الأحد، أغسطس ١٩، ٢٠٠٧

الموتي أيضا يحلمون

كانت تجلس أمامه .. يفصلهما جدار.. فقال لها ليلة البارحة حلمت مرتين.. وراودني كابوسين.. وقمت مرتين لأشرب الماء البارد لعله يطفيء النيران المحيطة بي.. وأشعلت ثمان لفافات تبغ من نفس النار..

كنت أمامي ومعي وداخلي.. عدنا مرة أخرى.. تجاوزنا كل ما فات.. فعلنا كل ما كنا نفعل .. وما لم نفعل.. توقفنا عن كنا وكان وأصبحنا نكون مرة أخرى..

استمرت في جلوسها صامتة ترتب بعض الزهور فصرخ بقوله نعم حلمت بك .. فلماذا تتجاوزيني بنظرك وكأني غير موجود.. عندما تفعلين ذلك تنزل علي رأسي تلك المطرقة التي تخسفني حتى الأرض السابعة فأتذكر صوتك وانت تصرخين "اللى راح مفيش حاجة هترجعه تاني".. فتنتزعني تلك المخالب الحديدية لأظهر أمام المطرقة مرة أخرى.

تستمر في التجاهل فيلتف ثعبان حول جسده ضاغطا علي قلبه الذي توقف عن العمل ولكنه مازال يؤلمه .. يتألم أكثر فيغني لها "أنا قلبي برج حمام .. هج الحمام منه" فلا يهتز لها جفن وتضمي في تنسيق زهورها فيضيق به المكان حتى تتحطم أضلعه من تداخلها..

تشعر بالتعب وتبدأ في الاستعداد للرحيل.. فيقول لها لو كان بإمكانك فلا تأتيني مرة أخرى بزهور بيضاء.. من فضلك أحضري زهرة زرقاء وأخري سوداء فهو يا سيدتي لونا كأيامي حزين..

يلمح سخرية هذا الملتف بأبيض إلي جواره .. الراقد في نعيم ويخبره أنها لا تستطيع أن تسمعه .. هو فقط يستطيع أما هي فلا.. يلتفت إليه حانقا.. فهو يكره الثرثرة .. ربما لهذا السبب أوصى أمه أن تدفنه في لحد بدلا من تلك الغرف المشتركة.. يشكك الأبيض في روايته.. يلتفت لها ثم يقول له .. أنت لا تدري شيئا.. فالموتي أيضا يحلمون

بالأخضر.. قلبي برج حمام.. منير

بالأزرق.. أطواق الياسمين.. نزار

هناك ٢٨ تعليقًا:

دوللي يقول...

صعبة اوي يا احمد

مُصْعَب إِبْرَاهِيم يقول...

ولكن متى يتحركون؟

غير معرف يقول...

الحب بيتوه وبيبعد، لكن الحلم ...؟؟؟

KAM يقول...

مدونتك لها طابع خاص ومميز
سأعود اليها عن قريب لأقراها بتمعن اكثر
تحياتي

واحد يقول...

-"الموت يجيء فدعنا نتسّلقْ ظهر الخلق معا!!

مجهضةٌ هذي أصوات دقائقكَ الكانت حبلى بالأسرارِ

بيأسٍ تتناسل كالمطر الصيفيّ

تعاودناها .. صاخبةً حمقاءَ تطوّح فينا ..

تقدحنا شمعاتِ أخير الليلِ

نضوّئ وجه البدرِ

عليك اللعنة يا زمنا فات ..
***********************

لك ياهواري ..ولك وحدك ..وأعلم أنك ستعلم ياأريد

MariumaZ يقول...

توقعت بصراحة ياهوراي إن مدونتك حيكون لونها أسود علشان تتماشى مع اسم على الماسينجر
dead man
وتتماشى برضه مع العلبة الغريبة اللي انت حاططها على المكتب اللي كأنها لسة طالعة من فيلم
pirates of the carribbean
حكاية إن الموتى بيحلموا دي طبعاً مجهولة ... بس هل بيحسوا أصلاً علشان يحلموا ... وهل بيناموا علشان يحلموا ... أو حتى صاحيين في عالمهم فبتجيلهم أحلام يقظة؟؟؟
الصراحة مستحيل حد يعرف
ولو أحلام ... فهل فيه كوابيس برضه؟

عجبتني الحتة بتاعة الثعبان اللي التف حول جسده مع إن قلبه توقف عن العمل ولكن مازال يؤلمه
أنا أول مرة أشوف المدونة بتاعتك ... والنبي ابقى اكتب شوية حاجات متفائلة شوية علشان متبقاش كلها سواد في سواد كده

linda يقول...

قرأت البوست وحين وصلت للنهاية شهقت لم اتوقع هكدا نهاية رغم وضوح العنوان

إلا اني كنت اتطلع لشيء يبهر ولم اتوقع هكدا ابهار

بالعموم

يصعب ايضا عليها ان تأتي بورود زرقا وسوداء
إلا ان لونتها بدموعها في ذالك الليل الكئيب
أو ربما بوحدتها الموحشة

لما لا نعطي لدموعها لون السواد ولتكون هده المرة الوحدة ذات لون ازرق قاتم

dead man يقول...

بنوتة

معلش يا جميل .ز والله مكنت اعرف انها صعبة.. هي جت في دماغى كتبتها..

------------------
مصعبوف
الموتي لا يتحركون يا صديقي
فقط يحلمون

------------------
ديمة
أضغاث أحلام وما نحن بتفسير الأحلام بمأولين

بس ساعات الأحلام بتوه وبتبعد لما بنحطها علي أرض الواقع .. علشان كده انا بقول في أحلام من جمالها الواحد بيخاف يحققها.. علشان لو اتحققت ممكن تبقى ذكريات جميلة الواحد يتوجع لما يفتكرها
-----------------------
kam

وانا في انتظار عودتك المتمعنة

والمدونة بتاعتك انت كمان حلوةوليها طابع خاص
تحياتي
------------------
أبو ندا

المعني في بطن الشاعر.. والمجد للشيطان الذي في الأعالي
هههههههههه

وحياة والدك ابقى فهمني علشان انت عارف انا بقيت غبي اليومين دول أكثر من الأول
--------------------------
مريم ..

المقابر حدانا منورة بيكي..
ونعم بعض الموتي يحلمون.. الموتي الذين لم يدفنوا بعد.
وكان في حاجة تفائل ورا كده بحوالي تدوينتن ممكن تقريها

ابقى كرري الزيارة
---------------------------
linda

شكرا علي كلامك الجميل.. ولو كان الأزرق والأسود صعبا عليها .. فربما تستطيع أن تعطيه الأحمر.. فقط لو أرادت..
:)
وعلي كل هو لا يريد أن يراها تبكي .. خاصة وأن الموتي لا يفعلون شيئا بالورد

FadFadA يقول...

أعرف أن العالم في قلبي .. مات
لكني حين يكف المذياع .. و تنغلق الحجرات
أنبش قلبي , أخرج هذا الجسد الشمعي
و أسجيه فوق سرير الآلام
أفتح فمه , أسقيه ( عصير ) الرغبة
فلعل شعاعا ينبض في الأطراف اباردة الصلبة
لكن .. تتفتت بشرته في كفي
لا يتبقى سوى .. جمجمة و عظام

أمل دنقل

على فكرة السودان خسرت كتير

KAM يقول...

عزيزي
الذي خطر ببالك وكتب ما كتبت، هو فعلا انعكاس لأسم مدونتك
لا ادري ربما انا على خطأ، لكني شعرت بانسجام بينك وبين ما كتبته
اعجبني ما خطر ببالك
تحياتي

شيرين يقول...

كلمة تدوينة رائعة قليلة قوي بجد المرة دي..

بس أنا عندي مشكلةواحدة.. يعني ممكن أوافق ان الموتى يحلموا.. ويتحركوا، ويحبوا، ويثوروا.. بس ميت بيدخن.. جديدة دي !!!

ربنا يوفقك يا هواري.. ويجعل أحلامك حقيقة.. ويباعد ما بينك وبين كوابيسك
:)

قضية عم أحمد Ahmed Case يقول...

أحمد انا عايز منك تدوينه تانية برائحة الياسمين كقايه اوي الريحة اللى احنا عمالين نشمها بقالنا كتير .

أنتهى كلامي رحمني الله

غير معرف يقول...

they dream...of resurrection. for the best is to come, the haven can still be created!

I almost felt his screams and scratches calling on her! wish she'd listen... wish he'd move forward!

wtg

تــسنيـم يقول...

سألتك مرة من قبل أن ترحم قلبك المسكين وألا تحاول اجترار الذكريات فما تفعله لن يجديك نفعا فقط سيوهنك أكثر وسيخلف مرار أعظم

Mony The Angel يقول...

huh :|
eh da bagd :(((
enta msadda2 7ekaiet enak maiet wala eh ya a5 enta :/

regards :/ (F)

عصفور بلا أجنحة يقول...

انت قلبك جامد موت

DARK يقول...

dead man
بجد البوست ده من أجمل ما قرأت
صاعقة
أحييك بشدة عليه

غير معرف يقول...

أحمد
ليه الاحباط دة ...كنت زي الفل اية اللي حصل ...كدة كتير....عايزين حاجة مفرفشة كدة وياريت الغوامق دية تحاول تغيرها بتقبض القلب
النجمة الساطعه

dead man يقول...

fadfada محمد

ليت العالم هو من قلبي مات.ز الحقيقة أن قلبي هو من مات..

والسودان يا عم مخسرتش ولا حاجة
:)
----------------
kam

يقول البعض أنى لست ميتا.. ولكنك من لمستي الحقيقة. . هذا ليس انسجام.. هذا ذوبان

ولم يجول بخاطري.. فانا أعيشه

تحياتي
---------------------
شيرين
وميدخنوش ليه ان شاء الله ، ااقل منها ولا ايه..

ده التدخين افيون الشعوب
:))
اه والنبي محتاجين دعواتك في موضوع الكوابيس.. واعتقد انك سمعتي من طرف محايد.. علشان تصدقي بس
:)))
---------------------
أبو رفعت
يا سيدي مبقتش فارقة.. سينا من سونيا
:))
وعلشان تعرف قيمة المدخنين في الحياة يا ابني .. الريحة تقلب في المكتب عندك تجري تجيب الكاندل والولاعة بعد اذنك يا هواري ..

:))
-------------
Epitaph
i wish she get her wishes.. but now really he cant move

thanx
-------------
تسـنيم
حقيقة لا أدري علي من أن يرحم من.. من منا يعذب الأخر.. أنا أما هو.. لهذا في المرة الماضية قلت لكي أننا فقط نعذب أحدنا الأخر

تبا لنا معنا
وصدقيني لم يعد هناك مجالا اكثر للضعف أو المرارة.. فالحلق قد غص بها حتى فاضت علي أرضية الغرفة واحتلت مكاني في سريري
--------------------
Mony The Angel

معتقدش انه مهم انا مصدق ايه.. المهم انا حاسس ايه..

thanx (f)
-----------------------
عصفور بلا أجنحة

أولا نرحب بيكي في مقابرنا المحدودة ..
واعذري لي فهمي البطيء ان لم أفهم قصدك
------------------
DARK
ربنا يخليكي علي الكلام الجميل

أشكرك بشدة
:)
----------------
يا هلا بالنجوم
:)
والله مش عارف هي فترات صعود وهبوط ولا أنا كنت بكدب علي نفسي
من الواضح ان العيب فيا انا
:))
وبالنسبة للألوان انا بعشق الفامق.. واسفين يا فندم علي قبضة قلبك
متقطعيش الزيارة

Lens Geek يقول...

هالموتى يحلمون ؟ فماذا نفعل نحن عندما ننام؟ اعتقد اننا نموت

الحلم العربي يقول...

فكرتني بفيلم "سيتى اوف انجلز" بتاع ميج راين و نيكولاس كيدج الفيلم ده كنت بحبه جدا لكن فيه واحدة قالتلى ان فكرته حرام مش عارفة ليه....
المهم ....ولو انى مش بحب التشاؤم لكن بجد التدوينة جميلة جدا و اسلوبك اكثر من رائع

بقولك ايه سؤال جانبي كده ...مش ممكن تسند دور البطل لحاجة تانية غير لفافة التبغ دي علشان تعبتلى رئتى ....مش كفاية علينا السحابة السودا؟؟؟؟

ههههههههههههههه

تحياتي ايها المبدع

أميرة من غير قصر ولا بستان.. ولا الشاطر حسن كمان يقول...

مبعرفش اعلق
بحس انى عايزه اقراها و بس

KAM يقول...

في الواقع انت رائع
ان كان ذوباناً كما تفضلت اذا هو اكثر من انسجام

تحياتي لك

altwati يقول...

الموتى عليهم أن يحلموا بالموتي
لأن الأحياء يعيدون دفن ما تبقى من الموتى بالزهور
البيضاء
تحياتي

خلود صلاح يقول...

الاكثر ايلاما لما الموقف دة يحصل بين اتنين عايشين ولا هما حاسين ببعض
الحياة اصبحت باردة وغبر قابلة للتحمل

Hadota ... حدوتة يقول...

معندكش فكرة قد ايه كلاماتك مؤثرة
عارف
عذرها الوحيد انه مين
عارف بقى اللى يوجع القلب اكتر انه يبقى الاتنين عايشين وطرف بينده على التانى وهوا مطنشه

بجد انت مبدع
انا قولتها من زمان انت فنان
:)

Hadota ... حدوتة يقول...

انا علقت على البوستات اللى فاتتنى
ابقى شوف ورد بقى بدل ما صوتى يتوه فى الزحمة

تحياتى

3abdo me7tas يقول...

مع اول مرة ادخل المدونة بتاعتك يا مان
بس اقدر أقولك
انها عجبتنى جدا وكلمات البوست ده بجد رائعة جدا
تحياتى