السبت، سبتمبر 06، 2008

تدوينة أبيحة .. لو ملكش فيها متقراش

في واحدة قالتلي مرة أن الشرمطة أخلاق مش سلوك، بمعني ان ممكن واحدة تكون أخلاقها أخلاق شرموطة بس هى مش شرموطة برخصة.. يعني مبتلطلعش شقق وتاخد فلوس وكده، بس بتتدلع علي البنى ادمين علشان تاخد من كل واحد اللى عايزاه، وممكن تكون واحدة بتطلع شقق وتاخد فلوس بس اخلاقها مش اخلاق شراميط.. واضحة وصريحة بتعمل كده علشان تاخد فلوس ومبتكدبش علي حد..

المثال علي الرغم من انى اندهشت اول لما سمعته بس لقيته صح.. وصح اوي وانك لو اسقطته علي اى حاجة هتلاقيه هو الصح، يعني الحب أخلاق مش سلوك لأن ممكن ناس تمثل الحب بس الحب مش اخلاقها.. الصداقة أخلاق مش سلوك لأن في ناس بتمثل الصداقة بس مش الصداقة مش أخلاقها.. الجدعنة أخلاق مش سلوك.. كل حاجة في الدنيا اخلاق مش سلوك..

لما فكرت في الموضوع من الناحية دى اتصدمت وبدأت اخد بالى من حاجات كتير.. حاجات خلتنى اخد بالى اننا عايشين وسط سلوك مش أخلاق.. كل حاجة بقت سلوك مش اخلاق لدرجة تخنق.. تخنق لدرجة خلت كل اللى انا عايز اعمله انى اقف في وش البشر واقولهم احا.. احا كبيرة وعالية.. وعلشان اعرف اعمل كده لازم ابقى في حتة عالية.. اطلع فوق المقطم مثلا واقول للناس أحااااااااا.. وتبقى أحا عندي نمط حياة واعمل قناة احا الفضائية علشان اوصل للناس كلها ..

لما فكرت في الموضوع لقيتني عايز اقف ادام اى حد بيقول لحد بحبك اقوله احا

اقف ادام اى حد بيقول لحد انا صاحبك اقوله احا

اقف ادام اى حد بيقول لحد انا جدع اقوله احا

اقف ادام اى حد بيقول اى حاجة لآي حد واقوله احا

احااااا

اقف ادامي.. واقولي احااااااا

هناك 25 تعليقًا:

غير معرف يقول...

أحـــا

آية مش هنا يقول...

تصدق ...

يطلع كل ما اعانيه في الفترة المحترمة الاخيرة


محض معاناة

من فجوة بين الاخلاق و السلوك ...

بس بتدفعني للقئ دفعا ...

مش للكلمة الابيحة :)

سوستة يقول...

انا كمااااااااااااان

عايزة اقف قدامي
و اقولها

حزينه يقول...

كلامك على قد ما هو
صريح زيادة عن اللزوم
بس بجد ساعات بتبقى حياتنا
سلوك مش اخلاق
وانا كمان لما بقف قدام المرايه بقول
مين انا.... مش بقول حاجه تانيه

حزينه

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

غير معرف يقول...

أحا ..
أحووووووووووو

No Fear يقول...

أية يا عم مالك كده روق
مفيش حاجة تستاهل
بس علي العموم
أية سفن إية مش لازم التشريد قوي كده
:))
روووووووووووووووق

غير معرف يقول...

مش شرط اللى انت بتقوله ده

زى ما فيه ناس كتير بتمثل .., فيه ناس مبتمثلش ومبتتشرمطش

كون انك بتقبل فى حياتك اللى بيتشرمطو .., او انت بقيت شايف ان كل اللى بتقابلهم بيتشرمطو بيقى العيب فيك مش فى الناس

واحا دى تقولها لنفسك مش لحد تانى

اللى بيشوف السواد فى البنى ادمين قلبه مش طاهر

مش عايز ادوش دماغك بهرتلة من بتاعة نص الكباية الفاضى والمليان والكلام التعبان ده

بس فيه ناس بتبقى واخدة الاكتئاب والسوداوية اسلوب حياة مش نتيجة لواقع هما عايشينه

نظرتهم الاكتئابية للأشياء هى اللى بتصبغها بلون كئيب وتدارى عالجمال لو كان موجود

بيتهيألى انت من الناس دى

كمان انا شايف ان احا دى ضعف مش جرأة

كلمة بتخبى وراها ضعفك من المواجهة

بلاش تعيش الدور الدنيا مش ناقصة

غير معرف يقول...

دى مش قباحه دى وقاحه

غير معرف يقول...

أولا أنا عارفة ان البلوج تتيح لصاحبها كامل الحرية فى ابداء رأيه وده مفدرش اتكلم فيه..لكن احتراما للحرية دى قول يا سيدى اللى انت عايزه لكن باستخدام الفاظ لا تصدم القارىء..أهجبت بافكارك من قبل فى موضوعات عندك فى البلوج و قلت هزورها بعد كدة لكن للاسف اللى قريته انهاردة صدمنى فيك
لك مطلف الحرية فى ابداء رأيك لكن من فضلك انت حر مالم تضر ...
أما العجيب فعلا فهو ان بنات كتير ردت وكأنه شىء عادى جداااا! وعلى ده ..لا تعليق!

we2am يقول...

جميل،لدرجة انى باكتب الكومنت بالعربى :)
عجبتنى جدا فكرة ان الشرمطة أخلاق مش سلوك،زى ماقولتلك دى حاجة دايماً حاسينها بس اللى يصيغها،وكلنا عندنا نماذج لناس تنفع تتحط فى الكتاب تحت نموذج الشخص الناجح،بس من جوه الشرمطة قاتلاه :)
بس السؤال،ازاى هاتقدر تميز بسرعة البنى الآدم اللي كده؟الحاجات دى بتاخد وقت..وعلى ماتعرف انه طلع بنى آدم سلوك مش أخلاق-دى عاتبقى الشتيمة الجديدة بتاعتنا :)- يكون جبر،و ده موضوع يستحق المناقشة.
فكرة قناة أحا الفضائية مش بطالة،و إن كانت بتعبر عن الرفض بقوة،بس فى داخلها يعتمل تناقض،انت رافض المجتمع ده جداً،بس فى نفس الوقت مهتم انك توصله درجة الرفض،و ده في حد ذاته بيقول ان لسه فى شئ جواك مش راضى يموت،لسه ماوصلتش للآخر سلم الإكتئاب،يعنى نلحق نجيبك :)
أحييك على الصراحة اللي ف الكلام،و الأفكار اللي طالعة تنط ف وش الواحد و تهبش من عقله حتة،كمان أحييك على تسمية الأشياء بمسمياتها،هذا هو النوع الذى نفضله جميعاً :)
وبما إنى جيت فنا هافكرك بميعاد الندوة بالمرة الخميس النهاردة الساعة 7 :)

عاقلة علي ارض الجنون يقول...

عشان كده أصحاب الاخلاق بيتعبوا أوي بين أصحاب السلوك

تحياتي لقلمك الجريء

أنا المصرى يقول...

من كتر ما الموضوع ده صح اوى وبجد موجود فى كل حاجه فى الدنيا كلها على كل المستويات مش قادر اقولك غير الكلمه الأبيحه بس بالأسكندرانى
أحيه ........

Dito يقول...

الله يوفقك
هذه مدونة جميله
و سأواكب على قرائتها بإذن الله. تقبل تعليقاتي و تحياتي :)

كنت أرغب عمل تبادل نصي مع هذه المدونة الجميله مع منتداي
http://7ama2i.com/forums/
منتظر ردك على بريدي
dito0o@yahoo.com

شجره الدر يقول...

على الرغ ان ماليش فى المدونات الابيحه بس مش متعودين منك على كدا فقريت
الموضوع منتشر اوى لدرجه القرف على فكره
والحياه اللى احنا عايشينها فعلا كلها اسلوب
واحده اسلوبها احم احم
وواحد اسلوبه احم احم برضه
واحد حرامى واسلوبه ابن ناس
وواحد ابن ناس وتبص له تحس انك عاوز تديله اتنين جنيه ف ايده وتمشى
وعفوا لكل من كتبوا ردودهم من حق اى انسان الاعتراض
سيبوه يعترض هو هيبقى موت وخراب ديار
تحياتى

ابن أم الدنيا يقول...

رأيي الشخصي .. هو ان انت بتحاول ترد على مواقف او مشاكل حصلت معاك بالكلام الغريب ده.. او بتحاول تهرب من حقيقة مرة انت شايفها لوحدك كده .. وزي ماقال غير معرف ان اللي بيشوف السواد في الناس يبقى قلبو مش طاهر..ياسلام لو كل واحد في البلد دي فكر بنفس الطريقة اللي انت بتفكر بيها دي.. يانهار ابيض!! .. بس بجد اللي اندهشت بسببه كمية البنات اللي موافقه على الكلام ده وبتقوله كده عادي جدا.. انا نفسي مقدرش اقوله.. وعلى العموم اذا لم تستحي فاصنع ماشئت. تحية

Tadwina يقول...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/692

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com

محمد العدوي يقول...

برغم ان التدوينة قبيحة زي ما قلت لكن كلامك مظبوط


جدا

غير معرف يقول...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟

و لمزيد من التفاصيل أذهب إلى مجموعة مقالات ثقافة الهزيمة فى هذا الرابط:

www.ouregypt.us

غير معرف يقول...

3andak 7a2 .. a7a ...

NIDAAL .R يقول...

إزاي يعني الكلام ده .. منقراش إزاى
حبيبي أنت يا هواري

بس هقولك حاجة .. هي مش قبيحة علي قد ما هي جريئة او بتنقل اللفظ الى بيتقال في الشارع بالظبط بدون تجميل ولا تزويق ..
يعني الى انت بتقول عليها دي الناس بتسميها عاهرة لكن أنت فضلت انك تقول زي ما الناس بتوصفها ...

عارف يا هواري ... بمناسبة الموضوع الشيق ده .. أحب ادلي لك بتصريح هام
أنى مش بتخنق من الإنسانة الى هي كدة وبتقول أنا كدة ... بس أتخنق من الى تدعي انها خضرة الشريفة وهي خاااربة الدنيا برة
هههههههههههههههه
وعجبي .. هرجعلك تانى

BaTaBeeT يقول...

e7m :D

awalan el blog gamed geddan w fe3lan 3andak 7a2 :D

fi nas beteb2a mo7tarama bas the attitude is zai manta olt.... w fi nas bete3ml keda 3shan el flos bas mn gowa msh keda !!

fr7ty يقول...

بارك الله فيك

موضوع ممتاز

منتديات

http://www.56waat.com/vb

منتدى

http://www.56waat.com

دليل

http://dalil.56waat.com

قران كريم

http://www.56waat.com/quran

قصايد

http://www.56waat.com/hair

منتديات نسائيه

http://www.fr7ty.com/vb

فيديو مقاطع

http://www.fr7ty.com

غير معرف يقول...

انا وقعت فى المدونة دى بالصدفة وعلى الرغم من الكاّبة المدقعة وانا مبحبش الالوان الغامقة بس عجبتنى والمدونة مش ابيحة ولا حاجة الواحد بيسمع الناس وهى بتتخانق فى الشارع بتقول حاجات العن من كدة .على الاقل حضرتك استخدمت اللفظ الصادم ده عشان توصل معنى معين مكانش هيوصل بغيره
احييك بشدة و اتمنى ان تعود للحياة
Engy Ahmed 3abbas

Uouo Uo يقول...


thx

كشف تسربات المياة
غسيل خزانات
شركة نظافة عامة