ناس واحشاني

راجع من الشغل تعبان فتحت الجهاز علشان عندي شعل تاني المفروض أعمله.. بس منين يودي علي فين، وبكام يجيب أد ايه.. لا عارف أشتغل ولا شايف قدامي أصلا.. قررت كعادتي في اليومين اللى فاتو أدخل أنام، وبكرة اصحي بدري وأشتغل مع انى عارف أنى مش هعرف أصحي بدري، وأصحى بدري ازاي والساعة 4 الفجر دلوقتي.

المهم قبل ما أنام افتكرت أن في ناس واحشني أوي ففكرت أني أقولهم وحشتوني..

مصطفي عرابي وأحمد جمال من فريق الجامعة الذهبي اللى شفت معاهم أيام حلوة... وحشتوني.

سالي أختي، التي لم تنجبها أمي، اللي مشفتهاش من يوم حفلة التخرج، بقالها سنة وشهر تقريبا،.. وحشاني.

White horses و mehooo وsouzi وnermine دول my online friends.... واحشني..

أحمد الدريني وأحمد فؤاد اللي رحت البورصة أخر مرة مشوفتهمش.. واحشني

Angel ونادر وعبد الله من الجورنال المرحوم "وسط البلد" ... واحشني

محمد السيد ويحيى من الإسكندرية.. واحشني

إسكندرية.. وحشاني أوي.

أبو عمر، أستاذي.. واحشني والله

تسنيم بنت أختي.. واحشاني يا عسل..

أحمد الهواري.. واحشني موووووووووووت ونفسي أقعد معايا..