الخميس، نوفمبر ٣٠، ٢٠٠٦

برج حمام.. هج الحمام منه..

جالس في المكتب ليلا كالعادة أنا ومصعب كل واحد ينظر في شاشته ويعمل.. يأتي صوت محمد منير من لاب توب مصعب يقول "أنا قلبي برج حمام.. هج الحمام منه".. ما أن ينتهي منير منها حتى تتداعي إلي ذاكرتي كل ذكرياتي مع الوحدة.. وحيد كميت قرر ليلا الخروج من قبره الواقع في الصحراء لكي يشعل سيجارة..

الوحدة التي يراها ليست لأنه لا يوجد حوله الكثيرون.. فربما هناك واحة في القرب تتلألأ فيه النيران التي يبحث عنها.. وانما هو نوع من الوحشة نابت من أعماقه لآن لا أحد يقترب.. وان أقترب فهو يعرف أنه ميت.. لا يحق له الحديث مع الأحياء.. يسير ليلا ليقترب من النيران التي تخبو بعد أن نام من أوقدها.. يشعل السيجارة.. وينظر بكل السرور.. والشجن إلي الأحبة النائمين..

أقرب موقف تداعي إلي ذهني عن وحدتي.. كان ما حدث في ذلك الأربعاء.. تقريبا منتصف الشهر الجاري.. yasso زميلتنا في الشغل سوف تسافر بعدها بيومين إلى الولايات المتحدة.. والزملاء قرروا أن يكون مساء اليوم مخصصا لها.. توجهنا إلي costa caffe عباس العقاد.. بقدر ما كانت فرحتي برؤيتها وباللمة الحلوة. بقدر ما جاءت
تلك اللحظة..

الموجود في الصورة أمامك هو مصعب في أول ظهور رسمي له في المدونة.. وكل ما يمكن أن تروه من هما الذراعين من خلفه معقودين حول رأسي.. وحتى نهاية اليوم لن تروني هناك مرة أخرى..




قد تتخيل أني قد انتقلت إلى ما خلف أحد الزملاء الاخرين.. ولكن الحقيقة هي أني هناك




فبعد الاحساس بالوحدة وسط كل هؤلاء لا يسعك إلا أن تنتقل إلي مائدة أخرى.. تجلس وحيدا متعللا بسيجارة الرجل الذي خرج من قبره.. تشعل السيجارة تلو الأخرى حتى لا يسألك أحد الجالسين لماذا ما زلت تجلس بعيدا بعد انتهاء السيجارة.. تنظر إلي أخر سيجارة في العلبة.. تشعلها بينما تنظر بكل السرور.. والشجن.. إلي الأحبة الجالسين..



هناك ٢٣ تعليقًا:

We2am يقول...

lka2nak traqbhom mn elsma2 elsab3a!!!
feh 7d yekteb 3an elmoot..fa yewheb el7ya..w yede aml fel 27san..w 7ad yektb 3an el moot fa ymoot..enta shaif enk mn ane noo3?
e7tram elsegara dah esh6a fe3lan..
mnk llah :'(

karakib يقول...

ربما ستجمعنا الأيام مره أخري ... و لكن ستكون الانفعالات مصطنعه فلن تكون أنت و لن أكون أنا ... سنكون شخوص غريبة عنا و عن شقتي الصغيرة المتربة في مدينتك أو غرفتي القريبة من قلبي في مدينتي
سيجمعنا هذا المقهى القذر سنجلس لنستعرض معا ذكرياتنا و نضحك و اسلم عليك و تذهب و ادفع أنا الحساب كما كنت افعل دائما
ادفع الحساب من الأيام و من سعادتي راضيا قانعا انك وقتها ستكون كما أردت
و امضي أنا في دروبي صامتا بوجهي المنزوع ألابتسامه لاسب و العن اليوم الذي ولدت فيه صداقتنا التي ستمتعني ذكراها و تؤلمني انها انتهت
انها تلك الحياة البغيضة التي جئنا فيها دون ارادتنا لنتعذب و نقمع و نري القليل من أهوالها ثم نذهب منها
أيضا دون ارادتنا


هاني جورج

ام مليكة يقول...

ايه يابرنز ؟
مالك ياعمنا؟
انت محسود على فكرة بقالك كم تدوينة كده مش عاجبني قول للحاجة ترقيك وتعمل لك عروسة ورق وتخرمها بالابرة وتلف عليك سبع لفات
لا بجد مالك يا بني مش انت شبه اخويا الكبير بس بلاش على طول كده تبقى حزين وجرب تكبر دماغك خالص هتلاقي العيشة فل الفل
اصل يا ابو حميد العادي بتاع الدنيا انها تبقى كده فطنشها تجيلك لحد عندك

dead man يقول...

we2am
ana mesh 3aref ana men fehoum... momken akoun wa7ed bekteb 3ashan ye3esh>>
----------
كراكيب هاني جورج
علي رأيك انها تلك الحياة البغيصة التي جئنا اليها دون ارادتنا

خطوة عزيزة يا باشا .. وياريت تكررها..
-----------
بنت بلد
رينا يخليكي
ملعون أبو الدنيااااا

nour يقول...

احمد
الاغنية و الصور و السيجارة..كل الجو ده خلانى ابقى موجوده فى نفس الكافيه ده بروحى..و اتابعك و انت بتقوم و تروح تقعد لوحدك..تعبيرات الوجه هى اللى انا كنت براقبها بس مكانش فى اى تعبير..
هذه الوحدة
هذه الوحدة
هذه الوحدة
...بتوجع

كراكيب نـهـى مـحمود يقول...

عن الوحدة تحدث كما يحلو لك
لكن بجد لا تدعها تهزمك
تعرف القصة في ايه
كميا البشر في بشر بيعرفوا يدوبوا الوحدة ووجودهم الصاخب يشعرنا بضوضاء الحياة تحياتي بوست اكثر من رائع

انحلت سيور العربه وسقط المهر من الاعياء يقول...

صورتنا كلنا تلك الصوره
الوحده التى فتكت با عصا بنا مع امتلاء الغرف بالبشرين الاغتر اب الذاتى
مشكلتى الاسا سيه وكا نى كا تب البوست
مت اشعر با نى مش وحيد
سعيد
مش عا رف
تحيا تى

frozen love يقول...

اوحش وحدة...اللي وسك الناس...انا كنت كده لفترة..اتمنى انك مطولش..لاحسن دي وحشة قوي...قوي...قوييييييي

dead man يقول...

nour
بتوجع أوي أوي أوي أوي
---------
كراكيب
بحاول علي قدر مقدر وخايف مقدرش
---------
الجحيم هو الحقيقة
مش محتاج ترحيب طبعا.. انتا أفرب واحد للقبر
:)
وكأنك كاتب البوست
--------
frozen love
الحمد لله انك مبقتش كده واتمني انك متبقاش كده تاني علشان زي مانتا قلت دى وحشة أوي أوي أوي أوييييييي

محمد السيد..مش حاسكت يقول...

إيه ياعم ؟؟؟

طيب رد الرنة عليا حتي .... ولا خلاص الدنيا للدرجة دي ؟؟؟


تعالي معايا الخميس الجاي يالا ... ادي أول الشهر جه خلاص ( مش لازم يوم عشرة يعني )

Muhammad Aladdin يقول...

شكرا علي الكلام الجميل في الكومنت اللي سبته عندي يا استاذ، و الاهم شكرا علي كتابتك هنا
:)

emz يقول...

يا رب تفك من الحالة دى قريب .. انا كنت فيها .. ولا ادعى انى خرجت منها تماما .. لكن اضافة الى احساسى بانى وحيده مع ان جنبى ناس كتير بقيت وحيده بجد لما سبت مصر فالاحساس تضاعف .. ربنا معاك .. و معايا و مع كل اللى حاسين بالوحده لانه احساس مر

nour يقول...

انا خلاص بقيت مدمنة البلوج ده مستنية كتاباتك بفارغ الصبر

مُصْعَب إِبْرَاهِيم يقول...

ماشي يا عم آدينا بنعلقوووو على البلوج..

معلش يا كابتن، انت عارف لما أنت كتبت التعليق ده كنت انا بأظبط التمبليت فكنت داخل بألكاونت بتاعك وما عملتش sign out ساعتها و مشينا لو فاكر اليوم ده ؟:)


"وحيد كميت قرر ليلا الخروج من قبره الواقع في الصحراء لكي يشعل سيجارة.." فخور إني أول حد يسمع منك التعبير العجيب الغريب الرهيب ده :)

وفرحان أكتر إني شفت الحالة اللي بتخليك بتبدع كده

واليوم ده كان حلو وصعب
حلو لان كان بقالنا كتيييييييييير ما شفناش ياسو
وصعب لأنها مسافرة :(

ورغم إني ما بأدخنش إلا إني هأستعير منك :
"فبعد الاحساس بالوحدة وسط كل هؤلاء لا يسعك إلا أن تنتقل إلي مائدة أخرى.. تجلس وحيدا متعللا بسيجارة الرجل الذي خرج من قبره.. تشعل السيجارة تلو الأخرى حتى لا يسألك أحد الجالسين لماذا ما زلت تجلس بعيدا بعد انتهاء السيجارة.. تنظر إلي أخر سيجارة في العلبة.. تشعلها بينما تنظر بكل السرور.. والشجن.. إلي الأحبة الجالسين.."

اميرة هشام يقول...

dead man
اسم حلو بجد بس لاحظ ان انت اللي اختارته لنفسك مش حد تاني
ياتري هتقدر بقي علي الاسم ده

dead man يقول...

محمد السيد
هانت يا حاج كلها ساعات ونبقى عندك في اسكندرية
--------------

محمد باشا علاء
مش عارف أقول ايه..
زبارة كريمة ويا ريت تكررها
-----------

بنت عادية جدا
قد تكوني عادية جدا ولكن كلماتك ليست كذلك.. ان شاء الله تخرجي من الحالة دي تماما..

زيارتك شرفتنا يا أفندم ان شاء الله نشوفك هنا تاني
------------------

nour
ربنا يخليكي، انتى متعرفيش كلمتك دي اثرت فيا أد ايه وخلتني اتراجع عن قرار كنت هاخده

وبعدين بلاش ادمان لحسن كمان يومين الاقيكي واقفك تحت الشباك بتفركي دراعك وعايزة الجرعة :)

ربنا يكرمك علي الكلمتين الحلوين
------------
الرفيق الجنرال مصعبوف

يا كوتش تواضعك اخجلنا ونتمنى انك متشربش سجاير خالص
----------------
أميرة هشام

أتمنى اني مقدرش عليه وانه هو اللي يقدر عليا ويهزمني علشان اشوف حاجة غيره

خطوة عزيزة ونتمنى تكرريها

اميرة هشام يقول...

ياريت لاهو يقدر عليك ولا انت تقدر عليه وتتجنبه خالص وتشيله من حياتك وتختار اسم تاني
احلي

شكرا يفندم علي ترحيبك
واكيد هكرر الزيارة

واحد يقول...

ياعيني عليك ياهواريش ياتقيل وانت مستكنيس وضارب الدنيا صرمة ومولع سجارة وسايبها والعة

غير معرف يقول...

لحظة الفراق صعبة ومرتبطه بالدموع دائما لدي :) ولكن ما يجعلنا نستمر بالحياة اننا ندرك ان ما بعد الحزن فرح!! لتملأ قلبك فرحاً ولو مصطنع لان ما سوف يأتي فرح فليس من المنطق ان تستقبل الفرح وانت مكشر ;)
كلامك رجعني سنييييييين لوراء وفكرني بما ما مضى بس عادي اهي دنيا مش بايدينا وزي ما قلتلك افرح ده الفرح بعد الحزن :)

Hapy يقول...

الحجيم هم الآخرون
ووقت ماتحتاجهم مش موجودين
ولو موجودين يبقى بمقابل
جايز ماتقدرش تدفعه

Hapy يقول...

ممكن اضيفك لمفضلتي؟

dead man يقول...

أمير هشام

العفو يا أستاذة
-------------
بو ندا

ولعها ولعها.. شعللها شعللها
--------------
3asfe
للأسف في ناس عندها بعد الحزن.. حزن

-----------
hapy
زيارتك شرفتنا يا باشا وكل طلباتك مجابة
:)

Amira Hassan يقول...

مش هقولك انا بحب الاغنيه دي اد ايه لانك مدام بتحبها هتبقى فاهم انت بحبها اد ايه..ده غير ان منير حد عبقري اساسا...
حاول تخرج من احساس الوحدة اللي مسيطر عليك ده...انت ليك ناس بتحبهم و يحبوك و دي حاجه رائعة لاني بجد اعرف ناس معندهمش النعة دي...الا مقلتليش هي السيجارة كانت ايه...مش تعزم يا معلم:)