الأربعاء، ديسمبر ٢٧، ٢٠٠٦

اليوم قبلتها

عدت اليوم من الخارج ففتحت لي الباب مثل كل ليلة.. نظرت لها سألتها كيف هي.. ثم قبلتها.. فأنا لم أقبل وجنتيها منذ زمن.. وكم أسفت لذلك..

منذ يومين كنت عائدا مثل كل ليلة.. كانت نائمة.. بعدها بساعتين رأيتها جالسة علي ذلك المقعد الذي اعتادت أن تجلس عليه كلما أصابها الأرق.. أو كلما عاودتها ألام الحساسية العصبية.. الأطباء يعرفون ما تسببه من ألم.. ولمن لا يعرف هي في أبسط تعريف لها ارتفاع في حرارة الجسم تحس بها تحت الجلد مما يدفعها إلي حك الجلد.. ومزيد منا الحك.. ومن اسمها تعرف أنها نتيجة الضغط العصبي..

اقتربت منها لأكتشف أنها لا تعاني من الأرق.. ولا أحد يسبب لها الضغط العصبي سوى ذلك النائم بالداخل الذي يريد أن يتزوج في أيام معدودات علي طريقة "اتصرفيلي".. أرى ذراعها وقد قارب جلده علي النفاذ.. لا أملك أن أفعل شيئا سوى أن أربت علي رأسها.. وأن تدمع عيني وأن أنزوي في ركن الغرفة لأرى ذلك النائم يصحوا يتجه نحو دورة المياة مارا بها ثم يعود إلي السرير وكأنه من الطبيعي أن تصحو في الرابعة فجرا وترى أمك جالسة فوق ذلك المقعد الذي أنت تعرف تماما متى تجلس عليه..

بكيت وأنا أحس بالعجز.. وبالظلم.. ولعنت نفسي آلاف المرات لأني لم أخرج لكي أحتضنها وأربت علي رأسها.. فأنا أساوي صفر عند التعبير عن مشاعري.. ربما تغفر لي لذلك.. ولكن هل أغفر أنا لنفسي..

ربما لهذا عدت إلى هنا.. لكي أخفف قليلا من إحساسي بالذنب.. ربما لآن الكتابة تريحني.. ربما لأنها تضعني أمام نفسي المريضة.. ربما لأسباب أخرى.. ولكنى أعتذر لها..

هناك ١٦ تعليقًا:

Ahmad Gharib يقول...

عزيزى اواجة نفس المشكلة مع التعبير عن مشاعرى
تجاة والداى

واعجز تماماً عن ذلك ولكن ذلك بسبب انهم لم يعودونى على تلك المسألة

ولكن يعلم الله ما فى قلبى نحوهما

غير معرف يقول...

أكيد كلنا بنحب والدينا أكيد دى فطرة الإنسان بس الأهم من ده هو كيف تعبر عن حبك لهم لابد أن تعبر عن حبك لهم بأى طريقة وتختلف طريقة التعبير من شخص للآخر ومن بيئة لبية

shimaa يقول...

فأنا أساوي صفر عند التعبير عن مشاعري..

i knw exactly wat u mean cause i've the same problem but plz plz
try enk t3brha 3n msh3rk de w t7sasha en 7ases beha hefr2 m3ha kteer w htfr2 m3ak kteer 2wii brdo
at least u willn't blame urself later..w kman ht7'fef 3nha shwya
rbna yeshfeha w ye7'lehalk yarab

مُصْعَب إِبْرَاهِيم يقول...

حمدالله على السلامة

أحمد اللي بيخرج من قلب صافي بيوصل للي قدامه على طول، خصوصا لو قلب أم

ربنا يقدرك وتسعدها، هي طيبة أوي وبتحبك أوي أوي
وأنا عارف إنك بتحبها أوي أوي

ربما تساوي صفرا بالتعبير بالفم، لكن عيناك تقول الكثير مما لا يعرفه إلا من جرب

Mai Kamel يقول...

welcome baaaaaaaaaaaack
كنت عارفة انك مش هتقدر تطيل الصمت اكتر من كدة

يابني احنا بقينا بنتنفس الكتابة والكتابة بتنفس عننا

سعيدة بعودتك يا احمد
والبوست كتلة مشاعر يا راجل مبتعرفش تعبر ايه بس

ام مليكة يقول...

ربنا يخليها لك ويخليها لنا كلنا ويشفيها يارب
عارف يا احمد انا باحس بصدقك قوي وانت بتتكلم عن ماما

محمد السيد..مش حاسكت يقول...

يااااااااااااه يا ابني ....

تعرف والله ؟؟؟ نفسي أكتب زيك كده ... كان نفسي أكون بأعرف أعبر عن أبويا وأمي بالشكل ده ...

كان نفسي .... أتعلم من وأنا صغير ابوس إديها ... وأحني راس قدامه ...

أقولك ؟؟ ... نفسي ولاديب يعملوا معايا كده ... نفسي يطلع لي عيال يحبوني كده ...


بجد .. بجد ... بطلوا السيرة الحزايني دي بقي ... متبقاش إنت ومصعب .. الحكاية مش ناقصة ...

وكمان إحنا داخلين علي عيد .. وعلي فرح الباشا النايم ... وعلي عزومات وتذاكر في حتت عمرنا ما دخلناها ....

إيه رأيك ؟؟ تسيبك من ده كله ... وتعالي نلعب لعبة صراحة ....

ونشوف مين حيكسب ؟؟؟

We2am يقول...

wlcm back dude :))))
eh elmsh3er elshfafa elsadqa deh bs?felt crying..rbna ye7'lha lak..msh 3arf..enta fe3lan nfsk mareda? ;))

دعاء عادل يقول...

انا لم اقابلك من قبل لكن من كتابتك تأكدت انك انسان طيب جدا مشاعرك حلوه اوى واكيد مامتك حاسه بيها من غير ما تتكلم
ربنا يخليهالك ويخليك ليها

LAMIA MAHMOUD يقول...

ربنا يخليهالك ويخليك ليها
بس نصيحة عبر عن مشاعرك كتييييير على قد ما تقدر
ساعات بيبقى الواحد محتاج حد يقوله بس كلمة حلوة
بس يمسك ايديه

ربنا يخليهالك يارب

كراكيب نـهـى مـحمود يقول...

خلينا نقول للناس اللي بنحبهم وقت ما يكونوا موجودين ومتاحين اننا بنحبهم الكلمة دي بتفضل محبوسة جوانا وبتطلع بس لما بيكونوا معدوش موجودين علشان يسمعوها قلها وبوس اييها كمان لو حاسس انك محتاج تعمل كله بوست جميل اوي

nour يقول...

احمد
كنت عارفه انك راجع
وحشتنااااا
الف سلامه للحاجة
كلنا بنبعتلها بوكيه ورد معاك
انا عايزة اقولك حاجة..حتى لو مش عارف تعبرلها عن مشاعرك يا بنى المشاعر دى بتتحس
انا متأكده انها عارفه انت عايز تقولها ايه و حاسس بايه
و لا يهمك

:)))كله بيتدبر

Mony The Angel يقول...

فأنا أساوي صفر عند التعبير عن مشاعري..
many people who commented said that they face the same problem with their parents..
i face the same problem with all people who i love :)
i know exactly ur feeling, i always feel this way :)

dead man يقول...

Duke Of Eden
هي دي المشكلة اننا متعودناش.. بس ممكن نتعلم .. ونتعود.. ربنا يخليهملك يا رب

ومنورنا يا باشا
-----------
Anonymous
هي دي النقطة.. وجارى البحث عن طريقة

---------
shaimaa
ربنا يخليكي.. وانا بحاول علي قد ما أقدر.. وربنا يقدرنا ..
---------
الرفيق الجنرال مصعبوف..
ربنا يخليك يا برنز .. وعلي فكرة هي بتحبك انت كمان أوي (F)
---------
mai
ربنا يخليكي علي الكلام الحلو ده.. هو بس أحيانا الواحد بيحب يتوقف عن التنفس.. وبالنسبة لي دائما بتمنى ده
---------
بنت بلد
ربنا يخليكي.. وأنا كمان علي فكرة بحس بصدقي وأنا بتكلم عنها :d
-------
mohamed باشا

ربنا يكرمك ان شاء الله وولادك يحبوك ويعبروا عن حبهم.. بس انتا لازم تعلمهم ده..

والباشا خلاص اتجوز .. ويا سيدي في أقرب وقت نبقى نلعب صراحة ولا يهمك
---------
we2am
ياباشا دموعك غاليا علينا وخلاص أنا قولتلك مش هنتكلم في الكلام ده تاني.. من هنا ورايح تدوينات عادية وخلي اللى في القلب في القلب
فعلا نفسي مريضة وأنا معترف بده.
-------
دعاء عادل
مش طيب أوي يعني :)
جوايا برضه شيطان صغير بيلعب معايا كثير..
ربنا يخليكي وأهلا بيكي في المقابر :d
--------
LAMIA MAHMOUD
والله أنا بحاول.. ربنا يقدرني..
شكرا
-------
كراكيب
بحاول والله وبدأت أعمل كده.. علشان أنا مش قادر أتخيل أنها في يوم ممكن تكون مش موجودة علشان أقولها بحبك
-------
nour
ربنا يخليكي ومبوحشكيك غالي..
أنا عارف أنها عارفة أني بحبها.. بس برضه التعبير أحيانا لازم يكون موجود
ودي وردة مني في البوكية اللى انتو باعتينه (f)
--------
Mony The Angel
hope u can say it soon
welcome in the grave

اميرة هشام يقول...

اولا حمدالله عالسلامة

ثانيا لكل مشكلة وليها حل
ودي متعتبرش مشكلة لو انت حطيت في دماغك انك لازم تعبر عن اللي جواك

عارف كانت تبقي المشكلة امتي؟
لو انت معندكش مشاعر تعبر عنها
ومفيش حاجة جواك تطلعها

وبعدين دي مامتك
يعني اكتر حد ممكن يحبك

معقولة تبقي عارف ان حد بيحبك اوي وانت كمان بتحبه ومتعرفش تعبرله عن مشاعرك

من هنا ورايح كل يوم تجبلها وردة وتبوس ايديها قبل متنزل تروح الشغل

nooooooooooo يقول...

كنت بافتكر ان الحنان صفة عند البنت لأمها و أبوها و لا يمتلكها الولد لوالدية

معظم الشباب لا يشعروا بمعناة اهلهم

و لا يقدروا متاعبهم حتى لو رأوها بأعينهم

البوست جميل و الاحساس رائع

و المدونة كلها هايلة