربي شاي.. أينعم هو ديلما بس في الأخر شاي.. المرة الجاية قهوة
:)
---------------------

الأستاذة النجمة

والله حضرتك متعرفيش فرحتنا أد ايه في اول تعليق ليكي في عالم البلوجات.. لو الحوار كده نفضل مبسوطين
علطوووووووووول
:)
-------------------

Mony The Angel يقول...

woooooooow bgad :D
7elw awe ya a7mad almood da
msh 3arfa leeh kont mabsoota awe wana banzel satr ab3d satr :)
rabena yes3edak kda daiman :)
aiwa kda balash almood alak2eeb ally kont feeh
farfesh kda wetbeset :)
hope the next pot'll be the same kda :)

Regards (F)

مُصْعَب إِبْرَاهِيم يقول...

أنا قريت التدوينة حوالي الساعة 8 وعشرة، يعني بعد المغرب..

بس فجأة حسيت الشمس بتطلع تاني وجعت من ريحة العيش

صباحك فل يا حبيبي

تــسنيـم يقول...

أولا ارحم قلبك المسكين من عادم السجائر الذي يتراكم على قلبك سيجارة تلو الأخرى حتى أصبح في سمك القشرة الأرضية



ثانيا: صباحك سكر وما أجمل الدنيا حين تمنحنا على حين غفلة صباحا جميلا

غير معرف يقول...

الله
حلو اوى
ايه يابنى
عارف انا حسيت ف البوست بالحاجة اللى بيقولو عليها حلاوة روح

ع فكرة
انهاردة وانا برا شوفت تليفزيون كان شغال عليه اغنية كان فى فراشة منقطة بس صاحبتى كانت هيجيلها انهيار عصبى لما قلتلها استنى اتفرج عليها
وقعدت اغنيها مع نفسى
اه والله

يااااااااااااه
حتى عم اباصيرى اخد باله انك فرحان

ربنا يديمها عليك يا رب
:)))))))))

انا
rana 3amra

. يقول...

بليييييييييييز بلييييييييييز حد يقولي امز راحت فييييييييين
امز يا جماعة صاحبةمدونة withoutmasks
هيا فين مبتدونش ليه انا عاريزة افهم راحت فييييييييين
لو حد يعرفها يقولها بنسأل عليها تحياتي

دوللي يقول...

يا رب يكون صباحك كل يوم بالياسمين
وبجد انا فرحانه لان صباحك كان جميل
يا رب دايما

قضية عم أحمد Ahmed Case يقول...

رائع رائع رائع

ايه ده يا أجمل ما شاء الله انا حسيت بالسعادة وانا بقرأ تدوينتك .

بجد لما الواحد يقرر يكون سعيد رغم اي حاجه شئ رائع

dead man يقول...
أزال المؤلف هذا التعليق.
dead man يقول...

mony the ANGEL

ربنا يخليكي يا جميل ، انا كمان كنت مبسوط وانا بكتب كل كلمة فيه
:)
وربنا يسعدنا كلنا ، اما عن المود الكئيب فأكيد في يوم من الأيام هننفصل أنا وهو .. يغيب هو ... أو أغيب أنا

والبوست القادم في علم الغيب .. دعيه يأتي كما يشاء

(F)
---------------------
مصاعيبوز

أتمني يا سيدي ان العشوة بتاعت امبارح تكوت نزعت من أنفك رائحة العيش الحاف
:)

والشمس تشرق من أجلك اذا أردت بعد الغروب.. فقط تمنى أنت عليها

------------
تسـنيم

أولا يبدو أن بيني وبين قلبي تعهدا بألا يريح أحدنا الأخر، وأحيانا تبدو القشرة الأرضية أخف ما يكون اذا ماكان البديل هو ثقل الكرة الأرضية كلها .. أسطورة سيزيفية

ثانيا.. يبدو الصباح الذي يمنحنا إياه القدر أجمل من أي صباح أخر.. فهو يأتي مخففا للمساء.. ذلك الليل الذي لا يرحم

صباحك حليب
:)
--------------
rana 3emara

تأتي حلاوة الروح دائما قبل ذلك الشهيق الذي لا يتبعه زفير..

وعن تلك الأغنية فهذا هو الطفل الذي بداخل كل منا .. يأتي علي حين غفلة يغمرنا بالحلوى وينصرف تاركا ايانا في لحظة الانتظار.. فنحن قوم نحترف الانتظار

وعم أباصيري ده حبيبي ، هو وعم صابر .. وشكر خاص للبوفيه وكل العاملين فيه
:)
---------------
sad_doraa
اخر حاجة سمعتها عنها أنها نزلت مصر من أكثر من حوالي شهرين ومن ساعتها مفيش لا حس ولا خبر

ممكن تشوفي لو في أخبار عنها في الفيس بوك

لو وصلتي لحاجة بلغينا
------------------
بنوتة بتكتب خواطرها
ربنا يخليكي يا رب ويجعل صباحك زيه

ومتنسيش أنك كنتي جزء من الصباح ده بس متكتبتش
--------------------
احمد رفعت

حبيب قلبي .. يهمنا يا باشا سعادة معاليك
:)
بالظبط .. أهم حاجة انك تقرر انك تكون سعيد حتى ولو ليوم واحد

غير معرف يقول...

:((

DARK يقول...

جميله أوى
فالصباح كان أجمل ما يكون
حسيت بالحريه فى الجولة دى

غير معرف يقول...

what a wonderful world :))

you made me enjoy my day!

in fact, you MADE my day...!

dead man يقول...

قلوب حائرة يقول

وصلتني اشاراتك كوجه حزين.. لاأدري أنت بعثتها هكذا أم انه خطأ..

فهذا كان يوما ليس كباقي أيامي الحزينة

------------
DARK

ربنا يخليكي.. ولو عايزة تحسي بالحرية أكثر .. اسمعى اغنية حرية لمحمد منير

---------------

Epitaph
iam very happy to hear that i made a good day for some one,

it was my yesterday . and its ur day .. and that is life

:)

u visit the the grave in a good post and its not usual
:)

hope it wont be the last visit

حلم الحرية يقول...

بوست رااااااااااااائع

اقرأ موضوعك واشعر بعدها
برائحة الياسمين تتسلل الي انفي

وبطعم الخبز الساخن لا رائحته فقط تتسلل الي جوفي

وبمزيج من التفاؤل والانطلاق والسعادة انتقل من بين كلماتك وتسلل الي روحي


ربنا يديم عليك التفاؤل دائما وابدا ...ويبعد عنك المود الكئيب والسجاير اللي هيجرالك بسببها حاجة


تحياتي ودعواتي باستمرار جو التفاؤل في مدونتك وفي حياتك

yasmina يقول...

بوست اكثر من رائع
ومشاعر جميلة جدا مع استنشاق رائحة الياسمين والاحساس برائحة القهوة والنسكافيه

يا رب دايما صباحك عسل وفل وياسمين


مدونة جميلة واقبلني زائرة دائمة

O S A M A يقول...

حلوووو الكلام دا فعلا خلتنى احس احساس حلو انى فرحان معرفش ليه

احساس كده محتستوش يمكن من سنه سنيتن الف مليون سنه..هههههههههه

كلامك حلوووو

دى اول مره ليا عندك بس مش الاخيره


سلامى لك

vision يقول...

محاولة لتغيير الجو جامده وحلوه منك...هعمل كده انا كمان منا فاضيه ومدام الحكايه فيها بنت شلبيه...يبأه لاازم هعمل زييك....ديما كده بعد الكأبه...مش تعزمنى من الصبح ولا تدينى كلكس؟

Lens Geek يقول...

انا من كتر سلاسة و حلاوة الكلام و التعبيرات كنت حاسس ان انا بسمع احدى مقطوعات بتهوفن بس مش فاكر اسمها

ايه يابني ده

ده انته تلعط هواري بصحيح

dead man يقول...

حلم الحرية

من الواضح أن رائحة الخبز حاجة حلوة
:)
أنا فاكر وأنا صغير لما كنت بروح اجيب العيش كانت ريحته وهو سخن بتغريني أني أكله حاف.. علشان كده كنت بروح بالعيش ناقص
:)
وبعدين لو أنا سيبت السجاير مين يبقالى غيرها
:)
ربنا يكرمك
------------------

yasmina

الاول نرحب بيكي في مقابرنا المحدودة بعد كده الشاي والقهوة والنسكافيه دول حالة عشق

وزيارتك تشرفنا بجد
-------------
osama

هو كده في شوية احاسيس تحس انك محستهاش من حوالي مليون سنة.. بتشتاقلها زيادة

أهلا بيك في مقابرنا المتواضعة وان شاء الله متبقاش اخر مرة


------------------
camera_girl

خلاص يا جميل بعد كده أول ما الاقي حاجة فيها انبساط واكتب عنها هقلب الدنيل وكلاكسات وتيييييييييييييت وقلق ..
:))
بس مش عارف كده ممكن متجيش هنا إلا قليل أوي .. وده في حد ذاته تفاؤل أن الحالة دى تتكرر
-------------------
Cerebrosus world

بيت هوفن مرة واحدة .. كده برده .. طيب لو انا صدقت.. مين تاني يصدق
:)

وبعدين خد هنا .. مالهم الهوارية

Oma يقول...

yaslaaam..gatli 7alet ent3aash
sba7 el fol begd
enta bs kan mzagk raye2
kol el7gat di mmkn tkon b7tsl kol youm lkn enta msh bta5od balk
kowayes enk shayef el saba7 raye2 kda :)
raw2 enta bas w htla2i kol youm amor keda

dead man يقول...

oma

صباح الياسمين :)

اكيد الحاجات دي بتحصل كثير حتى لو مبتحصلش كل يوم..

وعن هذا الصباح .. فلم ارى مثله من قبل.. ولا أعتقد أنى سأراه من بعد..

الا ما رحم ربي من لحظات

سوكــا يقول...

الله بجد الله عليك .. ايوة كده ... تعرف يوم ما كتبت البوست ده الصبح صحيت لقيت محمد بيكلمك عالنت اللي جذبني وخلاني اسأله هو بيكلم مين هو النيك نيم .. كنت كاتب في الغالب صباح برائحة الياسمين وقعدت سرحت مع الكلمة وانا باعمل الشاي بلبن بتاعي
دلوقتي لما قريت البوست سرحت برضه في جمال ريحة الياسمين وجمال الصباح بهذه الرائحة
وعملت سيرش علي اغنية كان في فراشة منقطة
ومن رائحة الخبز الطازج عايزة اكل
لا البوست ده ليه تاثير عظييييييم


سيبك اهم حاجة ربنا يخلي اختك ليك
((:

dead man يقول...

سوسكا

الله أنتى بتراقبي الولد علي النت ولا ايه..

هو انتى واللي ميتسموش وراه ولا ايه
:))
لتطلعي في الاخر مزقزقة عليه ومش اخته ولا حاجة
:)))
وربنا يخليكي لأخوكي ويخليه ليكو

Hadota ... حدوتة يقول...

تحفة بجد
وبعدين مبروك الموبايل ابو راديو
انا كمان جبت موبايل جديد
فيه رايو
وكانيرا كمان
وبعمل زيك تماما
اصحى اخد حاجتى
واسمع الرايو او الام بى ثرى اللى فى الموبايل
واركب المترو
واروح السنتر
واشرب نسكافيه

ياصباح الجمال
صباح الفل
تحياتى
:)